လံာ်တၢ်သးဝံၣ်တဖၣ်အတၢ်သးဝံၣ် 4:16 - Sgaw Karen Common Bible

¹⁶ ကလံၤစိးအကလံၤဧၢ, ဖုးသံနီၣ်ထီၣ်တက့ၢ်. ကလံၤထံးအကလံၤဧၢ, အူဘၣ်ယတၤသၣ်လီၢ်, ဒီးမၤပှဲၤအီၤပှဲၤဒီးတၢ်နၢမူန့ၣ်တက့ၢ်. မ်ယတၢ်အဲၣ်ဟဲဆူအတၤသၣ်လီၢ်, ဒီးအီၣ်အတၤသၣ်အဂ့ၤကတၢၢ်တဖၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 4:16 Iomraidhean Croise

လံာ်ပှၤစံၣ်တဲၤတဲလီၤတၢ် 1:6

ကလံၤအူဆူကလံၤထံး, ကလံၤအူဆူကလံၤစိး, လဲၤတရံးတဝီဝံၤတဝီဒီးဟဲက့ၤကဒီးလီၤ.

လံာ်ပှၤစံၣ်တဲၤတဲလီၤတၢ် 2:5

ယသူၣ်လီၤဖျးလီၤဖီကရၢၢ်တဖၣ်ဒီးတၤသၣ်အလီၢ်တဖၣ်ဃုာ်ဒီးတၤ သၣ်အထူၣ်အကလုာ်ကလုာ်လၢအပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:13

ပှၤလၢယအဲၣ်အီၤတဂၤနၢမူဒ်မူရၣ်အသိး, ဖဲအဝဲမံနီၤလၢယနုၢ်ကဆူးပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:4

ကိးဃုာ်ယၤတက့ၢ်, ဒီးပကဃ့ၢ်ပိာ်လိာ်ပခံလီၤ. မ်နကဲထီၣ်ယစီၤပၤ, ဒီးကိးနုာ်ယၤဆူနဒၢးပူၤတက့ၢ်. ပကမုာ်လၤသးခုဒီးမၤလၢာ်ပဆၢကတီၢ်လၢတၢ်အဲၣ်ယိာ်အပူၤ အါန့ၢ်ဒံးလၢစပံးထံအပူၤတက့ၢ်လီၤ. ပှၤပိာ်မုၣ်ခဲလၢာ်အဲၣ်နၤန့ၣ်တလီၤကမၢကမၣ်ဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 2:3

ဒ်သ့ၣ်ဖီသၣ်တထူၣ်အိၣ်လၢသ့ၣ်အဂၤတဖၣ်အကျါလၢပှၢ်ပူၤအသိးန့ၣ်, ပှၤလၢယအဲၣ်အီၤတဂၤဘၣ်တၢ်ပာ်သတြီၤအီၤဒီးပိာ်ခွါအဂၤတဖၣ် လီၤ. ယဆ့ၣ်နီၤလၢအကဒုအဖီလာ်ပှဲၤဒီးတၢ်သးခု, ဒီးအသၣ်တဖၣ်န့ၣ်ယအီၣ်ဝံၣ်ဒိၣ်မးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:8

ယနၢ်ဟူပှၤလၢယအဲၣ်အီၤတဂၤအကလုၢ်န့ၣ်လီၤ. အဝဲဟဲဃ့ၢ်လၢကစၢၢ်တဖၣ်အလိၤ, ဒီးဃ့ၢ်ခီဂာ်တၢ်လူၢ်ဖိတဖၣ်ဆူယအိၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 6:2

ပှၤလၢယအဲၣ်အီၤတဂၤလဲၤဆူအတၤသၣ်လီၢ်, ဖဲကသံၣ်ဖှူအသ့ၣ်တဖၣ်မဲထီၣ်ဝဲန့ၣ်လီၤ. အဝဲဒုးအီၣ်အဆၣ်ဖိကီၢ်ဖိတဖုအဆၣ်လၢတၤသၣ်လီၢ်ပူၤ, ဒီးထၢဖှိၣ်ဖီဒ့ၣ်ညါတဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:12

စီၤပၤၡလိၤမိၤဒိးန့ၢ်ဘၣ်အစ့အဘ့ၣ်တကထိ, ဒီးပှၤထူစံာ်ဖိတဖၣ်မၤန့ၢ်ဝဲခံကယၤစုာ်စုာ်ဒ် အတၢ်နီၤဟ့ၣ်အသိးလီၤ. မ့မ့ၢ်ယဲယအိၣ်ဒီးယကစၢ်ဒၣ်ယဲအစပံးလီၢ် တလီၢ်န့ၣ်လီၤ.

လံာ်ယၡါယၤ 64:1

နတအိးထီၣ်မူကပိာ်လိၤဒီးဟဲလီၤန့ၣ်ဘၣ်မနုၤအဃိလဲၣ်. ကစၢၢ်တဖၣ်ကထံၣ်ဘၣ်နၤဒီးကဟူးဝးဝဲလၢတၢ်ပျံၤတၢ်ဖုး အပူၤလီၤ.

လံာ်ယဃ့းစက့လး 37:9

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, ကတိၤတၢ်လၢ ဝံအကျိာ်ဆူကလံၤအအိၣ်တက့ၢ်. တဲဘၣ်ကလံၤလၢယွၤပၢဘၣ် တၢ်ခဲလၢာ်ကစၢ်, ဟ့ၣ်လီၤအကလုၢ်လၢအကဘၣ်ဟဲလၢ တၢ်လီၢ်ကိးကပၤဒဲး, ဒ်သိးကအူသဖှိနုာ်တၢ်သါဆူနီၢ်ခိတဖၣ် လၢအသံအံၤအပူၤ, ဒီးကဒုးမူထီၣ်ကဒါက့ၤအဝဲသ့ၣ်န့ၣ်တက့ၢ်.”

လံာ်မးသဲ 26:10

ယ့ၣ်ၡူးသ့ၣ်ညါတၢ်လၢအဝဲသ့ၣ်စံးလိာ်အသးဒီးတဲဘၣ်အဝဲသ့ၣ်, “ဘၣ်မနုၤလၢသုမၤတံာ်တာ်ပိာ်မုၣ်အံၤလဲၣ်. တၢ်လၢအဝဲမၤဘၣ်ယၤအံၤ မ့ၢ်တၢ်မၤလၢအဂ့ၤဒီးဃံလၤမးတမံၤလီၤ.

လံာ်မးသဲ 26:12

တၢ်လၢအဝဲမၤန့ၣ် မ့ၢ်တၢ်လူလီၤသိနၢမူအံၤလၢယနီၢ်ခိအလိၤ, ဒ်သိးကကတဲာ်ကတီၤယၤလၢတၢ်ခူၣ်လီၤကွံာ်အဂီၢ်လီၤ.

လံာ်ယိၤဟၣ် 3:8

ကလံၤန့ၣ်ဖဲအမိၣ်အူအသးဒီးအူဝဲလီၤ. နနၢ်ဟူအသီၣ် ဘၣ်ဆၣ်ဟဲလၢလဲၣ်မ့တမ့ၢ်လဲၤဆူလဲၣ်န့ၣ်နတသ့ၣ်ညါဘၣ်. ပှၤကိးဂၤဒဲးလၢအအိၣ်ဖျဲၣ်လၢယွၤအသးန့ၣ်မၤအသးဒ်န့ၣ် အသိးလီၤ.”

လံာ်ယိၤဟၣ် 5:8

ယ့ၣ်ၡူးစံးဘၣ်အီၤ, “ဂဲၤဆၢထၢၣ်, ဟံးထီၣ်နလီၢ်မံ, ဒီးဟးတက့ၢ်.”

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

ရိမ့ၤ 15:16

လၢယကမ့ၢ်ကစၢ်ယ့ၣ်ၡူးခရံာ်အခ့အပှၤလၢအမၤတၢ်လၢပှၤ ကလုာ်ဂၤတဖၣ်အဂီၢ်အဃိန့ၣ်လီၤ. ယမၤတၢ်ဒ်ပှၤလုၢ်တၢ်အခိၣ် တဂၤအသိးလၢတၢ်စံၣ်တဲၤတဲလီၤတၢ်သးခုကစီၣ်လၢအဟဲလၢ ကစၢ်ယွၤအအိၣ်, ဒ်သိးပှၤကလုာ်ဂၤတဖၣ်ကမ့ၢ်တၢ်လုၢ်လၢကစၢ်ယွၤ တူၢ်လိာ်အီၤသ့, ဒီးဘၣ်တၢ်ပာ်စီဆှံအီၤလၢကစၢ်ယွၤအဂီၢ် ခီဖျိသးစီဆှံန့ၣ်လီၤ.

ရိမ့ၤ 15:28

ဖဲယမၤတၢ်မၤအံၤဝံၤ, ဒီးဟ့ၣ်လီၤစ့လၢပှၤထၢဖှိၣ်လၢအဝဲသ့ၣ်အဂီၢ်တဖၣ်အံၤခဲလၢာ် ဆူအဝဲသ့ၣ်အစုပူၤဝံၤဒီးယကလဲၤဆူကီၢ်စပၤနံဒီးနုာ်လီၤအိၣ် သကိးသုလၢကျဲန့ၣ်လီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.