လံာ်နီၢ်ရူၤသး 3:14 - Sgaw Karen Common Bible

¹⁴ လၢတၢ်န့ၣ်အဃိ, နီၢ်ရူၤသးမံလီၤဝဲလၢအခီၣ်ထံးတုၤမုၢ်ဆ့ၣ် ထီၣ်လီၤ. ဘၣ်ဆၣ်ဂဲၤဆၢထၢၣ်ဝဲတချူးလၢပှၤသ့ၣ်ညါလိာ်အသးသ့ဒံးဘၣ် အကတီၢ်န့ၣ်လီၤ. အဂ့ၢ်မ့ၢ်လၢစီၤဘိၤဧးတ အဲၣ်ဒိးဝဲလၢပှၤသ့ၣ်ညါဘၣ်ပိာ်မုၣ်တဂၤဟဲနုာ်လၢကြဲၢ်ပူၤ အဂ့ၢ်အဃိန့ၣ်လီၤ.

လံာ်နီၢ်ရူၤသး 3:14 Iomraidhean Croise

လံာ်ပှၤစံၣ်တဲၤတဲလီၤတၢ် 7:1

တၢ်မံၤဂ့ၤသၣ်ဂ့ၤန့ၣ်, ဂ့ၤဒိၣ်န့ၢ်ဒံးသိနၢမူလၢအပှ့ၤဒိၣ်တက့ၢ်န့ၣ်လီၤ. ဒီးမုၢ်တနံၤလၢနသံန့ၣ်ဂ့ၤဒိၣ်န့ၢ်ဒံးမုၢ်တနံၤလၢနအိၣ်ဖျဲၣ်ထီၣ် တက့ၢ်န့ၣ်လီၤ.

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

ရိမ့ၤ 14:16

တဘၣ်ပျဲတၢ်လၢနဆိကမိၣ်လၢအမ့ၢ်တၢ်ဂ့ၤကဲထီၣ် တၢ်အၢလၢပှၤဂၤအဂီၢ်တဂ့ၤ.

1 ကရံၣ်သူး 10:32

အိၣ်မူဒ်သိး, သုသုတကဲထီၣ်တၢ်တံာ်တာ်လၢပှၤယူဒၤဖိအဂီၢ် မ့ၢ်ဂ့ၤ, ပှၤကလုာ်ဂၤအဂီၢ်မ့ၢ်ဂ့ၤ, မ့တမ့ၢ်, ယွၤအတၢ်အိၣ်ဖှိၣ်အဂီၢ်မ့ၢ်ဂ့ၤ, တဂ့ၤန့ၣ်တက့ၢ်.

၂ ကရံၣ်သူး 8:21

ပတၢ်တိာ်ပာ်ကွၢ်စိမ့ၢ်ဝဲ, ပကမၤတၢ်လၢအကြၢးဝဲဘၣ်ဝဲ, တမ့ၢ်ထဲလၢကစၢ်ယွၤအမဲာ်ညါဘၣ်. မ့မ့ၢ်လၢပှၤကညီ အမဲာ်ညါစ့ၢ်ကီးန့ၣ်လီၤ.

၁ သ့းစၤလနံ 5:22

ဒီးဟးဆှဲးတၢ်အၢတၢ်သီကိးအက့ၢ်အဂီၤဒဲးတက့ၢ်.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

လံာ်နီၢ်ရူၤသး 3:15

ဒီးစီၤဘိၤဧးစံးဘၣ်အီၤ, “ဟဲစိာ်နဆ့ကၤဖီခိၣ်လၢနကၤ အီၤန့ၣ်ဒီးသလၣ်လီၤအီၤဖဲအံၤတက့ၢ်.” နီၢ်ရူၤသးမၤဝဲဒ်န့ၣ်အသိး, ဒီးအဝဲဃီၣ်ထီၣ်ဘုမုယီၤဃုနီၣ်ဃီၣ်, ဒီးပာ်လီၤဝဲလၢအလိၤလီၤ. အန့ၣ်ဝံၤဒီးနီၢ်ရူၤသးဟဲက့ၤဆူဝ့ၢ်ပူၤလီၤ.