လံာ်နီၢ်ရူၤသး 3:10 - Sgaw Karen Common Bible

¹⁰ ဒီးအဝဲစံးဝဲ, “မ်ယွၤဆိၣ်ဂ့ၤနၤတက့ၢ်. နပာ်ဖျါထီၣ်ဟံၣ်ဖိ ဃီဖိအတၢ်သးတီလၢနမၤတၢ်အံၤအဂီၢ်န့ၣ်, ဒိၣ်န့ၢ်တၢ်လၢနမၤတ့ၢ်ဘၣ်နမံၤပှၢ်ပိာ်မုၣ် အဂီၢ်တက့ၢ်ဒၣ်လဲာ်လီၤ. နတဃုန့ၢ်ပိာ်ခွါသးစၢ်လၢအထူးအတီၤမ့ၢ်ဂ့ၤ, အဖှီၣ်မ့ၢ်ဂ့ၤန့ၣ်ဘၣ်.

လံာ်နီၢ်ရူၤသး 3:10 Iomraidhean Croise

လံာ်တၢ်ကဲထီၣ်အခီၣ်ထံး 24:31

ဒီးစံးဝဲ, “ဟဲဆူဟံၣ်ဒီးယၤတက့ၢ်. နမ့ၢ်ပှၤတဂၤလၢယွၤ ဆိၣ်ဂ့ၤတ့ၢ်အီၤန့ၣ်လီၤ. ဘၣ်မနုၤလၢနဆၢထၢၣ်ဖဲတၢ်ချၢအံၤန့ၣ်လဲၣ်. ယအိၣ်ဒီးဒၢးတဖျၢၣ်ကတဲာ်ကတီၤအသးလၢနဂီၢ်လၢယဟံၣ်ပူၤဒီးတၢ် လီၢ်တတီၤလၢနကီၤလၤအူးသ့ၣ်တဖၣ်အဂီၢ်စ့ၢ်ကီးလီၤ.”

လံာ်နီၢ်ရူၤသး 1:8

ဘၣ်ဆၣ်ဖဲအလဲၤတၢ်အဖၢမုၢ်, နီၢ်နၤဧမံစံးဘၣ်အဒဲၣ်ခံဂၤ, “က့ၤကဒါက့ၤသုဝဲတဂၤဆူသုမိၢ်ဒၣ်ဝဲအဟံၣ်တက့ၢ်. မ်ယွၤမၤတၢ်ဂ့ၤလၢသုဖီခိၣ်, ဒ်သုမၤဂ့ၤတ့ၢ်, ပှၤလၢအသံတဖၣ်ဒီးယၤအသိးန့ၣ်တက့ၢ်.

လံာ်နီၢ်ရူၤသး 2:11

ဒီးစီၤဘိၤဧးစံးဆၢဝဲဒၣ်, “ယနၢ်ဟူတ့ၢ်တၢ်ဂ့ၢ်လၢလၢပှဲၤပှဲၤဘၣ်ဃးနမၤဘၣ်နမံၤပှၢ်ပိာ်မုၣ် စးထီၣ်လၢနဝၤသံသဒၣ်နၤလံၤလံၤန့ၣ်လီၤ. ဒီးယသ့ၣ်ညါလၢနပာ်တ့ၢ်နမိၢ်နပၢ်, နထံနကီၢ်ဒီးဟဲဒ်လဲၣ်လၢနကအိၣ်ဆိးလၢပှၤတကလုာ်လၢနတ သ့ၣ်ညါတ့ၢ်အဂ့ၢ်နီတဘျီအကျါန့ၣ်လီၤ.

လံာ်နီၢ်ရူၤသး 2:20

ဒီးနီၢ်နၤဧမံစံးဘၣ်အဒဲၣ်, “မ်ယွၤလၢအဟံးဃာ်အတၢ်အၢၣ်လီၤအီလီၤထီဘိ ဆူပှၤသံဒီးပှၤမူတဂၤန့ၣ်ဆိၣ်ဂ့ၤစီၤဘိၤဧးတက့ၢ်.” ဒီးစံးကဒီးဝဲ, “ပှၤအံၤမ့ၢ်ပဘူးပတံၢ်အကျါတဂၤ, ဒီးအိၣ်ဒီးအမူအဒါလၢကဘၣ်အံးထွဲကွၢ်ထွဲပှၤန့ၣ်လီၤ.”

လံာ်နီၢ်ရူၤသး 2:4

တယံာ်ဘၣ်ဒီး, စီၤဘိၤဧးအနီၢ်ကစၢ်ဒၣ်ဝဲဟဲတုၤဝဲ, လၢဝ့ၢ်ဘ့ၤသလ့ဃ့ၣ်ဒီးကတိၤဆၢဂ့ၤဆၢဝါပှၤကူးဘုဖိတဖၣ် ဒီးစံးဝဲ, “မ်ယွၤအိၣ်ဒီးသုတက့ၢ်.” ဒီးအဝဲသ့ၣ်စံးဆၢဝဲ, “မ်ယွၤဆိၣ်ဂ့ၤနၤတက့ၢ်.”

လံာ်နီၢ်ရူၤသး 3:9

ဒီးစံးဝဲဒၣ်, “နမ့ၢ်မတၤလဲၣ်.” ပိာ်မုၣ်န့ၣ်စံးဆၢဝဲ, “ယမ့ၢ်နကုၢ်ပိာ်မုၣ်နီၢ်ရူၤသးလီၤ. ဒုးလုးစ့ၢ်ကီးယၤလၢ နယၣ်လုးတက့ၢ်. အဂ့ၢ်ဒ်အံၤ, နမ့ၢ်ပှၤလၢအဘူးအတံၢ်တဂၤ, ပှၤလၢအမူအဒါအိၣ်လၢကအံးထွဲကွၢ်ထွဲက့ၤယၤအဂီၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:13

စီၤၡမူၤအ့လးလဲၤဆူစီၤစီလူးအအိၣ်ဒီးစီၤစီလူးသဂၢၢ် အီၤဒီးစံးဝဲ, “စီၤၡမူၤအ့လးဧၢ, မ်ယွၤဆိၣ်ဂ့ၤနၤတက့ၢ်. ယစူၢ်တ့ၢ်ယွၤအတၢ်မၤလိာ်လီၤ.”