လံာ်တၢ်သးဝံၣ်တဖၣ်အတၢ်သးဝံၣ် 2:12 - Sgaw Karen Common Bible

¹² ဖီတဖၣ်ဘိၣ်ထီၣ်ဖးထီၣ်လၢဟီၣ်ခိၣ်အဖီခိၣ်လံန့ၣ်လီၤ. အအံၤမ့ၢ်တၢ်ဆၢကတီၢ်လၢတၢ်သူၣ်ဝံၣ်သးဆၢအဂီၢ်, ဒီးပနၢ်ဟူထိၣ်လွံၢ်တဖၣ်ပှ့ၤထီၣ်လၢပကီၢ်ပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:12 Iomraidhean Croise

လံာ်တၢ်ကဲထီၣ်အခီၣ်ထံး 15:9

ဒီးယွၤစံးဆၢအီၤ, “ဟဲစိာ်န့ၢ်ယၤလၢဂီၤဖံးမိၢ်တဒု, မဲာ်တဲးလဲးတဒုဒီးသိဖါတဒုလၢအသးအိၣ်သၢနံၣ်စုာ်စုာ်ဒီး ထိၣ်လွံၢ်တဘ့ၣ်ဒီးထိၣ်ကးက့ၣ်ဖိတဘ့ၣ်တက့ၢ်.”

စံးထီၣ်ပတြၢၤ 74:19

ဟ့ၣ်လီၤကွံာ်နထိၣ်လွံၢ်ဘုၣ်အသးဆူ တၢ်မံၤလာ်တဖၣ်န့ၣ်တဂ့ၤ. ဒီးသးပ့ၤနီၣ်ကွံာ်နပှၤဂီၢ်မုၢ်လၢအဘၣ်နးဘၣ်ဖှီၣ်အသးသမူ လီၤထူလီၤယိာ်တဂ့ၤ.

စံးထီၣ်ပတြၢၤ 89:15

ပှၤဂီၢ်မုၢ်လၢအဘါထီၣ်နၤ အိၣ်ဒီးတၢ်သးဝံၣ်တဖၣ်, လၢအအိၣ်လၢနတၢ်သးကညီၤအတၢ်ကပီၤ အပူၤန့ၣ်ဘၣ်ဆိၣ်ဂ့ၤဝဲလီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:11

တၢ်ကိၢ်ခါအကတီၢ်ပူၤကွံာ်လံ, ဒီးတၢ်စူၤအကတီၢ်လၢာ်ကွံာ်လံ,

လံာ်တၢ်သးဝံၣ်တဖၣ်အတၢ်သးဝံၣ် 6:11

ယဟဲလီၤလၢတၤသၣ်လီၢ်, ဖဲၡီးက့းအထူၣ်တဖၣ်အိၣ်အကျါ, ဒ်သိးယကထံၣ်ဘၣ်တၢ်မုၢ်သးစၢ်တဖၣ်မဲထီၣ်လၢ တၢ်တြီၤပူၤ, ဒ်သိးယကထံၣ်ဘၣ်စပံးမုၢ်အလၣ်အသီတဖၣ် ဟဲဒိးထီၣ်, ဒီးသ့ၣ်သလဲအထူၣ်တဖၣ်ဘိၣ်ထီၣ်ဖးထီၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:2

ပှၤလၢယအဲၣ်အီၤတဂၤလဲၤဆူအတၤသၣ်လီၢ်, ဖဲကသံၣ်ဖှူအသ့ၣ်တဖၣ်မဲထီၣ်ဝဲန့ၣ်လီၤ. အဝဲဒုးအီၣ်အဆၣ်ဖိကီၢ်ဖိတဖုအဆၣ်လၢတၤသၣ်လီၢ်ပူၤ, ဒီးထၢဖှိၣ်ဖီဒ့ၣ်ညါတဖၣ်လီၤ.

လံာ်ယၡါယၤ 55:12

သုကဟးထီၣ်လၢဝ့ၢ်ဘၤဘူၤလိၣ်အိၣ်ဒီး တၢ်သူၣ်ခုသးခုလီၤ. သုကဘၣ်တၢ်ဆှၢထီၣ်သုလၢဝ့ၢ်အပူၤ မုာ်မုာ်ခုၣ်ခုၣ်လီၤ. ကစၢၢ်ဒီးတၢ်လူၢ်တဖၣ်ကပိၢ်ဖးထီၣ်လၢ တၢ်သူၣ်ဝံၣ်သးဆၢ ဒီးသ့ၣ်ထူၣ်တဖၣ်ကကိးပသူထီၣ်လၢ တၢ်သူၣ်ခုသးခုအပူၤလီၤ.

လံာ်ယံးရမံယၤ 8:7

ထိၣ်ဒိၣ်ထီကိာ်တဖၣ်ဒၣ်လဲာ်သ့ၣ်ညါတၢ်ဆၢကတီၢ်လၢကဟဲက့ၤကဒါ က့ၤဝဲလီၤ. ထိၣ်လွံၢ်တဖၣ်, ထိၣ်ဘျ့ၣ်ဘျီၣ်တဖၣ်, ဒီးထိၣ်ယိးကွါတဖၣ်သ့ၣ်ညါတၢ်ဆၢက တီၢ်လၢအဝဲသ့ၣ်ကဘၣ်သုးလီၢ်သုးကျဲန့ၣ်လီၤ. ဘၣ်ဆၣ်ဒီးသုဝဲယပှၤဂီၢ်မုၢ်သ့ၣ်ဧၢ, ယပၢသုဒီးတၢ်စူၢ်တၢ်နာ်အတၢ် သိၣ်တၢ်သီမနုၤလဲၣ်န့ၣ်, သုတသ့ၣ်ညါဘၣ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.