လံာ်နီၢ်ရူၤသး 3:3 - Sgaw Karen Common Bible

³ လၢတၢ်န့ၣ်အဃိ, သ့စီနသး, ဖှူနသးဒီးတၢ်နၢမူ, ဒီးကူသိးထီၣ်တၢ်ကူတၢ်သိးလၢအဂ့ၤကတၢၢ်န့ၣ်တက့ၢ်. ဒီးလဲၤလီၤဆူကြဲၢ်ပူၤဖဲအဝဲပညၢဘုအလီၢ်န့ၣ်တက့ၢ်. ဘၣ်ဆၣ်, ဒုးသ့ၣ်ညါနသးလၢအီၤတုၤအဝဲအီၣ်တၢ်ဒီးအီတၢ်ဝံၤအကတီၢ်န့ၣ်တဂ့ၤ.

လံာ်နီၢ်ရူၤသး 3:3 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:20

စီၤဒၤဝံးဂဲၤဆၢထၢၣ်လၢဟီၣ်ခိၣ်လိၤ, လုၢ်ထံလုၢ်နိ, ခွံထီၣ်အခိၣ်သူ, ဒီးလဲလိာ်အကူအသိးတဖၣ်န့ၣ်လီၤ. အန့ၣ်ဝံၤဒီး, အဝဲလဲၤဘူၣ်ထီၣ်ဘါထီၣ်တၢ်လၢယွၤအဟံၣ်ပူၤန့ၣ်လီၤ. ဖဲအဝဲဟဲက့ၤဆူနူၢ်ပူၤစီၤပူၤန့ၣ်အဝဲဃ့အီၣ်တၢ်ဒီးအီၣ်ဝဲတဘျီဃီ ဖဲပှၤဟဲပာ်လီၤန့ၢ်အီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 14:2

လၢတၢ်န့ၣ်အဃိ, အဝဲမၢပှၤကိးန့ၢ်အီၤပိာ်မုၣ်တဂၤလၢအကူၣ်သ့ဒိၣ်မး လၢအအိၣ်ဆိးဝဲလၢဝ့ၢ်တကိၤန့ၣ်လီၤ. ဖဲပိာ်မုၣ်န့ၣ်ဟဲတုၤဒီးအဝဲစံးဘၣ်အီၤဒ်အံၤ, “ပာ်မၤနသးဒ်နအိၣ်လၢတၢ်ဟီၣ်တၢ်ယၢၤအပူၤ, ကူထီၣ်ကၤထီၣ်တၢ်ဘၣ်မိၣ်ဘၣ်မးအကူအသိးတဖၣ်ဒီးခွံနခိၣ်သူတဂ့ၤ. မၤနသးဒ်ပိာ်မုၣ်တဂၤလၢအဟီၣ်တၢ်ဖးယံာ်ဖးထၢလံအသိးန့ၣ်တက့ၢ်.

လံာ်နီၢ်အ့ၤစတၢ် 5:1

လၢနီၢ်အ့ၤစတၢ်ဒုၣ်တၢ်အီၣ်တၢ်အီသၢနံၤတနံၤန့ၣ်, အဝဲကူထီၣ်သိးထီၣ်နီၢ်ပၤမုၣ်အကူအသိးဒီးလဲၤနုာ် ဒီးဆၢထၢၣ်လၢနီအဂၢၤအခၢၣ်သးဒၢးတဒၢးအပူၤလၢ အအိၣ်သဃီၤဒီးစီၤပၤအလီၢ်ပစိာ်အဒၢးအမဲာ်ညါန့ၣ်လီၤ. စီၤပၤဆ့ၣ်နီၤဝဲလၢအလီၢ်ပစိာ်အဖီခိၣ်လၢအအိၣ်သဃီၤဒီးကျဲ စၢၤဟဲနုာ်န့ၣ်လီၤ.

စံးထီၣ်ပတြၢၤ 104:15

ဒီးစပံးထံလၢကမၤသးခုပှၤကညီအသး, သိလၢအကဒုးကပီၤထီၣ်ပှၤကညီအမဲာ်, ဒီးကိၣ်လၢကဟ့ၣ်ဂံၢ်ဟ့ၣ်ဘါ ပှၤကညီအသးအဂီၢ်လီၤ.

လံာ်ပှၤစံၣ်တဲၤတဲလီၤတၢ် 9:8

ပာ်ဖျါနမဲာ်လၢတၢ်သူၣ်ခုသးခုဒီးတၢ်သူၣ်ဖှံသးညီအပူၤထီ ဘိတက့ၢ်.

လံာ်ယဃ့းစက့လး 16:9

အန့ၣ်ဝံၤဒီးယဟံးန့ၢ်ထံဒီးသ့ကွံာ်တၢ်သွံၣ်လၢနလိၤန့ၣ်လီၤ. ယဖှူသ့ၣ်စၤယံးအသိလၢနဖံးဘ့ၣ်ခိၣ်လီၤ.

လံာ်မးသဲ 6:17

တုၤသုဒုၣ်တၢ်အီၣ်ဒီးပျၢ်သုမဲာ်, ဖှူသုခိၣ်လၢသိဒီး ခွံသုခိၣ်,

လံာ်နီၢ်ရူၤသး 3:2

သ့ၣ်နီၣ်ထီၣ်က့ၤစီၤဘိၤဧးလၢနလဲၤမၤတၢ်ဃုာ်ဒီးအပှၤမၤတၢ် ဖိပိာ်မုၣ်တဖၣ်န့ၣ်, မ့ၢ်ပဘူးပတံၢ်တဂၤန့ၣ်တက့ၢ်. ခဲကနံၣ်အံၤ, ဒိကနၣ်တၢ်တက့ၢ်. မုၢ်တဟါအံၤအဝဲကပ ညၢဘုမုယီၤလၢကြဲၢ်ပူၤန့ၣ်လီၤ.

လံာ်နီၢ်ရူၤသး 3:4

တုၤအမံလီၤန့ၣ်, ကွၢ်နီၣ်တၢ်လီၢ်ဖဲအမံလီၤတက့ၢ်. ဒီးဖဲအမံဘၣ်အသးလံန့ၣ်, လဲၤဒီးအိးထီၣ်တၢ်လၢအမၤဘၢအခီၣ် ဒီးမံလီၤလၢအခီၣ်ထံးန့ၣ်တက့ၢ်. ဒီးအဝဲကတဲဖျါထီၣ်နၤတၢ်လၢနကဘၣ်မၤအီၤဒ်လဲၣ်အဂ့ၢ်န့ၣ်လီၤ.”