လံာ်နီၢ်ရူၤသး 4:10 - Sgaw Karen Common Bible

¹⁰ ဒီးယမၤန့ၢ်စ့ၢ်ကီးလံပှၤမိၤအးမုၣ်ဖိနီၢ်ရူၤသးလၢအမ့ၢ် စီၤမၤဃလိၣ်အမုၣ်ကမဲတဂၤလၢအကကဲထီၣ်ယမါ, ဒ်သိးယကဒုးအိၣ်ထီၣ်က့ၤ တၢ်န့ၢ်သါလၢပှၤသံတဂၤအဒူၣ်ဖိထၢဖိအဂီၢ်န့ၣ်လီၤ. ဒီးအစၢၤအသွဲၣ်ကအိၣ်ဒံးဝဲဆူညါလၢအပှၤကလုာ်အကျါဒီးလၢ အဝ့ၢ်ဒၣ်ဝဲအပူၤန့ၣ်လီၤ. သုမ့ၢ်ပှၤအုၣ်အသးတဖၣ်လၢမုၢ်တနံၤအံၤန့ၣ်လီၤ.”

လံာ်နီၢ်ရူၤသး 4:10 Iomraidhean Croise

လံာ်တၢ်ကဲထီၣ်အခီၣ်ထံး 29:27

အိၣ်ခိးတုၤတၢ်တ့တၢ်ဖျီအမူးအကတီၢ်တနွံဝံၤတက့ၢ်. ဒီးယကဟ့ၣ်နၤလၢနီၢ်ရၤဃ့လးဖဲနမၤတၢ်လၢယဂီၢ်ဆူညါနွံနံၣ် န့ၣ်လီၤ.”

လံာ်တၢ်ကဲထီၣ်အခီၣ်ထံး 38:9

ဘၣ်ဆၣ်စီၤအိၤနၣ်သ့ၣ်ညါတ့ၢ်ဝဲလၢဖိသၣ်တဖၣ်န့ၣ်တမ့ၢ်ကကဲထီၣ် အတၢ်ဘၣ်အဃိ, တုၤအမံဃုာ်ဒီးအဝဲၢ်အမါမုၣ်ကမဲတဘျီ လၢ်လၢ်န့ၣ်, အဝဲဒုးဟးထီၣ်ကွံာ်ပိာ်ခွါအချံအသၣ်ဆူတၢ်ချၢ, ဒ်သိးဖိသၣ်အသုတအိၣ်နီတဂၤလၢအဝဲၢ်အဂီၢ်တဂ့ၤန့ၣ်လီၤ.

စံးထီၣ်ပတြၢၤ 109:15

မ်ယွၤသ့ၣ်နီၣ်ထီၣ်က့ၤအဝဲသ့ၣ်အတၢ်ဒဲးဘးတဖၣ် ထီဘိန့ၣ်တက့ၢ်. ဘၣ်ဆၣ်, အဝဲသ့ၣ်အနီၢ်ကစၢ်ဒၣ်ဝဲန့ၣ် မ်အဘၣ်တၢ်သးပ့ၤနီၣ်ကွံာ်အီၤ လၢာ်လၢာ်ဆ့ဆ့န့ၣ်တက့ၢ်.

စံးထီၣ်ပတြၢၤ 34:16

ဘၣ်ဆၣ်, ယွၤထီဒါပှၤလၢအမၤတၢ်အၢ, ဒ်သိးအဝဲသ့ၣ်ကဘၣ်တၢ်သးပ့ၤနီၣ်ကွံာ်အီၤလၢ ဟီၣ်ခိၣ်ချၢအဂီၢ်န့ၣ်လီၤ.

တၢ်ကတိၤဒိ. 18:22

ပှၤလၢအထံၣ်န့ၢ်အမါတဂၤန့ၣ်ထံၣ်န့ၢ်တၢ်အဂ့ၤတမံၤ, ဒီးဒိးန့ၢ်ဘၣ်တၢ်ဘျုးတၢ်ဖှိၣ်လၢယွၤလီၤ.

တၢ်ကတိၤဒိ. 19:14

ပှၤကညီတဂၤန့ၢ်သါဘၣ်ဟံၣ်ဃီဒီးကျိၣ်စ့လၢအမိၢ်အပၢ်တဖၣ်အအိၣ် သ့လီၤ. မ့မ့ၢ်ထဲယွၤတဂၤဧိၤဟ့ၣ်အီၤမါလၢအသူၣ်ထံသးဆးတဂၤသ့ဝဲ လီၤ.

လံာ်ယၡါယၤ 48:19

သုစၢၤသုသွဲၣ်တဖၣ်ကအါဝဲဂီၢ်ဝဲဒ် မဲးအဖျၢၣ်တဖၣ်အသိး, ဒီးယကမၤလီၤတံၢ်တၢ်ဒ်သိးအဝဲသ့ၣ်အသုတဘၣ်တၢ်မၤဟးဂီၤအီၤ နီတစုတဂ့ၤအဂီၢ်န့ၣ်လီၤ.

လံာ်ဟိၤၡ့ 12:12

ပပၢ်ဖးဒိၣ်လၢပျၢၤစီၤယၤကိာ်ဘၣ်ဃ့ၢ်ကွံာ်ဆူကီၢ်မ့းစပတၤမံ, တၢ်လီၢ်ဖဲကမၤန့ၢ်အမါတဂၤအဂီၢ်, အဝဲမၤတၢ်လၢပှၤအဂၤတဂၤအဂီၢ်ဒီးကွၢ်ထွဲန့ၢ်အဝဲအသိတဖၣ်န့ၣ်လီၤ.

လံာ်ဟိၤၡ့ 3:2

လၢတၢ်န့ၣ်အဃိယဟ့ၣ်လီၤစ့တဆံယဲၢ်ဘ့ၣ်ဒီးဘုမုယီၤနာ်တနာ် လၢကပှ့ၤအီၤအဂီၢ်န့ၣ်လီၤ.

လံာ်စကၤရယၤ 13:2

ဖဲအဆၢအတီၢ်အဝဲန့ၣ်န့ၣ်, ယကသုးကွံာ်တၢ်ဂီၤတၢ်ဖီၣ်တဖၣ်အမံၤလၢထံကီၢ်အပူၤ, ဒီးပှၤတသ့ၣ်နီၣ်ထီၣ်က့ၤလၢၤဘၣ်အီၤနီတဂၤနီတဘျီလၢၤဘၣ်. ဒီးယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအစံးလီၤအသးလၢ အမ့ၢ်ဝံတဂၤ, ဒီးဟံးထီၣ်ကွံာ်သးလၢအအဲၣ်ဒိးဘါထီၣ် တၢ်ဂီၤတၢ်ဖီၣ်တဖၣ်န့ၣ်လီၤ.

လံာ်မၤလကံ 2:14

ဒီးသုသံကွၢ်, ဘၣ်မနုၤလၢအတတူၢ်လိာ်လၢၤတၢ်လုၢ်သ့ၣ်တဖၣ်န့ၣ်လဲၣ်. တၢ်န့ၣ်မ့ၢ်ဒၣ်လၢအဝဲသ့ၣ်ညါသုမၤဟးဂီၤသုတၢ် အၢၣ်လီၤဒီးသုမါလၢသုဒိးတ့ဒိးဖျီတ့ၢ် သုသးဖဲသုသးစၢ်အခါအဃိန့ၣ်လီၤ. သုမါမ့ၢ်သုသကိးဒီး, သုအၢၣ်လီၤလၢကစၢ်ယွၤအမဲာ်ညါလၢသုကတီဒီးအီၤဘၣ်ဆၣ်, သုမၤဟးဂီၤကွံာ်သုတၢ်အၢၣ်လီၤဒီးအီၤန့ၣ်လီၤ.

အ့းဖ့းစူး 5:25

ဝၤသ့ၣ်ဧၢ, အဲၣ်သုမါဒ်ခရံာ်အဲၣ်တၢ်အိၣ်ဖှိၣ်ဒီးဟ့ၣ်လီၤကွံာ် အသးသမူလၢအဂီၢ်အသိးန့ၣ်တက့ၢ်.

လံာ်သိၣ်လီၤသီလီၤတၢ် 25:6

ဖိခွါဝဲၢ်ကိလၢအဝဲသ့ၣ်ဒိးန့ၢ်ဝဲန့ၣ်ကဘၣ်တၢ်ပာ်အီၤဒ်အမ့ၢ် ပှၤသံတဂၤအဖိခွါအသိး, ဒ်သိးအဝဲအဒူၣ်ဖိထၢဖိအစၢၤအသွဲၣ်ကအိၣ်ထွဲဒံးလၢအံၣ်စရ့လးအပူၤန့ၣ်လီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

လံာ်စီၤယိၤၡူ 7:9

ပှၤကနၤဧၣ်ဖိတဖၣ်ဒီးပှၤအဂၤခဲလၢာ်လၢထံကီၢ်အပူၤကနၢ်ဟူတၢ်ဂ့ၢ်အံၤ, ကကဝီၤဃာ်ပှၤဒီးကမၤသံပှၤခဲလၢာ်လီၤ. ဒီးနကမၤမနုၤလၢနကဒီဒၣ်နမံၤအလၤကပီၤအဂီၢ်န့ၣ်လဲၣ်.”

လံာ်နီၢ်ရူၤသး 4:9

အန့ၣ်ဝံၤဒီးစီၤဘိၤဧးတဲဘၣ်ပှၤအခိၣ်အနၢ်တဖၣ်ဒီးပှၤအဂၤလၢ အအိၣ်ဖဲန့ၣ်ခဲလၢာ်ဒီးစံးဝဲ, “သုမ့ၢ်ပှၤအုၣ်အသးတဖၣ်လၢမုၢ်တနံၤအံၤလၢယမ့ၢ်တ့ၢ်လံပှၤ ပှ့ၤက့ၤကယဲၢ်တၢ်ဘၣ်ဃးဒီးစီၤအလံၤမ့လ့း, စီၤကံးလယိၣ်ဒီးစီၤမၤဃလိၣ်လၢနီၢ်နၤဧမံအစုပူၤန့ၣ်လီၤ.