လံာ်တၢ်သးဝံၣ်တဖၣ်အတၢ်သးဝံၣ် 1:3 - Sgaw Karen Common Bible

³ သိလၢနဖှူအီၤန့ၣ်နၢမူဝဲ, ဒီးနမံၤမၤအသးဒ်သိနၢမူလၢအလူလီၤ အသးအသိးန့ၣ်လီၤ. မၤသးဒ်န့ၣ်ဒီး, ပှၤပိာ်မုၣ်တအဲၣ်နၤအိၣ်တကဲနီတဂၤဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 1:3 Iomraidhean Croise

စံးထီၣ်ပတြၢၤ 133:2

မၤသးဒ်သိလုၢ်ဒိၣ်ပှ့ၤဒိၣ်အိၣ်လၢအခိၣ်လၢအယွၤ လီၤပၢၢ်လၢအခၣ်ဆူၣ်, စီၤအၤဟရိၣ်အခၣ်ဆူၣ်, လၢအ ယွၤလီၤပၢၢ်လၢအဆ့အခီၣ်ထံးအသိးန့ၣ်,

စံးထီၣ်ပတြၢၤ 45:14

အဝဲဘၣ်တၢ်လဲၤကိးအီၤဆူ စီၤပၤအအိၣ်, ကူသိးဝဲဒီး အဆ့ကၤအိၣ်ဒီး အလွဲၢ်ဃံလၤတဖၣ် ဒီးမုၣ်လိၣ်ဘိလၢအထီၣ်ဆှၢအီၤသ့ၣ်တဖၣ် ပိာ်ထီၣ်အခံန့ၣ်လီၤ. ဒီးအဝဲသ့ၣ်စ့ၢ်ကီးဘၣ်တၢ်လဲၤကိးအီၤဆူစီၤပၤ အအိၣ်န့ၣ်လီၤ.

လံာ်တၢ်ဟးထီၣ်ကွံာ် 33:12

စီၤမိၤၡ့စံးဘၣ်ကစၢ်ယွၤ, “နတဲတ့ၢ်ယၤလၢယကဘၣ်ဆှၢပှၤဂီၢ်မုၢ်ဆူကီၢ်အဝဲန့ၣ်န့ၣ်, မ့ၢ်ဝဲတီဝဲလီၤ. ဘၣ်ဆၣ်ဒီးနတတဲဘၣ်ယၤလၢနကမၢလီၤမတၤတဂၤဃုာ်ဒီးယၤလဲၣ်န့ၣ် ဘၣ်. နစံးတ့ၢ်လၢနသ့ၣ်ညါယၤဂ့ၤဂ့ၤဒီးဘၣ်နသးလၢယၤလီၤ.

လံာ်တၢ်ဟးထီၣ်ကွံာ် 33:19

ယွၤစံးဆၢစီၤမိၤၡ့, “ယကဒုးလဲၤခီဂာ်ယတၢ်ကဟုကညီၢ်ခဲ လၢာ်လၢနမဲာ်ညါ, ဒီးလၢနမဲာ်ညါန့ၣ်ယကကိးထီၣ်ယမံၤစီဆှံလီၤ. ယမ့ၢ်ယွၤဒီးယဒုးနဲၣ်ယတၢ်သူၣ်အိၣ်သးအိၣ်ဒီးသူၣ်ကညီၤသး ကညီၤဘၣ်ပှၤလၢယဃုထၢအီၤတဖၣ်န့ၣ်လီၤ.

တၢ်ကတိၤဒိ. 27:9

တၢ်နၢမူဒီးသိနၢမူမၤမုာ်မၤခုၣ်အါထီၣ်နသးလီၤ. မ့မ့ၢ်တၢ်ကိၢ်တၢ်ဂီၤမၤလီၤကလဲကွံာ်နသးအတၢ်ဃူတၢ်မုာ်လီၤ.

လံာ်ပှၤစံၣ်တဲၤတဲလီၤတၢ် 7:1

တၢ်မံၤဂ့ၤသၣ်ဂ့ၤန့ၣ်, ဂ့ၤဒိၣ်န့ၢ်ဒံးသိနၢမူလၢအပှ့ၤဒိၣ်တက့ၢ်န့ၣ်လီၤ. ဒီးမုၢ်တနံၤလၢနသံန့ၣ်ဂ့ၤဒိၣ်န့ၢ်ဒံးမုၢ်တနံၤလၢနအိၣ်ဖျဲၣ်ထီၣ် တက့ၢ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်တၢ်သးဝံၣ်တဖၣ်အတၢ်သးဝံၣ် 4:10

နတၢ်အဲၣ်န့ၣ်ဒုးသးခုယၤ, ယတၢ်အဲၣ်ဒီးယတလးမူးပိာ်မုၣ်ဧၢ. နတၢ်အဲၣ်န့ၣ်ဂ့ၤန့ၢ်စပံးထံ, နထံနၢမူတဖၣ်နၢမူဒိၣ်န့ၢ်ဒံးတၢ်နၢမူအဂၤတဖၣ်တက့ၢ်န့ၣ် လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:13

အဘိးပၤလီၤအဲၣ်ဝဲဒ်တၤသၣ်လီၢ်တလီၢ်အသိး, လၢအပှဲၤဝဲဒီးသ့ၣ်ဖိဒီးသ့ၣ်အစီနၢမူတဖၣ်န့ၣ်လီၤ. အနိးဖံးတဖၣ်မၤအသးဒ်ဖီဒ့ၣ်ညါတဖၣ်, လၢအဘၣ်စီၣ်ဝဲဒီးမူရၣ်အထံအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:5

ယအိၣ်ကတဲာ်ကတီၤယသးလၢယကပျဲနုာ် အီၤန့ၣ်လီၤ. ယစုတဖၣ်ဖှူဃာ်အသးဒီးမူရၣ်, ဒီးယစုမုၢ်တဖၣ်ဘၣ်စီၣ်လၢမူရၣ်အထံ, ဖဲယစှီၤဃာ်ပဲတြီအစုဟံးအခါန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:8

မ်စီၤပၤအိၣ်ဒီးအနီၢ်ပၤမုၣ်အဂၤဃုဆံ, အသံၣ်မါဃိးဆံ, ဒီးမုၣ်လိၤဘိလၢပဂံၢ်တသ့ဘၣ်န့ၣ်တက့ၢ်.

လံာ်ယၡါယၤ 61:3

ဒ်သိးယကဟ့ၣ်ပှၤလၢအဘၣ်ဟီၣ်ဘၣ်ယၢၤလၢ ဝ့ၢ်စံယိၣ်တဖၣ် လၢတၢ်သးခုဒီးတၢ်သူၣ်ဖှံသးညီ လၢတၢ်သူၣ်အုးသးအုးအလီၢ်, တၢ်သးဝံၣ်စံးထီၣ်ပတြၢၤတယုၢ် လၢတၢ်ဘၣ်မိၢ်ဘၣ်မးအလီၢ်န့ၣ်လီၤ. အဝဲသ့ၣ်ကလီၤဂာ်ဒီးသ့ၣ်တဖၣ်လၢ ယွၤအကစၢ်ဒၣ်ဝဲသူၣ်လီၤဖျးလီၤဝဲန့ၣ်လီၤ. အဝဲသ့ၣ်ခဲလၢာ်ကမၤတၢ်လၢအဘၣ်ဒီးကစၢ်ယွၤကဘၣ်တၢ် စံးထီၣ်ပတြၢၤအီၤလၢတၢ်လၢအဝဲမၤတ့ၢ်ဝဲအဃိလီၤ.

လံာ်မးသဲ 25:1

တုၤနုၤတစု, မူခိၣ်အဘီအမုၢ်န့ၣ်ကမၤအသးဒ်အံၤလီၤ. တဘျီပှၤမုၣ်ကနီၤအိၣ်ဝဲအဂၤတဆံ, လၢအဟံးန့ၢ်အမ့ၣ်အူဒၢ, ဒီးဟးထီၣ်လဲၤသဂၢၢ်တလးမူးပိာ်ခွါတဂၤန့ၣ်လီၤ.

လံာ်ယိၤဟၣ် 12:3

နီၢ်မၤရံဟံးန့ၢ်သိနၢမူလုၢ်ဒိၣ်ပှ့ၤဒိၣ်လၢတၢ်မၤန့ၢ်အီၤလၢနၢ်ဒူး အဂံၢ်ဒီပလီညါဒီးလူလီၤဝဲလၢယ့ၣ်ၡူးအခီၣ်အလိၤဒီး ထွါကွံာ်ဝဲလၢအခိၣ်သူလီၤ. သိနၢမူအံၤနၢမူထီၣ်ဝဲပှဲၤဟံၣ်ဒီ ဖျၢၣ်ညါန့ၣ်လီၤ.

၂ ကရံၣ်သူး 11:2

ယသးက့ၣ်တၢ်လၢသုဂီၢ်ဒ်ကစၢ်ယွၤသးက့ၣ်ဝဲအသိးန့ၣ်လီၤ. သုလီၤဂာ်ဒီးမုၣ်ကနီၤနီၢ်နီၢ်တဂၤ လၢယအၢၣ်လီၤအီလီၤတ့ၢ် ယဲလၢယကဒိးတ့ဒိးဖျီအီၤဒီးပိာ်ခွါထဲတဂၤဧိၤ, ခရံာ်အနီၢ်ကစၢ်ဒၣ်ဝဲန့ၣ်လီၤ.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

လံာ်လီၣ်ဖျါ 14:4

အဝဲသ့ၣ်မ့ၢ်ပှၤပိာ်ခွါတဖၣ်လၢအပာ်ကဆှီဃာ်အသး ခီဖျိအဟးဆှဲးတၢ်အိၣ်ဃုာ်ဒီးပိာ်မုၣ်ပိာ်မၢၤန့ၣ်လီၤ. အဝဲသ့ၣ်မ့ၢ်ပှၤဖိၣ်သၣ်ခွါဆှံဆှံတဖၣ်လီၤ. အဝဲသ့ၣ်ပိာ်သိဖိအခံဖဲအလဲၤဝဲတပူၤလၢ်လၢ်လီၤ. အဝဲသ့ၣ်ဘၣ်တၢ်ပှ့ၤက့ၤတ့ၢ်အီၤလၢပှၤကညီအဂၤ တဖၣ်အကျါဒီးမ့ၢ်ပှၤအဆိကတၢၢ်တဖၣ်လၢအဘၣ် တၢ်လုၢ်ထီၣ်အီၤဆူကစၢ်ယွၤဒီးဆူသိဖိအအိၣ်န့ၣ်လီၤ.