လံာ်နီၢ်ရူၤသး 3:7 - Sgaw Karen Common Bible

⁷ ဖဲစီၤဘိၤဧးအီၣ်တၢ်ဒီးအီတၢ်ဝံၤဝဲန့ၣ်, အသူၣ်ဖှံအသးညီဝဲလီၤ. ဒီးလဲၤမံလီၤဝဲလၢဘုပူၣ်အကတၢၢ်န့ၣ်လီၤ. အန့ၣ်ဒီး, နီၢ်ရူၤသးဟဲဝဲကယီကယီ, အိးထီၣ်တၢ်လၢအမၤဘၢအခီၣ်ဒီးမံလီၤဝဲလီၤ.

လံာ်နီၢ်ရူၤသး 3:7 Iomraidhean Croise

လံာ်တၢ်ကဲထီၣ်အခီၣ်ထံး 43:34

တၢ်အီၣ်ဘၣ်တၢ်ဟံးန့ၢ်အီၤလၢစီၤယိၤသးအစီၢ်နီၤခိၣ်ဒီးဟ့ၣ် လီၤဆူအဝဲသ့ၣ်, ဒီးစီၤဘံၣ်ယၤမံၣ်ဘၣ်တၢ်ဟ့ၣ်အီၤအါန့ၢ်အဂၤတဖၣ်ယဲၢ်စးလီၤ. ဒီးအဝဲသ့ၣ်အီၣ်တၢ်ဒီးအီတၢ်ဒီးစီၤယိၤသးတုၤအမူၤအဘှီး တစုန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:28

ဒီးမၤလိာ်ပိာ်လီၤအခ့အပှၤတဖၣ်ဒ်အံၤ, ဖဲစီၤအၤမနိၣ် မုာ်လၤလၢတၢ်အီစပံးထံအါမးအခါန့ၣ်, ပာ်သူၣ်ပာ်သး, ဒီးတုၤယဟ့ၣ်လီၤယကလုၢ်န့ၣ်, မၤသံကွံာ်အီၤတက့ၢ်. ပျံၤတၢ်တဂ့ၤ. ယကဟံးန့ၢ်မူဒါလၢယနီၢ်ကစၢ်ဒၣ်ယဲလီၤ. အိၣ်ဒီးတၢ်သးဒူဒီးမၤသုသးယၢ်တံၢ်ယၢ်တၢၤတဂ့ၤ.

လံာ်စီၤပၤအခီၣ်ထံးတဘ့ၣ် 21:7

နီၢ်အံၤစ့ဘ့ၤလးစံးဆၢဝဲ, “နမ့ၢ်စီၤပၤဧါမ့တမ့ၢ်နတမ့ၢ် စီၤပၤဘၣ်န့ၣ်ဧါ. ဂဲၤဆၢထၢၣ်လၢနလီၢ်မံခိၣ်, အိၣ်ဒီးတၢ်သးဖှံဒီးအီၣ်တၢ်တက့ၢ်. ယကမၤန့ၢ်နၤလၢစီၤနၤဘိးအစပံးလီၢ်န့ၣ်လီၤ.”

လံာ်နီၢ်အ့ၤစတၢ် 1:10

ဒီးလၢတၢ်အီၣ်တၢ်အီအမူးဖးဒိၣ်နွံနံၤတနံၤ, ဖဲစီၤပၤမုာ်လၤဝဲလၢစပံးထံအကတီၢ်အခါန့ၣ်, ကိးဃီၤပှၤဒ့ဒံၣ်ဖိနွံဂၤလၢအမ့ၢ်အနီၢ်ကစၢ်ဒၣ်ဝဲအခ့အပှၤ, စီၤမဟူမၣ်, စီၤဘံးစသၤ, စီၤဃၤရဘိနၤ, စီၤဘံးကသၤ, စီၤအဘၤကသၤ, စီၤစ့သၢ်ဒီးစီၤကၤရယၣ်တဖၣ်န့ၣ်လီၤ.

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

လံာ်ပှၤစံၣ်တဲၤတဲလီၤတၢ် 10:19

အီၣ်တၢ်အီတၢ်မၤသူၣ်ဖှံသးညီနၤဒီးစပံးထံမၤသးဖှံထီၣ် နၤလီၤ. ဘၣ်ဆၣ်စ့မ့ၢ်တအိၣ်ဘၣ်ဒီးနမၤတၢ်န့ၣ်တန့ၢ်နီတမံၤဘၣ်.

လံာ်ပှၤစံၣ်တဲၤတဲလီၤတၢ် 2:24

တၢ်အဂ့ၤကတၢၢ်လၢပှၤကညီတဂၤမၤဝဲသ့န့ၣ်, မ့ၢ်တၢ်အီၣ်တၢ်အီတၢ်ဒီးတၢ်မုာ်လၤသးဖှံလၢတၢ်လၢအမၤန့ၢ် တ့ၢ်ဝဲအပူၤန့ၣ်လီၤ. သနာ်က့ဒီး, ယသ့ၣ်ညါလၢအအံၤဒၣ်လဲာ်, ဟဲလၢကစၢ်ယွၤအအိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 8:15

လၢတၢ်န့ၣ်အဃိ, ယသ့ၣ်ညါနၢ်ပၢၢ်တ့ၢ်လၢပှၤကညီ တဂၤကြၢးမၤမုာ်လၤအသး, မ့ၢ်လၢတၢ်သူၣ်ဖှံသးညီထဲ တမံၤဧိၤလၢအအိၣ်ဒီးအီၤလၢတၢ်အိၣ်မူအံၤအပူၤမ့ၢ်ဒၣ်ကအီၣ် တၢ်, ကအီတၢ်, ဒီးမၤမုာ်လၤသးခုအသးအဃိန့ၣ်လီၤ. အစှၤကတၢၢ်အဝဲမၤတၢ်အံၤသ့ဝဲဖဲအမၤတၢ်လၢတၢ်အိၣ်မူလၢကစၢ် ယွၤဟ့ၣ်တ့ၢ်အီၤလၢဟီၣ်ခိၣ်အံၤအကတီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 9:7

လဲၤကာ်နဲာ်, အီၣ်နတၢ်အီၣ်ဒီးသူၣ်ခုသးခုနဲ, အီနစပံးထံဒီးသူၣ်ဖှံသးညီနဲတက့ၢ်. တၢ်န့ၣ်ဂ့ၤဝဲလၢကစၢ်ယွၤအမဲာ်လီၤ.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

လံာ်ပှၤစံၣ်ညီၣ်ကွီၢ် 16:25

ဖဲအဝဲသ့ၣ်ဟဲစိာ်ထီၣ်စီၤၡံၣ်ၡိၣ်လၢဃိာ်ပူၤန့ၣ်အဝဲသ့ၣ်မၢ အမၤသးဖှံအီၤဒီးမၢအဆၢထၢၣ်လၢတၢ်အထူၣ်တဖၣ်အကဆူးန့ၣ်လီၤ. ဖဲပှၤဂီၢ်မုၢ်ထံၣ်အီၤန့ၣ်အဝဲသ့ၣ်သးဝံၣ်စံးထီၣ်ပတြၢၤအကစၢ်, “ပကစၢ်ဟ့ၣ်လံပှၤလၢတၢ်မၤနၢၤပဒုၣ်ပဒါလၢ အမၤဟးဂူာ်ဟးဂီၤပကီၢ်ဒီးမၤသံတ့ၢ်ပှၤအါဂၤန့ၣ်လံ.”

လံာ်ပှၤစံၣ်ညီၣ်ကွီၢ် 19:22

ဖဲအဝဲသ့ၣ်သူၣ်ဖှံသးညီအကတီၢ်န့ၣ်သတူၢ်ကလာ်ပှၤအလုၢ် အလၢ်တဂ့ၤလၢဝ့ၢ်ပူၤတနီၤကဝီၤဃာ်ဟံၣ်န့ၣ်ဒီးဒိတကျိာ်တြဲၤလီၤ. အဝဲသ့ၣ်စံးဘၣ်ပှၤသးပှၢ်န့ၣ်, “ဟဲကိးထီၣ်ပှၤတဂၤလၢအဟဲက့ၤပိာ်နခံဆူနဟံၣ်တက့ၢ်. ပအဲၣ်ဒိးမံဃုာ်ဒီးအီၤလီၤ.”

လံာ်ပှၤစံၣ်ညီၣ်ကွီၢ် 19:6

ဒီးပှၤခံဂၤန့ၣ်ဆ့ၣ်နီၤဒီးအီၣ်သကိးအီသကိးတၢ်လီၤ. တုၤနုၤတစု ပိာ်မုၣ်ဖိအပၢ်န့ၣ်စံးဘၣ်အီၤ, “မံဖဲအံၤတနၤဒီးမၤမုာ်နသးတက့ၢ်.”

လံာ်ပှၤစံၣ်ညီၣ်ကွီၢ် 19:9

ဖဲပှၤတဂၤန့ၣ်, ဒီးအသံၣ်မါဒီးအခ့အပှၤကဟးထီၣ်အဆၢန့ၣ်ပိာ် မုၣ်ဖိအပၢ်စံးအီၤ, “ကွၢ်ကွၢ်, ဘူးမုၢ်ကဟါလံ. နကြၢးအိၣ်ကဒီးအသီတနၤလီၤ. တၢ်ကခံးလီၤလီၤ. အိၣ်ဖဲအံၤဒီးမၤမုာ်နသးတက့ၢ်. ခဲမုၢ်ဆ့ၣ်နဂဲၤထၢၣ်ဂီၤဂီၤဒီးက့ၤဆူဟံၣ်သ့ဝဲလီၤ.”

လံာ်နီၢ်ရူၤသး 3:6

မၤသးဒ်န့ၣ်ဒီး, နီၢ်ရူၤသးလဲၤလီၤဆူကြဲၢ်ပူၤဒီးမၤဝဲဒ် အမံၤပှၢ်ပိာ်မုၣ်စံးဘၣ်အီၤအသိးန့ၣ်လီၤ.

လံာ်နီၢ်ရူၤသး 3:8

လၢဖးဖီမုၢ်အကတီၢ်, ဖဲအဖုးပၢၢ်ထီၣ်ဝဲဒီးဃၣ်အသးန့ၣ်, ကမၢကမၣ်ဝဲလၢအထံၣ်ဘၣ်ပိာ်မုၣ်တဂၤမံလီၤလၢအခီၣ်ထံးန့ၣ်လီၤ.