လံာ်တၢ်သးဝံၣ်တဖၣ်အတၢ်သးဝံၣ် 1:9 - Sgaw Karen Common Bible

⁹ ယတၢ်အဲၣ်သးဘိဧၢ, မၤကတၢသူၣ်ကတၢသးထီၣ်ပိာ်ခွါတဖၣ်, ဒ်ကသ့ၣ်မိၢ်တဒုအသိးလၢအထိၣ်ဟူးထိၣ်ဂဲၤထီၣ် စီၤပၤဖၤရိၤအလ့ၣ်ကဟၣ်အကသ့ၣ်ဒုးသုးတဖၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 1:9 Iomraidhean Croise

လံာ်တၢ်ကဲထီၣ်အခီၣ်ထံး 50:9

ပှၤဒိးလ့ၣ်ကဟၣ်တဖၣ်, ပှၤဒိးကသ့ၣ်တဖၣ်လဲၤဃုာ်တၢ်ဒီးအီၤစ့ၢ် ကီးလီၤ. ပှၤလဲၤတၢ်တဖၣ်န့ၣ်မ့ၢ်ပှၤဂီၢ်မုၢ်ဖးဒိၣ်တဖုလီၤ.

လံာ်စီၤပၤအခီၣ်ထံးတဘ့ၣ် 10:28

စီၤပၤအခၢၣ်စးတဖၣ်ပၢၤဃာ်ဝဲတၢ်ဟဲစိာ်နုာ်ဒီးဆါကသ့ၣ်တဖၣ် လၢကီၢ်မူၤစရံဒီးကံၤလကံ,

လံာ်တၢ်သးဝံၣ်တဖၣ်အတၢ်သးဝံၣ် 1:15

နဃံနလၤဆံးဒိၣ်လဲၣ်, ယတၢ်အဲၣ်ဧၢ, နမဲာ်ချံတဖၣ်ကတြ့ၣ်ကတြိၣ်ဒ်ထိၣ်လွံၢ်အမဲာ်ချံတဖၣ်လၢအပှဲၤ ဒီးတၢ်အဲၣ်အသိးလီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:10

ပှၤလၢယအဲၣ်အီၤတဂၤကတိၤတၢ်ဒီးယၤလီၤ. ဟဲ, ပှၤလၢယအဲၣ်အီၤတဂၤဧၢ, ဟဲဃုာ်ဒီးယၤတက့ၢ်, ယတၢ်အဲၣ်သးဘိဧၢ.

လံာ်တၢ်သးဝံၣ်တဖၣ်အတၢ်သးဝံၣ် 2:13

ချၢၣ်ဒၢသၣ်တဖၣ်မံထီၣ်လံ, ဒီးစပံးမုၢ်တဖၣ်ဖီထီၣ်ဒီးအတၢ်နၢမူဒံဝ့ၤဝီၤလၢကလံၤကျါ လီၤ. ဟဲ, ပှၤလၢယအဲၣ်အီၤတဂၤဧၢ, ဟဲဃုာ်ဒီးယၤတက့ၢ်, ယတၢ်အဲၣ်သးဘိဧၢ.

လံာ်တၢ်သးဝံၣ်တဖၣ်အတၢ်သးဝံၣ် 2:2

ဒ်ဖီဒ့ၣ်ညါတဖီးလၢအအိၣ်လၢတၤဆှုၣ်တဖၣ်အကျါအသိးန့ၣ်, ပှၤလၢယအဲၣ်အီၤတဂၤအိၣ်လၢပိာ်မုၣ်တဖၣ် အကျါလီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:1

နဃံလၤဆံးဒိၣ်လဲၣ်, ယတၢ်အဲၣ်သးဘိဧၢ. နမဲာ်ချံတဖၣ်ကပီၤထီၣ်ဝဲဒီးတၢ်အဲၣ်, လၢနနီၣ်ကျၢၢ်ဘၢမဲာ်အဖီလာ်မးလဲၣ်. နခိၣ်သူဒံဝ့ၤဒံဝီၤမၤအသးဒ်မဲာ်တဲးလဲးလၢအဟဲဃ့ၢ်စံၣ် လီၤလၢကီၢ်ကံးလဧးအတၢ်လူၢ်တဖၣ်အလိၤအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:7

နဃံလၤဆံးဒိၣ်လဲၣ်, ယတၢ်အဲၣ်ဧၢ, မဲၣ်သူမဲၣ်ဂီၤတအိၣ်ဒီးနၤမးလဲၣ်.

လံာ်တၢ်သးဝံၣ်တဖၣ်အတၢ်သးဝံၣ် 5:2

ဖဲယမံအခါဒၣ်လဲာ်, ယသးအိၣ်လၢခိလီၤ. ယမံမီၢ်လၢယတၢ်အဲၣ်ဒိတကျိာ်ပဲတြီန့ၣ်လီၤ. ယတၢ်အဲၣ်, ယပှၤသးဘိ, ယထိၣ်လွံၢ်ဧၢ, ပျဲယဟဲနုာ်တက့ၢ်. ယခိၣ်ဘၣ်စီၣ်ဒီးပစီၤထံ, ဒီးယခိၣ်သူဘၣ်စီၣ်ဒီးဘှ့ၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:4

ယတၢ်အဲၣ်ဧၢ, နဃံနလၤဒ်သိးဝ့ၢ်ယရူၤၡလ့ၣ်, ဒီးနလီၤအဲၣ်လီၤကွံဒ်ဝ့ၢ်တံးရစၣ်အသိး, ဒီးနဒုးလီၤကတုၤယသးဒ်ဝ့ၢ်ဖးဒိၣ်တဖၣ်အံၤအသိးန့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.