လံာ်တၢ်သးဝံၣ်တဖၣ်အတၢ်သးဝံၣ် 2:1 - Sgaw Karen Common Bible

¹ ယမ့ၢ်ဒၣ်ၡၤရိၣ်အဖီတၤဆှုၣ်အမံၤတဖီးလၢပှၢ်လၢ်ကျါ, ဒီးဖီဒ့ၣ်ညါတဖီးလၢကစၢၢ်အတၢ်တြီၤပူၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 5:16

အဝဲသ့ၣ်အိၣ်ဝဲဆိးဝဲလၢကီၢ်ဘၤၡၣ်ဒီးကီၢ်ကံးလဧးအလီၢ်ကဝီၤ တဖၣ်အပူၤ, ဒီးဝ့ၢ်အိၣ်ဖဲန့ၣ်သ့ၣ်တဖၣ်အပူၤဒီးကယဲၢ်တၢ်အီၣ်ဆၣ်လီၢ်တဖၣ် လၢအအိၣ်ဖဲၡၤရိၣ်တၢ်ပျီပူၤန့ၣ်လီၤ.

စံးထီၣ်ပတြၢၤ 85:11

ပှၤဟီၣ်ခိၣ်ဖိအတၢ်သူၣ်တီသးလိၤကမဲထီၣ်လၢဟီၣ်ခိၣ် ဒီးကစၢ်ယွၤအတၢ်တီတၢ်လိၤကကွၢ်လီၤတၢ်လၢမူခိၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:16

ပှၤလၢယအဲၣ်အီၤတဂၤမ့ၢ်ယတၢ်ဒီးယမ့ၢ်အတၢ်လီၤ. အဝဲဒုးအီၣ်အသိမဲာ်တဲးလဲးအဖုအဂီၢ်အဆၣ်လၢဖီဒ့ၣ်ညါတဖၣ်အ ကျါ,

လံာ်တၢ်သးဝံၣ်တဖၣ်အတၢ်သးဝံၣ် 5:13

အဘိးပၤလီၤအဲၣ်ဝဲဒ်တၤသၣ်လီၢ်တလီၢ်အသိး, လၢအပှဲၤဝဲဒီးသ့ၣ်ဖိဒီးသ့ၣ်အစီနၢမူတဖၣ်န့ၣ်လီၤ. အနိးဖံးတဖၣ်မၤအသးဒ်ဖီဒ့ၣ်ညါတဖၣ်, လၢအဘၣ်စီၣ်ဝဲဒီးမူရၣ်အထံအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:2

ပှၤလၢယအဲၣ်အီၤတဂၤလဲၤဆူအတၤသၣ်လီၢ်, ဖဲကသံၣ်ဖှူအသ့ၣ်တဖၣ်မဲထီၣ်ဝဲန့ၣ်လီၤ. အဝဲဒုးအီၣ်အဆၣ်ဖိကီၢ်ဖိတဖုအဆၣ်လၢတၤသၣ်လီၢ်ပူၤ, ဒီးထၢဖှိၣ်ဖီဒ့ၣ်ညါတဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:3

ပှၤလၢယအဲၣ်မ့ၢ်ယတၢ်ဒီးယမ့ၢ်အတၢ် အဝဲဒုးအီၣ်အဆၣ်ဖိကီၢ်ဖိတဖၣ်အဆၣ်လၢဖီဒ့ၣ်ညါတဖၣ်အကျါန့ၣ် လီၤ.

လံာ်ယၡါယၤ 33:9

ထံဧိၤကီၢ်ဧိၤန့ၣ်အိၣ်ကလီဒီးအိၣ်သယုၢ်ဝဲလီၤ. ကီၢ်လဘၤနိၣ်အသ့ၣ်ဒိၣ်ပှၢ်တီၣ်တဖၣ်လီၤညွံးလီၤဘဲကွံာ်ဝဲ, ၡၤရိၣ်အတြီၤလၢဟီၣ်ခိၣ်ညၣ်ထ့ၣ်ဂ့ၤတဖၣ်လီၤဂာ်ဒ်မဲးမုၢ်ခိၣ် တပူၤအသိး, သ့ၣ်အထူၣ်တဖၣ်လၢကီၢ်ဘၤၡၣ်ဒီးကစၢၢ် ကၢ်မ့ၤလးအလိၤန့ၣ်အလၣ်တဖၣ်လီၤဆှုကွံာ်ဝဲလီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ဟိၤၡ့ 14:5

ယကမ့ၢ်တၢ်လၢအလီၤဂာ်ဒီးတၢ်စူၤထံလၢဟီၣ်ခိၣ်ဃ့ထီ အလိၤလၢကီၢ်အံၣ်စရ့လးအပှၤဂီၢ်မုၢ်အဂီၢ်န့ၣ်လီၤ. အဝဲသ့ၣ်ကဘိၣ်ထီၣ်ဖးထီၣ်ဒ်ဖီတဖၣ်အသိးအဝဲသ့ၣ်ကသူၣ်လီၤ အသးကျၢၤကျၢၤဒ်ကီၢ်လဘၤနိၣ်အသ့ၣ်တဖၣ်အသိးန့ၣ်လီၤ.