လံာ်တၢ်သးဝံၣ်တဖၣ်အတၢ်သးဝံၣ် 1:17 - Sgaw Karen Common Bible

¹⁷ သ့ၣ်ဆှိအ့ရ့းကမ့ၢ်ပဟံၣ်အတၢ်တီတဖၣ်, ဒီးသ့ၣ်ဆှိကမ့ၢ်ပဟံၣ်ခိၣ်ဒုးလာ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:17 Iomraidhean Croise

လံာ်စီၤပၤအခီၣ်ထံးတဘ့ၣ် 6:10

တၢ်သူၣ်ထီၣ်ဖိသၢဆီ, လၢတဆီစုာ်စုာ်ကစီၤထီၣ်ဝဲယဲၢ်ပျၢ်န့ၣ် ဘၣ်တၢ်ဘှီထီၣ်အီၤလၢယွၤအတၢ်လုၢ်ဟံၣ်အဒူၣ်အချၢတခီ ဒီးဘၣ်တၢ်ဒုးစဲဘူးအဝဲသ့ၣ်လၢသ့ၣ်ဆှိအ့ရ့းအကျိၤတဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 6:9

အန့ၣ်သတးဒီး, စီၤပၤၡလိၤမိၤမၤဝံၤတၢ်သူၣ်ထီၣ်ယွၤအတၢ်လုၢ်ဟံၣ်န့ၣ်လီၤ. အဝဲမၤထီၣ်တၢ်အခိၣ်ဒုးလာ်လၢကျိၤတဖၣ်ဒီးသ့ၣ်ဘၣ်တဖၣ်လၢသ့ၣ် ဆှိအ့ရ့းန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:5

သ့ၣ်ဘၣ်တဖၣ်လၢတၢ်ကျးအီၤလၢဒၢးမိၢ်ပှၢ်အခိၣ်ဒုးအဖီလာ်ဒီး တၢ်ဒူၣ်တဖၣ်အလိၤန့ၣ်မ့ၢ်သ့ၣ်ဆှိတဖၣ်လၢတၢ်ပီၤအီၤလၢထူစီ ဒီးဘၣ်တၢ်ဒဲးကံၣ်ဒဲးဝ့ၤအီၤဒီးတၢ်အက့ၢ်အဂီၤတဖၣ်လၢအမ့ၢ် သ့ၣ်စူၣ်ပလူၣ်တဖၣ်အိၣ်စဲဘူးဒ်ထးပျံၤအသိးန့ၣ်လီၤ.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 7:5

နခိၣ်အိၣ်ထီၣ်ထီဒ်ကစၢၢ်ကၢ်မ့ၤလးအသိးန့ၣ်လီၤ. နခိၣ်သူသံၣ်အသး, ကပီၤဒ်သတိၢ်အဂ့ၤကတၢၢ်အသိး, အတၢ်ဃံတၢ်လၤဖီၣ်န့ၢ်စီၤပၤအသးသ့ဝဲန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:9

အဝဲမ့မ့ၢ်တၢ်ဒူၣ်တခါဒီး, ပကဘှီထီၣ်န့ၢ်အီၤတၢးခၢၣ်သနၢၣ်စ့တဖျၢၣ်န့ၣ်လီၤ. ဘၣ်ဆၣ်အဝဲမ့မ့ၢ်ကျဲစၢၤတပူၤဒီး, ပကဒီဒၣ်အိၣ်ပှိၤအီၤလၢသ့ၣ်ဆှိးအ့ရ့းအသ့ၣ်ဘၣ်တဖၣ်လီၤ.

လံာ်ယံးရမံယၤ 22:14

ပှၤတဂၤလၢအစံးဝဲ, “ယကသူၣ်ထီၣ်ဟံၣ်ဒိၣ်ကျိၤသွါတဖျၢၣ်လၢယဂီၢ်ဒၣ်ယဲ အိၣ်ဒီးဒၢးဖးလဲၢ်တဖၣ်လၢအဖီခိၣ်တကထၢန့ၣ်လီၤ. ဝံၤဒီးအဝဲဒၣ်မၤထီၣ်ပဲတြီဖိတဖၣ်လၢအဟံၣ်အပူၤ, မၤထီၣ်ဂီၤပၤတဖၣ်လၢသ့ၣ်ဆှိအ့ရ့း ဒီးဖှူအီၤလၢကသံၣ်အဂီၤန့ၣ်လီၤ. ပှၤတဂၤအံၤဘၣ်တၢ်စံၣ်ညီၣ်ဃါမနၤန့ၣ်လီၤ.

လံာ်ယဃ့းစက့လး 41:16

ယွၤအတၢ်လုၢ်ဟံၣ်အကျဲစၢၤထံးအဒၢး, တၢ်လီၢ်စီဆှံဒီးတၢ်အလီၢ်စီဆှံက တၢၢ်ခဲလၢာ်ဘၣ်တၢ်ဒိတံာ်အီၤလၢသ့ၣ်ဘၣ် ဖိတဖၣ်စးထီၣ်လၢအဒါတုၤလၢပဲတြီဖိတဖၣ်န့ၣ်လီၤ. ပဲတြီဖိတဖၣ်အံၤဘၣ်တၢ်ကးဘၢအီၤသ့ဝဲန့ၣ်လီၤ.

လံာ်ယဃ့းစက့လး 42:3

အကပၤတခီန့ၣ်ကွၢ်ဃီၤတၢ်ဆူတၢ်လီၢ်လီၤပျီတခါလၢအလဲၢ် အိၣ်ဝဲအပျၢ်ခံဆံလၢအအိၣ်သဃဲၤလိာ်အသးဒီးယွၤအတၢ်လုၢ်ဟံၣ် ဒီးအဂၤတကပၤန့ၣ်ကွၢ်ဃီၤတၢ်ဆူကျဲလၢအဘၣ်တၢ်ဒါလီၤအီၤ လၢအအိၣ်လၢတၢ်လုၢ်ဟံၣ်အဂၢၤလၢတၢ်ချၢန့ၣ်လီၤ. တၢ်သူၣ်ထီၣ်န့ၣ်ဘၣ်တၢ်ဘှီအီၤသၢပတီၢ်, လၢတပတီၢ်စုာ်စုာ် ဘၣ်တၢ်သုးအီၤဆူအလီၢ်ခံအါန့ၢ်ဒံး, တၢ်လၢအအိၣ်လၢ အဖီလာ်တပတီၢ်တက့ၢ်န့ၣ်လီၤ.

ဧ့ၤဘြံၤ 11:10

အဂ့ၢ်ဒ်အံၤ, အဝဲဒၣ်အိၣ်ခိးကွၢ်လၢ်ဝ့ၢ်တဖျၢၣ်လၢ အအိၣ်ဒီးအခီၣ်ထံးအဂၢၢ်အကျၢၤ, ဝ့ၢ်လၢပှၤတ့အီၤဒီးပှၤသူၣ်ထီၣ်အီၤမ့ၢ်ကစၢ်ယွၤန့ၣ်လီၤ.