လံာ်နီၢ်ရူၤသး 4:14 - Sgaw Karen Common Bible

¹⁴ ပှၤပိာ်မုၣ်တဖၣ်စံးဘၣ်နီၢ်နၤဧမံ, “စံးထီၣ်ပတြၢၤယွၤတ က့ၢ်. အဝဲဟ့ၣ်လံနၤလၢနလံၤပိာ်ခွါတဂၤလၢမုၢ်မဆါတနံၤအံၤဒ်သိး အကအံးထွဲကွၢ်ထွဲနၤအဂီၢ်န့ၣ်လီၤ. မ်ဖိသၣ်ပိာ်ခွါအံၤအမံၤဟူ ထီၣ်သါလီၤလၢပှၤအံၣ်စရ့လးဖိတဖၣ်အကျါန့ၣ်တက့ၢ်.

လံာ်နီၢ်ရူၤသး 4:14 Iomraidhean Croise

လံာ်တၢ်ကဲထီၣ်အခီၣ်ထံး 12:2

ယကဟ့ၣ်လီၤနၤလၢနစၢၤနသွဲၣ်အါအါဂီၢ်ဂီၢ်, ဒီးအဝဲသ့ၣ်ကကဲထီၣ်ပှၤတကလုာ်ဖးဒိၣ်န့ၣ်လီၤ. ယကဆိၣ်ဂ့ၤနၤဒီးမၤဟူထီၣ်သါလီၤနမံၤဒ်သိးနကကဲ ထီၣ်တၢ်ဆိၣ်ဂ့ၤတမံၤလီၤ.

လံာ်တၢ်ကဲထီၣ်အခီၣ်ထံး 24:27

အဝဲစံး, “မ်ယွၤ, ယကစၢ်စီၤအၤဘြၤဟၣ်အကစၢ်ယွၤလၢအတီဒီး အတၢ်အၢၣ်လီၤဒီးယကစၢ်စီၤအၤဘြၤဟၣ်တဂၤအံၤဘၣ်တၢ်စံးထီၣ်ပ တြၢၤအီၤတက့ၢ်. ယွၤဆှၢတ့ၢ်ယၤလိၤလိၤဆူယကစၢ်စီၤအၤဘြၤဟၣ်အဒူၣ်ဖိထၢဖိ အအိၣ်လီၤ.”

လံာ်တၢ်ကဲထီၣ်အခီၣ်ထံး 29:35

ဒီးဒၢထီၣ်ကဒီးဝဲဒီးဆံးစၢ်န့ၢ်အဖိခွါအဂၤတဂၤစ့ၢ်ကီး လီၤ. ဒီးစံးဝဲ, “အအံၤတဘျီယကစံးထီၣ်ပတြၢၤယွၤလီၤ.” ဒီးယုၢ်န့ၢ်အမံၤလၢစီၤယူဒၤလီၤ. ဒီးပိာ်မုၣ်န့ၣ်ဆိတ့ၢ်ဝဲ တၢ်အိၣ်ဒံၣ်အိၣ်ဖိန့ၣ်လီၤ.

လံာ်လူၤကၣ် 1:58

ပှၤအိၣ်လၢအဝဲဒၣ်အဃၢၤဒီးအဝဲဒၣ်အဘူးအတံၢ်တဖၣ်နၢ်ဟူဘၣ်ဝဲလၢ ကစၢ်ယွၤဂ့ၤတ့ၢ်လၢအဝဲဒၣ်အဖီခိၣ်လီၤလိၢ်လီၤလးမးဒီး အဝဲသ့ၣ်ကိးဒံကိးဂၤဒဲးသးခုဃုာ်ဒီးအီၤလီၤ.

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

၁ သ့းစၤလနံ 5:18

လၢတၢ်မၤအသးခဲလၢာ်အပူၤန့ၣ်, စံးဘျုးစံးဖှိၣ်ကစၢ်ယွၤထီဘိ တက့ၢ်. အဝဲအံၤမ့ၢ်တၢ်လၢကစၢ်ယွၤအဲၣ်ဒိးဝဲလၢပှၤဘၣ်ထွဲဒီး ယ့ၣ်ၡူးခရံာ်တဖၣ်အအိၣ်န့ၣ်လီၤ.

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.