လံာ်နီၢ်ရူၤသး 2:23 - Sgaw Karen Common Bible

²³ လၢတၢ်န့ၣ်အဃိ, နီၢ်ရူၤသးလဲၤမၤတၢ်ဃုာ်ဒီးအဝဲသ့ၣ်, ဒီးထၢဖှိၣ်ဘုစဲၤအိၣ်လီၤတဲာ်တဖၣ်တုၤဘုမုယီၤဒီးဘုကၠူၣ် ဘၣ်တၢ်ကူးအီၤဝံၤဝဲခဲလၢာ်တစုန့ၣ်လီၤ. ဒီးအဝဲအိၣ်ဆိးဒံးဝဲဒီးအမံၤပှၢ်ပိာ်မုၣ်န့ၣ်လီၤ.

လံာ်နီၢ်ရူၤသး 2:23 Iomraidhean Croise

လံာ်တၢ်ဟးထီၣ်ကွံာ် 9:31

ပအီမုၢ်ဒီးဘုမုယီၤအမုၢ်တဖၣ်ဟးဂီၤကွံာ်ဝဲခဲလၢာ်မ့ၢ်လၢ ဘုမုယီၤအစဲၤမံဝဲဒီးပအီမုၢ်ဖီထီၣ်သၣ်ထီၣ်ဝဲအဃိလီၤ.

တၢ်ကတိၤဒိ. 13:1

ဖိခွါလၢအကူၣ်တၢ်သ့န့ၣ်ပာ်သူၣ်ပာ်သးသပှၢ်ပှၢ်ဖဲအပၢ်သိၣ်က့ၤ သီက့ၤအီၤန့ၣ်လီၤ. မ့မ့ၢ်ပှၤလၢအပာ်ထီၣ်ထီအသးန့ၣ်, တအၢၣ်လီၤအတၢ်ကမၣ်နီတစုဘၣ်.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

လံာ်မၢ်ကူး 14:66

ဖဲစီၤပ့းတရူးအိၣ်ဒံးဒၣ်လၢတၢ်ဖီလာ်လၢတၢ်လီၢ်လီၤပျီတကဝီၤ အပူၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ကတၢၢ်အခ့အပှၤပိာ်မုၣ်အကျါတဂၤဟဲဃီၤ ဝဲဖဲတၢ်ကပၤထံးန့ၣ်လီၤ.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”

လံာ်သိၣ်လီၤသီလီၤတၢ် 16:9

ဂံၢ်နွံနွံစးထီၣ်လၢသုစးထီၣ်ကူးဘုဧိၤဟုဧိၤ, ဝံၤဒီးမၤတၢ်ကူးက့ၤဝံၤအကတီၢ်အဘူၣ်လၢတၢ်မၤလၤကပီၤယွၤသု ကစၢ်ယွၤအဂီၢ်ခီဖျိတၢ်ဟဲစိာ်န့ၢ်အီၤတၢ်သးအိၣ်အတၢ်မၤဘူၣ်, ကၢကီၣ်သဃီၤဒီးတၢ်ဆိၣ်ဂ့ၤလၢအဟ့ၣ်တ့ၢ်သုန့ၣ်တက့ၢ်.

လံာ်နီၢ်ရူၤသး 1:22

တၢ်အံၤမ့ၢ်နီၢ်နၤဧမံအတၢ်ဟဲက့ၤကဒါက့ၤလၢကီၢ်မိၤအး, ဃုာ်ဒီးအဒဲၣ်မုၣ်နီၢ်ရူၤသးလၢအမ့ၢ်ပှၤမိၤအးမုၣ်, ဒ်လဲၣ်န့ၣ်လီၤ. အဝဲသ့ၣ်ဟဲက့ၤတုၤလၢဝ့ၢ်ဘ့ၤသလ့ဃ့ၣ်ဖဲတၢ်ကူးသီဘုမုယီၤအကတီၢ်န့ၣ်လီၤ.

လံာ်နီၢ်ရူၤသး 2:22

အန့ၣ်တစုနီၢ်နၤဧမံစံးဘၣ်အဒဲၣ်မုၣ်နီၢ်ရူၤသး, “ယဖိမုၣ်ဧၢ, နလဲၤထၢဖှိၣ်တၢ်ဃုာ်ဒီးစီၤဘိၤဧးအခ့အပှၤပိာ်မုၣ်တဖၣ်လၢအ စံာ်ပျီပူၤဂ့ၤဒိၣ်တက့ၢ်လီၤ. နမ့ၢ်လဲၤဆူပှၤဂၤအစံာ်ပျီပူၤ န့ၣ်ဒီး, နကဘၣ်တၢ်မၤတံာ်တာ်နၤလီၤ.”

လံာ်နီၢ်ရူၤသး 3:1

ဒီးနီၢ်နၤဧမံစံးဘၣ်နီၢ်ရူၤသး, “ယဖိမုၣ်ဧၢ, ယကဘၣ်ဃုန့ၢ်ဟံၣ်လၢနဂီၢ်ဒ်သိးတၢ်မုာ်ကအိၣ်ဒီးနၤအဂီၢ်လီၤ.