လံာ်တၢ်သးဝံၣ်တဖၣ်အတၢ်သးဝံၣ် 1:10 - Sgaw Karen Common Bible

¹⁰ နခိၣ်သူလၢအလီၤစဲၤလၢနဘိးပၤအလိၤတဖၣ်န့ၣ်မၤဃံမၤလၤထီၣ် နဘိးပၤ, ဒီးလၢအလီၤစဲၤလၢနကိာ်ကျၤခံတဖၣ်န့ၣ်လီၤဂာ်ဒီးဖဲအဝီတဖၣ် လၢတၢ်မၤအီၤလၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:10 Iomraidhean Croise

လံာ်တၢ်ကဲထီၣ်အခီၣ်ထံး 24:22

ဖဲပိာ်မုၣ်အံၤမၤတၢ်ဝံၤတစုန့ၣ်ပှၤတဂၤအံၤဟံးန့ၣ်ကွီၤထူ လုၢ်ဒိၣ်ပှ့ၤဒိၣ်တကွီၤဒီးဘျးလီၤစဲၤဝဲလၢနီၢ်ရံးဘကၤအနါ ဒ့ အပူၤဒီးဒုးသိးထီၣ်အီၤထံဖှံၣ်ထူဖးဒိၣ်ခံဘိလၢအစုဒုၣ် အလိၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:47

ယသံကွၢ်တ့ၢ်အီၤ, ‘နပၢ်မ့ၢ်မတၤလဲၣ်.’ ဒီးအဝဲစံးဆၢဝဲ, ‘ယပၢ်မ့ၢ်စီၤနၤဃိၢ်ဒီးနီၢ်မံးလကၤအဖိခွါ, စီၤဘသူၤအ့လးလီၤ.’ တုၤနုၤတစု, ယဘျးလီၤစဲၤနါဒ့ကွီၤတဘိလၢအနါဒ့အလိၤဒီး ထံဖှံၣ်တဖၣ်လၢအစုဒုၣ်လိၤန့ၣ်လီၤ.

လံာ်တၢ်ကဲထီၣ်အခီၣ်ထံး 24:53

အန့ၣ်ဝံၤဒီး, အဝဲထုးထီၣ်တၢ်ကူတၢ်သိး, စ့ဒီးထူ, တၢ်ကယၢကယဲလုၢ်ဒိၣ်ပှ့ၤဒိၣ်ဒီးဟ့ၣ်ဝဲနီၢ်ရံးဘကၤန့ၣ်လီၤ. ဒီးဟ့ၣ်စ့ၢ်ကီးဝဲနီၢ်ရံးဘကၤအဒီပုၢ်ဝဲၢ်ခွါဒီးအမိၢ်လၢ တၢ်ဟ့ၣ်လုၢ်ဒိၣ်ပှ့ၤဒိၣ်သ့ၣ်တဖၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 41:42

စီၤပၤဘ့ၣ်လီၤကွံာ်ပသံးလၢအအိၣ်ဒီးစီၤပၤအတၢ်စဲပနီၣ်လၢ အစုလိၤဒီးဒုးသိးထီၣ်စီၤယိၤသးန့ၣ်လီၤ. အဝဲဒုးကၤထီၣ်အီၤလၢဆ့ကၤဘဲအဂ့ၤတဘ့ၣ်ဒီးဒုးလံာ်ထီၣ်အီၤ လၢဖဲထူတပျံၤလၢအကိာ်လိၤလီၤ.

တၢ်ကတိၤဒိ. 1:9

အဝဲသ့ၣ်အတၢ်သိၣ်လိကမၤဂ့ၤထီၣ်နသကဲာ်ပဝးဒ်ခိၣ်ကျီၤ အဃံအလၤ, မ့တမ့ၢ်ဒ်ဖဲတပျံၤလၢကမၤဂ့ၤထီၣ်နတၢ်အိၣ်ဖျါ အဂီၢ်အသိးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 1:11

ဘၣ်ဆၣ်ဒီးပကပိာ်န့ၢ်နၤဖဲထူတပျံၤ ဒီးတၢ်ကယၢကယဲတဖၣ်လၢတၢ်မၤအီၤလၢစ့န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:9

ယတၢ်အဲၣ်ဒီးယတလးမူးပိာ်မုၣ်ဧၢ, နမဲာ်ချံအတၢ်ကွၢ် ဒီးဖဲလၢနလံာ်အီၤတဖၣ်န့ၣ်, ထုးန့ၢ်ယသးန့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:13

အဘိးပၤလီၤအဲၣ်ဝဲဒ်တၤသၣ်လီၢ်တလီၢ်အသိး, လၢအပှဲၤဝဲဒီးသ့ၣ်ဖိဒီးသ့ၣ်အစီနၢမူတဖၣ်န့ၣ်လီၤ. အနိးဖံးတဖၣ်မၤအသးဒ်ဖီဒ့ၣ်ညါတဖၣ်, လၢအဘၣ်စီၣ်ဝဲဒီးမူရၣ်အထံအသိးန့ၣ်လီၤ.

လံာ်ယၡါယၤ 61:10

ဝ့ၢ်ယရူၤၡလ့ၣ်သူၣ်ဖှံသးညီမ့ၢ်လၢတၢ်လၢ ယွၤမၤတ့ၢ်လံဝဲအဃိလီၤ. အဝဲလီၤဂာ်ဒီးတလးမူးပိာ်မုၣ်တဂၤလၢအကယၢကယဲထီၣ် လံအသးလၢအတၢ်တ့တၢ်ဖျီအဂီၢ်လီၤ. ကစၢ်ယွၤဒုးကူထီၣ်သိးထီၣ်အီၤလၢတၢ်အုၣ်က့ၤခီၣ်က့ၤဒီး တၢ်မၤနၢၤလီၤ.

လံာ်တၢ်ဂံၢ် 31:50

လၢတၢ်န့ၣ်အဃိတၢ်ကယၢကယဲထူတဖၣ်, စုကွီၤတဖၣ်, ထံဖှံၣ်တဖၣ်, ပသံးတဖၣ်, နၢ်ဒံးတဖၣ်, ဒီးဖဲတဖၣ်လၢပဝဲ တဂၤဘၣ်တဂၤစုာ်စုာ်ပဟဲက့ၤစိာ်န့ၣ်ပလုၢ်ထီၣ်အီၤဆူယွၤအအိၣ် ဒ်ပသးသမူအပှ့ၤတဖၣ်အသိးဒ်သိးအဝဲကဒီဒၣ်အိၣ်ပှိၤပှၤအဂီၢ်န့ၣ် လီၤ.”

၁ ပ့းတရူး 3:4

မ့မ့ၢ်, သုတၢ်ဃံတၢ်လၤကြၢးမ့ၢ်တၢ်လၢအအိၣ်လၢ သုသူၣ်ကံၢ်သးလဲပူၤနီၢ်နီၢ်, သးလၢအဂ့ၤအဝါဒီးတၢ်ပာ်သးကစုဒုအတၢ်ဃံတၢ်လၤလၢ အပှၢ်ထီၣ်တသ့ဘၣ်, လၢအမ့ၢ်တၢ်လုၢ်ဒိၣ်ပှ့ၤဒိၣ်ကတၢၢ်လၢ ကစၢ်ယွၤအမဲာ်အတၢ်ထံၣ်အပူၤန့ၣ်လီၤ.