လံာ်နီၢ်ရူၤသး 4:6 - Sgaw Karen Common Bible

⁶ ပှၤတဂၤန့ၣ်စံးဆၢဝဲ, “မ့မ့ၢ်ဒ်န့ၣ်ဒီး, ယတပှ့ၤက့ၤအီၤလၢယ ဂီၢ်ဒၣ်ယဲဘၣ်. ယဖိယလံၤဒၣ်ယဲတမ့ၢ်ကန့ၢ်သါဘၣ်အီၤဘၣ်. ဟံးန့ၢ်ယလီၢ်လၢနဂီၢ်ဒၣ်နဲဒီးပှ့ၤက့ၤအီၤတက့ၢ်. ယတပှ့ၤက့ၤအီၤလၢၤဘၣ်.”

လံာ်နီၢ်ရူၤသး 4:6 Iomraidhean Croise

လံာ်တၢ်ကဲထီၣ်အခီၣ်ထံး 38:8

ဒီးစီၤယူဒၤစံးဘၣ်စီၤအ့ၢ်အပုၢ်စီၤအိၤနၣ်, “လဲၤဒီးမံဃုာ်ဒီးနဝဲၢ်အမါမုၣ်ကမဲတက့ၢ်. မၤလၢပှဲၤတၢ်လၢနဂ့ၤမၤလၢအဂီၢ်ဒ်အဝၤအဒီပုၢ်ဝဲၢ်ခွါတဂၤအ သိး, ဒ်သိးနဝဲၢ်ခွါကအိၣ်ဒီးအစၢၤအသွဲၣ်တဖၣ်တက့ၢ်.”

လံာ်တၢ်ဘူၣ်ထီၣ်ဘါထီၣ် 25:25

ပှၤအံၣ်စရ့လးဖိတဂၤဂၤမ့ၢ်ဖှီၣ်လီၤယာ်လီၤဝဲတုၤအဘၣ် ဆါလီၤကွံာ်အဟီၣ်ခိၣ်န့ၣ်ဒီး, အဘူးအတံၢ်လၢအဘူးကတၢၢ်ဒီး အီၤကဘၣ်ပှ့ၤကဒါက့ၤဝဲဒၣ်န့ၣ်လီၤ.

လံာ်သိၣ်လီၤသီလီၤတၢ် 25:7

ဘၣ်ဆၣ်ဒီးပှၤလၢအသံတဂၤအဒီပုၢ်ဝဲၢ်ခွါ မ့ၢ်တအဲၣ်ဒီးဒိးတ့ဒိးဖျီအသးဒီးအီၤဘၣ်န့ၣ်ပိာ်မုၣ်န့ၣ်ကဘၣ်လဲၤဆူဝ့ၢ်အပှၤသူၣ်က့ သးပှၢ်တဖၣ်အအိၣ်ဒီးစံး ‘ယဝၤအဒီပုၢ်ဝဲၢ်ခွါတမၤအမူအဒါဘၣ်, အဝဲဂ့ၢ်လိာ်လၢကဒုးအိၣ်ထီၣ်အဒီပုၢ်ဝဲၢ်ခွါအစၢၤ အသွဲၣ်လၢအံၣ်စရ့လးအပှၤဂီၢ်မုၢ်အကျါန့ၣ်လီၤ.’

လံာ်သိၣ်လီၤသီလီၤတၢ် 25:8

တုၤနုၤတစုဝ့ၢ်အပှၤသူၣ်က့သးပှၢ်တဖၣ်ကဘၣ်ကိးအီၤဒီးကတိၤတၢ်ဒီးအီၤန့ၣ်လီၤ. အဝဲမ့ၢ်ဂ့ၢ်လိာ်ဒံးဝဲလၢကဖျီအသးဒီးအီၤဒီး,

လံာ်သိၣ်လီၤသီလီၤတၢ် 25:9

အဒီပုၢ်ဝဲၢ်ခွါအမါမုၣ်ကမဲန့ၣ်ကဘၣ်လဲၤဃီၤဆူအအိၣ်လၢဝ့ၢ် အပှၤသူၣ်က့သးပှၢ်တဖၣ်အမဲာ်ညါ, ဘ့ၣ်လီၤကွံာ်အဝဲ အခီၣ်ဖံးတခီဒီးထူးပှဲာ်အီၤလၢအမဲာ်ပူၤဒီးကစံးဘၣ်အီၤ, ‘ပှၤတဂၤလၢအဂ့ၢ်လိာ်လၢကဒုးအိၣ်ထီၣ်အဒီပုၢ်ဝဲၢ်ခွါအစၢၤအသွဲၣ်န့ၣ်ကဘၣ်တၢ်မၤအီၤဒ်အံၤလီၤ.’

လံာ်နီၢ်ရူၤသး 2:20

ဒီးနီၢ်နၤဧမံစံးဘၣ်အဒဲၣ်, “မ်ယွၤလၢအဟံးဃာ်အတၢ်အၢၣ်လီၤအီလီၤထီဘိ ဆူပှၤသံဒီးပှၤမူတဂၤန့ၣ်ဆိၣ်ဂ့ၤစီၤဘိၤဧးတက့ၢ်.” ဒီးစံးကဒီးဝဲ, “ပှၤအံၤမ့ၢ်ပဘူးပတံၢ်အကျါတဂၤ, ဒီးအိၣ်ဒီးအမူအဒါလၢကဘၣ်အံးထွဲကွၢ်ထွဲပှၤန့ၣ်လီၤ.”

လံာ်နီၢ်ရူၤသး 3:13

အိၣ်ဒၣ်ကလိာ်ဖဲအံၤသီတနၤကျၢၤ, ဒီးလၢမုၢ်ဆ့ၣ်ထီၣ်န့ၣ်, ပကဃုသ့ၣ်ညါတၢ်လၢမ့ၢ်ပှၤတဂၤန့ၣ်ကဟံးန့ၢ်မူဒါလၢနဂီၢ်ဧါ န့ၣ်လီၤ. မ့ၢ်မၤဒ်န့ၣ်ဒီးဂ့ၤလီၤ. မ့ၢ်တမၤဒ်န့ၣ်ဘၣ်ဒီး, ယအၢၣ်လီၤယသးလၢယွၤလၢအမူဝဲတဂၤအမဲာ်ညါလၢယက ဟံးန့ၢ်မူဒါလၢနဂီၢ်န့ၣ်လီၤ. ခဲအံၤ, မံလီၤတုၤမုၢ်ဆ့ၣ် ထီၣ်န့ၣ်တက့ၢ်.”

လံာ်နီၢ်ရူၤသး 3:9

ဒီးစံးဝဲဒၣ်, “နမ့ၢ်မတၤလဲၣ်.” ပိာ်မုၣ်န့ၣ်စံးဆၢဝဲ, “ယမ့ၢ်နကုၢ်ပိာ်မုၣ်နီၢ်ရူၤသးလီၤ. ဒုးလုးစ့ၢ်ကီးယၤလၢ နယၣ်လုးတက့ၢ်. အဂ့ၢ်ဒ်အံၤ, နမ့ၢ်ပှၤလၢအဘူးအတံၢ်တဂၤ, ပှၤလၢအမူအဒါအိၣ်လၢကအံးထွဲကွၢ်ထွဲက့ၤယၤအဂီၢ်န့ၣ်လီၤ.”