လံာ်တၢ်သးဝံၣ်တဖၣ်အတၢ်သးဝံၣ် 2:10 - Sgaw Karen Common Bible

¹⁰ ပှၤလၢယအဲၣ်အီၤတဂၤကတိၤတၢ်ဒီးယၤလီၤ. ဟဲ, ပှၤလၢယအဲၣ်အီၤတဂၤဧၢ, ဟဲဃုာ်ဒီးယၤတက့ၢ်, ယတၢ်အဲၣ်သးဘိဧၢ.

လံာ်တၢ်သးဝံၣ်တဖၣ်အတၢ်သးဝံၣ် 2:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:3

ကီၢ်အံၣ်စရ့လးအကစၢ်ယွၤကတိၤလံတၢ်လံ. ကီၢ်အံၣ်စရ့လးအပှၤဒီဒၣ်အိၣ်ပှိၤအီၤစံးဘၣ်ယၤ, စီၤပၤလၢအပၢတၢ်လၢတၢ်စံၣ်ညီၣ်တီလၢအပၢတၢ်လၢတၢ်ယူးယီၣ်ပာ်ကဲကစၢ်ယွၤန့ၣ်,

စံးထီၣ်ပတြၢၤ 85:8

ကစၢ်ယွၤကစံးဒ်လဲၣ်ဒ်လဲၣ်န့ၣ်, ယကဒိကနၣ်လီၤ. အဂ့ၢ်ဒ်အံၤ, ကတိၤတၢ်မုာ်ဒီး အပှၤဂီၢ်မုၢ်ဒီး အပှၤစီဆှံလီၤ. ဘၣ်ဆၣ်ဒီး မ်အဝဲသ့ၣ် သုတက့ၤကဒါက့ၤဆူ ကျဲအအၢတဖၣ်တဂ့ၤ. တၢ်ကလီကလီအပူၤန့ၣ်တဂ့ၤ.

လံာ်တၢ်သးဝံၣ်တဖၣ်အတၢ်သးဝံၣ် 1:15

နဃံနလၤဆံးဒိၣ်လဲၣ်, ယတၢ်အဲၣ်ဧၢ, နမဲာ်ချံတဖၣ်ကတြ့ၣ်ကတြိၣ်ဒ်ထိၣ်လွံၢ်အမဲာ်ချံတဖၣ်လၢအပှဲၤ ဒီးတၢ်အဲၣ်အသိးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:9

ယတၢ်အဲၣ်သးဘိဧၢ, မၤကတၢသူၣ်ကတၢသးထီၣ်ပိာ်ခွါတဖၣ်, ဒ်ကသ့ၣ်မိၢ်တဒုအသိးလၢအထိၣ်ဟူးထိၣ်ဂဲၤထီၣ် စီၤပၤဖၤရိၤအလ့ၣ်ကဟၣ်အကသ့ၣ်ဒုးသုးတဖၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 2:11

တၢ်ကိၢ်ခါအကတီၢ်ပူၤကွံာ်လံ, ဒီးတၢ်စူၤအကတီၢ်လၢာ်ကွံာ်လံ,

လံာ်တၢ်သးဝံၣ်တဖၣ်အတၢ်သးဝံၣ် 2:13

ချၢၣ်ဒၢသၣ်တဖၣ်မံထီၣ်လံ, ဒီးစပံးမုၢ်တဖၣ်ဖီထီၣ်ဒီးအတၢ်နၢမူဒံဝ့ၤဝီၤလၢကလံၤကျါ လီၤ. ဟဲ, ပှၤလၢယအဲၣ်အီၤတဂၤဧၢ, ဟဲဃုာ်ဒီးယၤတက့ၢ်, ယတၢ်အဲၣ်သးဘိဧၢ.

လံာ်တၢ်သးဝံၣ်တဖၣ်အတၢ်သးဝံၣ် 2:8

ယနၢ်ဟူပှၤလၢယအဲၣ်အီၤတဂၤအကလုၢ်န့ၣ်လီၤ. အဝဲဟဲဃ့ၢ်လၢကစၢၢ်တဖၣ်အလိၤ, ဒီးဃ့ၢ်ခီဂာ်တၢ်လူၢ်ဖိတဖၣ်ဆူယအိၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:2

ဖဲယမံအခါဒၣ်လဲာ်, ယသးအိၣ်လၢခိလီၤ. ယမံမီၢ်လၢယတၢ်အဲၣ်ဒိတကျိာ်ပဲတြီန့ၣ်လီၤ. ယတၢ်အဲၣ်, ယပှၤသးဘိ, ယထိၣ်လွံၢ်ဧၢ, ပျဲယဟဲနုာ်တက့ၢ်. ယခိၣ်ဘၣ်စီၣ်ဒီးပစီၤထံ, ဒီးယခိၣ်သူဘၣ်စီၣ်ဒီးဘှ့ၣ်န့ၣ်လီၤ.

လံာ်ယံးရမံယၤ 31:3

ယလီၣ်ဖျါထီၣ်တ့ၢ် ယသးဆူ အဝဲသ့ၣ်လၢ အယံၤန့ၣ်လီၤ. ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ယတၢ်အဲၣ်ခၢၣ်သနၢၣ်တထံၣ်ဃီန့ၣ်လီၤ.

လံာ်မးသဲ 9:9

တုၤယ့ၣ်ၡူးဟးထီၣ်လၢတၢ်လီၢ်န့ၣ်ဒီး လဲၤဝဲဆူညါန့ၣ်, အဝဲထံၣ်န့ၢ်ပှၤဃ့သွဲတဂၤ လၢအမံၤမ့ၢ်ဝဲစီၤမးသဲဆ့ၣ်နီၤလၢအတၢ်မၤအလီၢ်လီၤ. ယ့ၣ်ၡူးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဒီးစီၤမးသဲဂဲၤဆၢထၢၣ်ဒီးပိာ်ထီၣ်အခံလီၤ.

၂ ကရံၣ်သူး 11:2

ယသးက့ၣ်တၢ်လၢသုဂီၢ်ဒ်ကစၢ်ယွၤသးက့ၣ်ဝဲအသိးန့ၣ်လီၤ. သုလီၤဂာ်ဒီးမုၣ်ကနီၤနီၢ်နီၢ်တဂၤ လၢယအၢၣ်လီၤအီလီၤတ့ၢ် ယဲလၢယကဒိးတ့ဒိးဖျီအီၤဒီးပိာ်ခွါထဲတဂၤဧိၤ, ခရံာ်အနီၢ်ကစၢ်ဒၣ်ဝဲန့ၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.