လံာ်တၢ်သးဝံၣ်တဖၣ်အတၢ်သးဝံၣ် 4:1 - Sgaw Karen Common Bible

¹ နဃံလၤဆံးဒိၣ်လဲၣ်, ယတၢ်အဲၣ်သးဘိဧၢ. နမဲာ်ချံတဖၣ်ကပီၤထီၣ်ဝဲဒီးတၢ်အဲၣ်, လၢနနီၣ်ကျၢၢ်ဘၢမဲာ်အဖီလာ်မးလဲၣ်. နခိၣ်သူဒံဝ့ၤဒံဝီၤမၤအသးဒ်မဲာ်တဲးလဲးလၢအဟဲဃ့ၢ်စံၣ် လီၤလၢကီၢ်ကံးလဧးအတၢ်လူၢ်တဖၣ်အလိၤအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:1 Iomraidhean Croise

စံးထီၣ်ပတြၢၤ 45:11

စီၤပၤကအဲၣ်ဘၣ်နၤ လၢနတၢ်ဃံတၢ်လၤအဃိန့ၣ်လီၤ. အဝဲမ့ၢ်နကစၢ်, ဒီးနကဘၣ်ဒိကနၣ်အီၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:15

နဃံနလၤဆံးဒိၣ်လဲၣ်, ယတၢ်အဲၣ်ဧၢ, နမဲာ်ချံတဖၣ်ကတြ့ၣ်ကတြိၣ်ဒ်ထိၣ်လွံၢ်အမဲာ်ချံတဖၣ်လၢအပှဲၤ ဒီးတၢ်အဲၣ်အသိးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:10

ပှၤလၢယအဲၣ်အီၤတဂၤကတိၤတၢ်ဒီးယၤလီၤ. ဟဲ, ပှၤလၢယအဲၣ်အီၤတဂၤဧၢ, ဟဲဃုာ်ဒီးယၤတက့ၢ်, ယတၢ်အဲၣ်သးဘိဧၢ.

လံာ်တၢ်သးဝံၣ်တဖၣ်အတၢ်သးဝံၣ် 2:14

နလီၤဂာ်ဒီးထိၣ်လွံၢ်တဘ့ၣ်လၢအအိၣ်ခူသူၣ်လၢလၢၢ်သ့ၣ်ဖး အကဆူးပူၤ, ဒီးအိၣ်တဒၢလၢလ့ကဘျၣ်အပူၤန့ၣ်လီၤ. ဒုးထံၣ်ယၤလၢနမဲာ်ဃံလၤလီၤအဲၣ်လီၤကွံ, ဒီးပျဲယနၢ်ဟူနကလုၢ်လၢအမုာ်သယုၢ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 6:5

ဃၣ်ကွံာ်နမဲာ်ချံတဖၣ်လၢယအိၣ်တက့ၢ်, မ့ၢ်လၢအဝဲသ့ၣ်ဖီၣ်ဃးယၤဒ်ပှၤဘၣ်တၢ်စၢဃာ်အသိးအဃိလီၤ. နခိၣ်သူဒံဝ့ၤဝီၤမၤအသးဒ်မဲာ်တဲးလဲးတဖု လၢအဟဲဃ့ၢ်စံၣ်လီၤလၢကီၢ်ကံးလဧးအတၢ်လူၢ်တဖၣ်အလိၤအသိးန့ၣ် လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:7

နဘိးပၤတဖၣ်ဆဲးကပြုၢ်ထီၣ်လၢနနီၣ်ကျၢၢ်ဘၢမဲာ် အဖီလာ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:5

နခိၣ်အိၣ်ထီၣ်ထီဒ်ကစၢၢ်ကၢ်မ့ၤလးအသိးန့ၣ်လီၤ. နခိၣ်သူသံၣ်အသး, ကပီၤဒ်သတိၢ်အဂ့ၤကတၢၢ်အသိး, အတၢ်ဃံတၢ်လၤဖီၣ်န့ၢ်စီၤပၤအသးသ့ဝဲန့ၣ်လီၤ.

လံာ်ယံးရမံယၤ 22:6

လၢယဂီၢ်န့ၣ်, ကီၢ်ယူဒၤအစီၤပၤအနူၢ်ဧိၤစီၤဧိၤအံၤ ဃံဝဲလၤဝဲဒ်ကီၢ်ကံးလဧးဒီးဒ်လဘၤနိၣ်အကစၢၢ်ကလိတဖၣ် အသိးန့ၣ်လီၤ. ဘၣ်ဆၣ်ဒီးယကဒုးကဲထီၣ်အီၤလၢတၢ်လီၢ် အိၣ်သယုၢ်သညိတတီၤဖဲပှၤတအိၣ်တဆိးဝဲနီတဂၤဘၣ်န့ၣ်လီၤ.

လံာ်ယဃ့းစက့လး 16:14

နကဲထီၣ်ပှၤလၢအမံၤဟူသၣ်ဖျါလၢပှၤကိးကလုာ်ဒဲး အကျါလၢနတၢ်ဃံတၢ်လၤအလၢအပှဲၤအဃိန့ၣ်လီၤ. အဂ့ၢ်ဒ်အံၤ, ယမ့ၢ်တ့ၢ်ပှၤတဂၤလၢအဒုးဃံဒုးလၤနၤထဲထဲအံၤညါန့ၣ်လီၤ. တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ.

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်တၢ်ဂံၢ် 32:1

ရူၤဘ့ၣ်အဒူၣ်ဒီးကးအဒူၣ်အိၣ်ဒီးဂီၤဘုၣ်ဂီၤဖံးအါအါကလဲာ် လီၤ. ဖဲအဝဲသ့ၣ်ထံၣ်ဘၣ်လၢကီၢ်ယၤစ့ၢ်ဒီးကီၢ်ကံးလဧးန့ၣ်ကြၢးဝဲ လၢဂီၤဘုၣ်ဂီၤဖံးအဂီၢ်ဒီး,

လံာ်တၢ်ဂံၢ် 32:40

မၤသးဒ်န့ၣ်ဒီး, စီၤမိၤၡ့ဟ့ၣ်လီၤကီၢ်ကံးလဧးဆူစီၤမၤကံၢ် အဒူၣ်ထၢအစုပူၤဒီးအဝဲသ့ၣ်အိၣ်ဆိးဝဲဖဲန့ၣ်လီၤ.

လံာ်မးသဲ 11:29

ဟံးထီၣ်ယနီၣ်ယိးဘိလၢသုလိၤဒီးမၤလိတၢ်လၢယၤတက့ၢ်. အဂ့ၢ်ဒ်အံၤ, ယသးစူၤဒီးယဆီၣ်လီၤယသးလီၤ. ဒီးသုကထံၣ်န့ၢ်တၢ်အိၣ်ဘှံးလၢသုသးအဂီၢ်လီၤ.

၂ ကရံၣ်သူး 3:18

လၢတၢ်န့ၣ်အဃိ, ပဝဲကိးဒံကိးနီၢ်ဂၤဒဲးပမၤဖျါထီၣ်က့ၤကစၢ် အလၤကပီၤ, တအိၣ်ဒီးတၢ်မၤဘၢပမဲာ်ဘၣ်. ဒီးတၢ်လၤကပီၤ တမံၤဃီအဝဲန့ၣ်, ပျိာ်လဲလိာ်ကွံာ်ပှၤဆူတၢ်လီၤဂာ်ဒီးအီၤ, လၢအအိၣ်ဒီးတၢ်လၤကပီၤဒိၣ်ဒံးတက့ၢ်န့ၣ်လီၤ.