လံာ်နီၢ်ရူၤသး 2:8 - Sgaw Karen Common Bible

⁸ တုၤနုၤတစုစီၤဘိၤဧးစံးဘၣ်နီၢ်ရူၤသး, “ပိာ်မုၣ်သးစၢ်ဧၢ, ပျဲယဟ့ၣ်ကူၣ်နၤဒ်အံၤ, လဲၤထၢဖှိၣ်ဘုစဲၤလၢစံာ်ပျီအဂၤအပူၤန့ၣ်တဂ့ၤ. မ့မ့ၢ်မၤဒၣ်တၢ်ဒီးပိာ်မုၣ်ဖဲအံၤတဖၣ်န့ၣ်တက့ၢ်.

လံာ်နီၢ်ရူၤသး 2:8 Iomraidhean Croise

လံာ်စီၤပၤခံဘ့ၣ်တဘ့ၣ် 5:13

အခ့အပှၤတဖၣ်လဲၤဆူအအိၣ်ဒီးစံးဘၣ်အီၤ, “တၢ်ဒိၣ်ဧၢ, ဝံမ့ၢ်တဲဘၣ်နၤလၢနကဘၣ်မၤတၢ်အကီအခဲတမံၤမံၤန့ၣ်နကမၤနဲလီၤ. ခဲကနံၣ်အံၤဒ်အဝဲစံးတ့ၢ်အသိး, ထဲနကလဲၤလုၣ်ထံလၢနနီၢ်ကစၢ် ဒၣ်နဲဒီးဘၣ်တၢ်မၤဘျါက့ၤနၤန့ၣ်, ဘၣ်မနုၤနမၤတကဲန့ၣ်လဲၣ်.”

လံာ်တၢ်ဘူၣ်ထီၣ်ဘါထီၣ် 19:9

ဖဲသုကူးက့ၤသုဘုလၢစံာ် ပျီပူၤန့ၣ်သုတဘၣ်ကူးတုၤလၢအသနၢၣ်န့ၣ်ဘၣ်. ဒီးသုတဘၣ်က့ၤကဒါက့ၤဆူသုလီၢ်ခံဒီးကူးက့ၤဘုစဲၤလၢ အအိၣ်လီၤတဲာ်တဖၣ်န့ၣ်ဘၣ်.

လံာ်မးသဲ 9:2

ပှၤဟဲစိာ်ပှၤသံတခီပၤလၢအအိၣ်မံလီၤလၢအလီၢ်မံခိၣ်တဂၤ ဆူအအိၣ်ဒီးဖဲယ့ၣ်ၡူးထံၣ်အဝဲသ့ၣ်အတၢ်နာ်အိၣ်ထဲလဲၣ်န့ၣ်, အဝဲတဲဘၣ်ပှၤသံတခီပၤန့ၣ်, “ဖိဧၢ, သးဟးဂီၤတဂ့ၤ. နတၢ်ဒဲးဘးတဖၣ်ဘၣ်တၢ်ပျၢ်လံအီၤလံ.”

လံာ်မးသဲ 9:22

ယ့ၣ်ၡူးဃၣ်တရံးအသးဒီးထံၣ်အီၤဒီးစံး, “ဖိမုၣ်ဧၢ, သးဟးဂီၤတဂ့ၤ. နနာ်တၢ်အဃိနဘျါက့ၤလံ.” တကတီၢ်ဃီဖဲန့ၣ်ပိာ်မုၣ်န့ၣ်အိၣ်ဆူၣ်အိၣ်ချ့ဝဲဒၣ်လီၤ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

လံာ်နီၢ်ရူၤသး 2:7

အဝဲဃ့တၢ်လၢယၤဒ်သိးယကပျဲအထၢဖှိၣ်ဘုစဲၤလၢအအိၣ်လီၤတဲာ် လၢပှၤကူးဘုဖိတဖၣ်အလီၢ်ခံန့ၣ်လီၤ. မ့တမ့ၢ်ဘၣ်လၢအအိၣ်ဘှံးဝဲတစိၢ်ဖိလၢဒဲပူၤဘၣ်န့ၣ်ဒီးအဝဲ မၤတၢ်စးထီၣ်လၢမုၢ်ဂီၤလံၤလံၤတုၤခဲကနံၣ်အံၤလီၤ.”

လံာ်နီၢ်ရူၤသး 2:9

ကွၢ်အဝဲသ့ၣ်လဲၤကူးဘုအလီၢ်ဒီးပိာ်အခံန့ၣ်တက့ၢ်. ယမၤလိာ်တ့ၢ်လံယခ့ယပှၤပိာ်ခွါတဖၣ်လၢအသုတမၤတံာ်တာ်နၤတဂ့ၤ န့ၣ်လီၤ. ဒီးဖဲတၢ်သူနသးလၢထံတဘျီလၢ်လၢ်န့ၣ်, လဲၤဒီးအီထံလၢသပၢၤလၢပှၤမၤတၢ်ဖိတဖၣ်ဒၢၣ်ပှဲၤတ့ၢ်န့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 3:16

စီၤဧ့လံၤကိးအီၤ, “စီၤၡမူၤအ့လး, ယဖိခွါဧၢ,” စီၤၡမူၤအ့လးစံးဆၢဝဲ, “မ့ၢ်, တၢ်ဒိၣ်ဧၢ.”

လံာ်စီၤၡမူၤအ့လးအခီၣ်ထံးတဘ့ၣ် 3:6

ယွၤကိးထီၣ်ကဒီးစီၤၡမူအ့လးလီၤ. ဖိသၣ်ပိာ်ခွါန့ၣ်တသ့ၣ်ညါဝဲလၢတၢ်န့ၣ်မ့ၢ်ယွၤဘၣ်. အဂ့ၢ်ဒ်အံၤ, ယွၤတကတိၤတ့ၢ်တၢ်ဒီးအီၤလၢညါနီတစုဘၣ်. မၤသးဒ်န့ၣ်ဒီး, အဝဲဂဲၤဆၢထၢၣ်လဲၤဆူစီၤဧ့လံၤအအိၣ်ဒီးစံး, “နကိးယၤဒီးယအိၣ်ဖဲအံၤလီၤ.”