လံာ်တၢ်သးဝံၣ်တဖၣ်အတၢ်သးဝံၣ် 2:7 - Sgaw Karen Common Bible

⁷ ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤယၤ, ဒီးဆိၣ်တၢ်ဒီးယၤလၢတၤဟိစဘံဒီးတၤဟိမိၢ်ဖိအမဲာ်ညါ, လၢသုတမၤတံာ်တာ်ဘၣ်ပတၢ်အဲၣ်လိာ်ပသးဘၣ်န့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 2:7 Iomraidhean Croise

လံာ်တၢ်ကဲထီၣ်အခီၣ်ထံး 49:21

စီၤနးသၤလံမ့ၢ်တၤယုၢ်တဒုလၢဃ့ၢ်လၢတၢ်သဘျ့အပူၤအိၣ်ဒီး အဆူၣ်လၢအလွဲၢ်ဃံလၤဝဲလီၤ.

စံးထီၣ်ပတြၢၤ 18:33

အဝဲမၤကျၢၤယခီၣ်ဒ်တၤဟိအခီၣ်အသိး, ဒီးဒုးဆၢထၢၣ်ယၤလၢတၢ်လီၢ်ထီၣ်ထီန့ၣ်လီၤ.

တၢ်ကတိၤဒိ. 5:19

လၢအဃံအလၤဒီးလီၤအဲၣ်ဒ်တၤဟိမိၢ်တဒုအသိးအအိၣ်န့ၣ်တက့ၢ်. မ်အတၢ်လီၤအဲၣ်လီၤကွံမၤမုာ်နသး, ဒီးမ်အတၢ်အဲၣ်ထိၣ်ဂဲၤမၤမူၤနသးထီဘိတက့ၢ်.

တၢ်ကတိၤဒိ. 6:5

ဟးထီၣ်ကွံာ်လၢပျံၤသကွီၤအပူၤဒ်ထိၣ်တဘ့ၣ်, မ့တမ့ၢ်ဒ်တၤဟိတဒု, ဃ့ၢ်ပူၤဖျဲးထီၣ်ကွံာ်လၢပှၤခးတၢ်ဖိအစုပူၤအသိးန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 1:5

ဝ့ၢ်ယရူၤၡလ့ၣ်အဖိမုၣ်သ့ၣ်သုဧၢ, ယသူဘၣ်ဆၣ်ဒီးယဃံလၤယဲဒၣ် န့ၣ်လီၤ. ယသူဒ်ပှၤက့ဒၢ်ဖိအဒဲတဖၣ်လၢမဲးမုၢ်ခိၣ်, ဘၣ်ဆၣ်ဃံလၤယဲဒ်ယၣ်ဘျးသဒၢတဖၣ်, လၢစီၤၡလိၤမိၤအနူၢ်ပူၤအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:17

တုၤလီၤလၢမုၢ်ဂီၤအကလံၤဖိအူထီၣ်, ဒီးတၢ်ခံးတၢ်နၤဟါမၢ်ကွံာ်ဝဲဒၣ်န့ၣ်လီၤ. ဟဲက့ၤ, ယတၢ်အဲၣ်သးဘိဧၢ, ဒ်တၤဟိစဘံတဒုဒီးဒ်တၤဃီၤဖါသးစၢ်တဒုလၢလၢၢ်မုၢ်လ့တီ ကစၢၢ်လိၤအသိးတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 2:9

ပှၤလၢယအဲၣ်အီၤတဂၤလီၤဂာ်ဒ်တၤဟိစဘံတဒု, လီၤဂာ်ဒ်တၤဃီၤဖါသးစၢ်တဒုအသိးန့ၣ်လီၤ. အဝဲဆၢထၢၣ်ဝဲလၢတၢ်ဒူၣ်အကပၤ, ကွၢ်နုာ်တၢ်ခီဖျိပဲတြီဖိတဖၣ်, ဒီးကွၢ်တကျ့တၢ်ခီဖျိပဲတြီကဘျံးဖိတဖၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:5

ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤယၤ, ဒီးဆိၣ်တၢ်ဒီးယၤလၢတၤဟိစဘံဒီးတၤဟိမိၢ်ဖိအမဲာ်ညါ, လၢသုတမၤတံာ်တာ်ဘၣ်ပတၢ်အဲၣ်လိာ်ပသးဘၣ်န့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 5:16

အထးခိၣ်ဆၢဝဲလၢတၢ်ကနၢမူအီၤအဂီၢ်, တၢ်လၢအဘၣ်ဃးဒီးအီၤကိးမံၤဒဲးရဲၢ်န့ၢ်ယၤလီၤ. ပှၤလၢယအဲၣ်အီၤလီၤဂာ်ဒ်န့ၣ်အသိးလီၤ, ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ.

လံာ်တၢ်သးဝံၣ်တဖၣ်အတၢ်သးဝံၣ် 8:14

ယတၢ်အဲၣ်ဧၢ, ဟဲဆူယအိၣ်ဒ်တၤဟိစဘံတဒု, ဒ်တၤဟိဖါဖိတဒုအသိး, ဖဲကစၢၢ်တဖၣ်လၢသ့ၣ်နၢမူ အထူၣ်တဖၣ်မဲထီၣ်ဝဲအလိၤန့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 8:4

ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤယၤလၢသုတမၤတံာ်တာ်ဘၣ် ပတၢ်အဲၣ်လိာ်ပသးဘၣ်န့ၣ်တက့ၢ်.

လံာ်ဃဘးကူာ် 3:19

ယွၤသ့တၢ်လၢာ်ဟ့ၣ်ယၤတၢ်ဂံၢ်တၢ်ဘါလီၤ. မၤကျၢၤယခီၣ်ဒ်တၤဟိအသိးဒီးပၢၤဃာ်ယၤပူၤ ဒုၣ်ပူၤဒါလၢကစၢၢ်ကလိအလိၤန့ၣ်လီၤ.

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”