လံာ်တၢ်သးဝံၣ်တဖၣ်အတၢ်သးဝံၣ် 1:13 - Sgaw Karen Common Bible

¹³ ပှၤလၢယအဲၣ်အီၤတဂၤနၢမူဒ်မူရၣ်အသိး, ဖဲအဝဲမံနီၤလၢယနုၢ်ကဆူးပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:13 Iomraidhean Croise

လံာ်တၢ်ကဲထီၣ်အခီၣ်ထံး 43:11

အဝဲသ့ၣ်အပၢ်စံးဘၣ်အီၤ, “မ့ကဘၣ်မ့ၢ်ဒ်န့ၣ်အဃိဒီး, ဟံးန့ၢ်ကီၢ်အတၢ်ဟးထီၣ်အဂ့ၤကတၢၢ်တဖၣ်ဒ်သ့ၣ်စရံၤအထုးတစဲး, ကနဲစီတစဲး, တၢ်နၢမူနၢဆှီတဖၣ်, သ့အီၣ်ဘိတၣ်အ သၣ်တဖၣ်ဒီးသ့ၣ်ၡီးက့းအသၣ်တဖၣ်လၢသုထၢၣ်တဖၣ်အပူၤဒ်တၢ်ဟ့ၣ် ကနၢၤလၢပဒိၣ်ဖးဒိၣ်အဂီၢ်တက့ၢ်.

စံးထီၣ်ပတြၢၤ 45:8

နကူနသိးတဖၣ်နၢမူဝဲဒီးမူရၣ်, အကၠီၣ်ဒီးကဒါနါန့ၣ်လီၤ. သီတူၢ်တနၢ်တဖၣ်မၤသးခုနၤလၢ နီကဆီမဲအပူၤန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 2:7

ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤယၤ, ဒီးဆိၣ်တၢ်ဒီးယၤလၢတၤဟိစဘံဒီးတၤဟိမိၢ်ဖိအမဲာ်ညါ, လၢသုတမၤတံာ်တာ်ဘၣ်ပတၢ်အဲၣ်လိာ်ပသးဘၣ်န့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 3:5

ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤယၤ, ဒီးဆိၣ်တၢ်ဒီးယၤလၢတၤဟိစဘံဒီးတၤဟိမိၢ်ဖိအမဲာ်ညါ, လၢသုတမၤတံာ်တာ်ဘၣ်ပတၢ်အဲၣ်လိာ်ပသးဘၣ်န့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 3:6

တၢ်လၢအဟဲထီၣ်လၢပှၢ်မုၢ်ကနၢလီၤဂာ်ဒ်မ့ၣ်အူလုၣ်အထူၣ်တထူၣ်အ သိး, နၢမူဝဲဒီးမူရၣ်ဒီးလီၢ်ဘၣ်, တၢ်နၢမူလၢပှၤကၤတၢ်ဖိဆါဝဲတဖၣ်န့ၣ်, မ့ၢ်တၢ်မနုၤလဲၣ်.

လံာ်တၢ်သးဝံၣ်တဖၣ်အတၢ်သးဝံၣ် 4:14

ဖဲန့ၣ်, တၢ်နၢမူအကလုာ်ကလုာ်ဒ်, သ့ၣ်ဂီၤစုမ့ၣ်ဒီးသ့ၣ်နၢ်ဒး, သ့ၣ်နၢ်ဒးဒီးသ့ၣ်ကၢ်ကိၣ်, သ့ၣ်လီၢ်ဟ့ၣ်ဒီးသ့ၣ်ကဒါရါမ့တမ့ၢ် သ့ၣ်နၢမူအထူၣ်အဂၤတဖၣ်အိၣ်ဝဲလီၤ. မူရၣ်ဒီးအကၠီၣ်မဲထီၣ်ဝဲဒၣ်ဖဲန့ၣ်, အိၣ်ဒီးတၢ်နၢမူအဂ့ၤကတၢၢ်တဖၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:16

ကလံၤစိးအကလံၤဧၢ, ဖုးသံနီၣ်ထီၣ်တက့ၢ်. ကလံၤထံးအကလံၤဧၢ, အူဘၣ်ယတၤသၣ်လီၢ်, ဒီးမၤပှဲၤအီၤပှဲၤဒီးတၢ်နၢမူန့ၣ်တက့ၢ်. မ်ယတၢ်အဲၣ်ဟဲဆူအတၤသၣ်လီၢ်, ဒီးအီၣ်အတၤသၣ်အဂ့ၤကတၢၢ်တဖၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 4:6

ယကအိၣ်လၢမူရၣ်အတၢ်လူၢ်လၢအနၢမူဝဲအလိၤ တုၤလၢဂီၤခီအကလံၤဆှံဟဲအူထီၣ်ဝဲ, ဒီးတၢ်ခံးလီၤမၢ်ကွံာ် ဝဲန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 5:13

အဘိးပၤလီၤအဲၣ်ဝဲဒ်တၤသၣ်လီၢ်တလီၢ်အသိး, လၢအပှဲၤဝဲဒီးသ့ၣ်ဖိဒီးသ့ၣ်အစီနၢမူတဖၣ်န့ၣ်လီၤ. အနိးဖံးတဖၣ်မၤအသးဒ်ဖီဒ့ၣ်ညါတဖၣ်, လၢအဘၣ်စီၣ်ဝဲဒီးမူရၣ်အထံအသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:5

ယအိၣ်ကတဲာ်ကတီၤယသးလၢယကပျဲနုာ် အီၤန့ၣ်လီၤ. ယစုတဖၣ်ဖှူဃာ်အသးဒီးမူရၣ်, ဒီးယစုမုၢ်တဖၣ်ဘၣ်စီၣ်လၢမူရၣ်အထံ, ဖဲယစှီၤဃာ်ပဲတြီအစုဟံးအခါန့ၣ်လီၤ.

လံာ်ယိၤဟၣ် 19:39

စီၤနံၤကဒ့မူး, ပှၤလၢအဃုထံၣ်တ့ၢ်ယ့ၣ်ၡူးလၢမုၢ်နၤခီတဘျီ တဂၤန့ၣ်, ဟဲစ့ၢ်ကီးဒီးစီၤယိၤသး, ဒီးဟဲစိာ်ဃုာ်ဝဲတၢ်နၢမူကိး ဝဲလၢမူရၣ်လၢအဃါဃုာ်အသးဒီးအကၠီၣ်, သၢဆံလံတြၤ ဃၣ်ဃၣ်န့ၣ်လီၤ.

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,