လံာ်နီၢ်ရူၤသး 4:3 - Sgaw Karen Common Bible

³ စီၤဘိၤဧးစံးဘၣ်အဘူးအတံၢ်တဂၤန့ၣ်, “ခဲကနံၣ်အံၤ, နီၢ်နၤဧမံလၢအဟဲက့ၤတ့ၢ်လံလၢကီၢ်မိၤဧးန့ၣ်အဲၣ်ဒိးဆါ လီၤကွံာ်ဟီၣ်ခိၣ်တကဝီၤလၢအမ့ၢ်ပဘူးပတံၢ်စီၤအလံၤမ့လ့းအ တၢ်န့ၣ်လီၤ.

လံာ်နီၢ်ရူၤသး 4:3 Iomraidhean Croise

စံးထီၣ်ပတြၢၤ 112:5

ပှၤလၢအသူၣ်အိၣ်သးအိၣ်တၢ်ဒီးဟ့ၣ်လိၢ်တၢ်, ပှၤလၢမၤအတၢ်ဖံးတၢ်မၤလၢ တၢ်စံၣ်ညီၣ်တီအပူၤန့ၣ်ဘၣ်ဆိၣ် ဂ့ၤဝဲလီၤ.

တၢ်ကတိၤဒိ. 13:10

တၢ်ပာ်ထီၣ်ထီသးန့ၣ်ဒုးအိၣ်ထီၣ်ဒၣ်ထဲတၢ်ကီတၢ်ခဲဧိၤန့ၣ်လီၤ. မ့မ့ၢ်ပှၤလၢအတူၢ်လိာ်တၢ်ဟ့ၣ်ကူၣ်န့ၣ်, မ့ၢ်တၢ်ကူၣ်သ့ဒိၣ်ဒၣ်တၢ် တက့ၢ်လီၤ.

လံာ်တၢ်ဘူၣ်ထီၣ်ဘါထီၣ် 25:25

ပှၤအံၣ်စရ့လးဖိတဂၤဂၤမ့ၢ်ဖှီၣ်လီၤယာ်လီၤဝဲတုၤအဘၣ် ဆါလီၤကွံာ်အဟီၣ်ခိၣ်န့ၣ်ဒီး, အဘူးအတံၢ်လၢအဘူးကတၢၢ်ဒီး အီၤကဘၣ်ပှ့ၤကဒါက့ၤဝဲဒၣ်န့ၣ်လီၤ.

လံာ်နီၢ်ရူၤသး 1:2

လၢတၢ်အံၤအဃိပှၤအိၣ်ဝဲတဂၤလၢဝ့ၢ်ဘ့ၤသလ့ဃ့ၣ်လၢကီၢ်ယူဒၤ အပူၤန့ၣ်, လဲၤဆူကီၢ်မိၤအးဃုာ်ဒီးအမါဒီးအဖိခွါခံဂၤဒ်သိးအကလဲၤ အိၣ်ဝဲတစိၢ်တလီၢ်အဂီၢ်န့ၣ်လီၤ. ပှၤတဂၤအံၤအမံၤမ့ၢ်ဝဲစီၤအလံၤမ့လ့း, အမါအမံၤမ့ၢ်နီၢ်နၤဧမံ, ဒီးအဖိခွါခံဂၤန့ၣ်, မ့ၢ်စီၤမၤဃလိၣ်ဒီးစီၤကံးလယိၣ်န့ၣ်လီၤ. အဝဲသ့ၣ်တဖၣ်န့ၣ်ဘၣ်ဃးဒီးပှၤအ့ဖရးသးဖိအဒူၣ်အထၢလီၤ.