လံာ်နီၢ်ရူၤသး 3:12 - Sgaw Karen Common Bible

¹² ယမ့ၢ်ပှၤလၢအဘူးအတံၢ်တဂၤနီၢ်နီၢ်လၢမူဒါအိၣ်ဝဲလၢနဂီၢ် လီၤ. ဘၣ်ဆၣ်ပှၤလၢအဘူးဒိၣ်န့ၢ်ယၤတက့ၢ်န့ၣ်, အိၣ်ဝဲတဂၤလီၤ.

လံာ်နီၢ်ရူၤသး 3:12 Iomraidhean Croise

လံာ်မးသဲ 7:12

ဒ်နဆၢလၢပှၤဂၤကမၤနၤအသိးန့ၣ်, မၤအီၤဒ်န့ၣ်အသိးတက့ၢ်. အအံၤမ့ၢ်စီၤမိၤၡ့အတၢ်သိၣ်တၢ်သီ ဒီးဝံတဖၣ်အတၢ်သိၣ်လီၤသီလီၤတဖၣ်အခီပညီန့ၣ်လီၤ.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

လံာ်နီၢ်ရူၤသး 2:20

ဒီးနီၢ်နၤဧမံစံးဘၣ်အဒဲၣ်, “မ်ယွၤလၢအဟံးဃာ်အတၢ်အၢၣ်လီၤအီလီၤထီဘိ ဆူပှၤသံဒီးပှၤမူတဂၤန့ၣ်ဆိၣ်ဂ့ၤစီၤဘိၤဧးတက့ၢ်.” ဒီးစံးကဒီးဝဲ, “ပှၤအံၤမ့ၢ်ပဘူးပတံၢ်အကျါတဂၤ, ဒီးအိၣ်ဒီးအမူအဒါလၢကဘၣ်အံးထွဲကွၢ်ထွဲပှၤန့ၣ်လီၤ.”

လံာ်နီၢ်ရူၤသး 3:11

ခဲကနံၣ်အံၤနီၢ်ရူၤသးဧၢ, ဘၣ်ယိၣ်တၢ်တဂ့ၤ. ကယဲၢ်တၢ်လၢနစံးဘၣ်ယၤခဲလၢာ်န့ၣ်ယကမၤယဲလီၤ. အဂ့ၢ်ဒ်အံၤ, ပှၤဝ့ၢ်ဖိကိးဂၤသ့ၣ်ညါလၢနမ့ၢ်ပိာ်မုၣ်လၢအဂ့ၤအဝါတဂၤလီၤ.

လံာ်နီၢ်ရူၤသး 3:13

အိၣ်ဒၣ်ကလိာ်ဖဲအံၤသီတနၤကျၢၤ, ဒီးလၢမုၢ်ဆ့ၣ်ထီၣ်န့ၣ်, ပကဃုသ့ၣ်ညါတၢ်လၢမ့ၢ်ပှၤတဂၤန့ၣ်ကဟံးန့ၢ်မူဒါလၢနဂီၢ်ဧါ န့ၣ်လီၤ. မ့ၢ်မၤဒ်န့ၣ်ဒီးဂ့ၤလီၤ. မ့ၢ်တမၤဒ်န့ၣ်ဘၣ်ဒီး, ယအၢၣ်လီၤယသးလၢယွၤလၢအမူဝဲတဂၤအမဲာ်ညါလၢယက ဟံးန့ၢ်မူဒါလၢနဂီၢ်န့ၣ်လီၤ. ခဲအံၤ, မံလီၤတုၤမုၢ်ဆ့ၣ် ထီၣ်န့ၣ်တက့ၢ်.”

လံာ်နီၢ်ရူၤသး 4:1

စီၤဘိၤဧးလဲၤဆူတၢ်အိၣ်ဖှိၣ်ရိဖှိၣ်အလီၢ်ဖဲဝ့ၢ်အပဲတရီ, ဒီးဆ့ၣ်နီၤဝဲဖဲန့ၣ်လီၤ. တုၤနုၤတစု, တုၤစီၤအလံၤမ့လ့း အဘူးအတံၢ်နီၢ်နီၢ်, လၢစီၤဘိၤဧးစံးကတိၤတ့ၢ်ဝဲလၢအဂ့ၢ်တဂၤ, ဟဲဝဲန့ၣ်ဒီး, စီၤဘိၤဧးကိးအီၤဒီးစံးဘၣ်အီၤ, “ယတံၤသကိးဧၢ, ဟဲဆ့ၣ်နီၤဖဲအံၤတက့ၢ်.” ဒီးဟဲဆ့ၣ်နီၤဝဲဒၣ်န့ၣ်လီၤ.

လံာ်နီၢ်ရူၤသး 4:4

ဒီးယဆိကမိၣ်လၢနကြၢးသ့ၣ်ညါတၢ်ဂ့ၢ်အံၤလီၤ. ခဲကနံၣ်အံၤနမ့ၢ်သးလီတၢ်လီၢ်အံၤန့ၣ်ဒီး, ပှ့ၤအီၤလၢပှၤလၢအဆ့ၣ်နီၤဖဲအံၤတဖၣ်အမဲာ်ညါန့ၣ်တက့ၢ်. နမ့ၢ်တသးလီဘၣ်န့ၣ်ဒီးစံးဘၣ်ယၤတက့ၢ်. အဂ့ၢ်ဒ်အံၤ, နမ့ၢ်ပှၤလၢအကြၢးဒိးန့ၢ်ဘၣ်တၢ်အဆိကတၢၢ်တဂၤ, ဒီးယဲယမ့ၢ်ဒၣ်ပှၤခံဂၤတဂၤန့ၣ်လီၤ.” ဒီးပှၤတဂၤန့ၣ်စံး, “ယကပှ့ၤက့ၤအီၤလီၤ.”