လံာ်နီၢ်ရူၤသး 2:20 - Sgaw Karen Common Bible

²⁰ ဒီးနီၢ်နၤဧမံစံးဘၣ်အဒဲၣ်, “မ်ယွၤလၢအဟံးဃာ်အတၢ်အၢၣ်လီၤအီလီၤထီဘိ ဆူပှၤသံဒီးပှၤမူတဂၤန့ၣ်ဆိၣ်ဂ့ၤစီၤဘိၤဧးတက့ၢ်.” ဒီးစံးကဒီးဝဲ, “ပှၤအံၤမ့ၢ်ပဘူးပတံၢ်အကျါတဂၤ, ဒီးအိၣ်ဒီးအမူအဒါလၢကဘၣ်အံးထွဲကွၢ်ထွဲပှၤန့ၣ်လီၤ.”

လံာ်နီၢ်ရူၤသး 2:20 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 2:5

အဝဲဆှၢလီၤပှၤတနီၤဃုာ်ဒီးတၢ်ကစီၣ်ဒ်အံၤ, “မ်ယွၤဆိၣ်ဂ့ၤသုလၢသုဒုးနဲၣ်သုတၢ်သူၣ်တီသးရၤဆူသု စီၤပၤခီဖျိသုခူၣ်လီၤဘျၢလီၤအီၤအဃိန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 9:1

ဘၣ်မုၢ်တနံၤန့ၣ်စီၤဒၤဝံးသံကွၢ်ဝဲ, “လၢစီၤစီလူးအပှၤဟံၣ်ဖိ ဃီဖိအကျါန့ၣ်မ့ၢ်ပှၤအိၣ်လီၤတဲာ်တ့ၢ်ဒံးတဂၤဂၤဧါ. မ့ၢ်အိၣ်ဒီး, ယသးအိၣ်ဒုးနဲၣ်ယတၢ်သးကညီၤဘၣ်အီၤလၢစီၤယိနၤ သၣ်အဃိန့ၣ်လီၤ.”

လံာ်စီၤယိၤဘး 19:25

အဂ့ၢ်ဒ်အံၤ, ယသ့ၣ်ညါလၢယပှၤပှ့ၤက့ၤယၤတဂၤမူဝဲ, ဒီးလၢခံကတၢၢ်န့ၣ်ကဂဲၤဆၢထၢၣ်အုၣ်အသးလၢယဂီၢ်လၢ ဟီၣ်ခိၣ်အံၤန့ၣ်လီၤ.

တၢ်ကတိၤဒိ. 17:17

တံၤသကိးတဖၣ်ဒုးနဲၣ်အတၢ်အဲၣ်တၢ်ကွံထီဘိလီၤ. မ့တမ့ၢ်လၢတၢ်နီၤတူၢ်သကိးတၢ်ကီတၢ်ခဲဘၣ်ဒီးဒီပုၢ်ဝဲၢ်တဖၣ် အိၣ်လၢမနုၤအဂီၢ်လဲၣ်.

လံာ်တၢ်ဘူၣ်ထီၣ်ဘါထီၣ် 25:25

ပှၤအံၣ်စရ့လးဖိတဂၤဂၤမ့ၢ်ဖှီၣ်လီၤယာ်လီၤဝဲတုၤအဘၣ် ဆါလီၤကွံာ်အဟီၣ်ခိၣ်န့ၣ်ဒီး, အဘူးအတံၢ်လၢအဘူးကတၢၢ်ဒီး အီၤကဘၣ်ပှ့ၤကဒါက့ၤဝဲဒၣ်န့ၣ်လီၤ.

ဖံလံးပံၤ 4:10

ယသူၣ်ခုသးခုလၢကစၢ်အပူၤဒိၣ်မးလီၤ. အဂ့ၢ်ဒ်လဲၣ်န့ၣ်, လၢဆၢကတီၢ်ဖးယံာ်ဝံၤအလီၢ်ခံသုဒိးန့ၢ်ဘၣ်ကဒီးတၢ် အခွဲးအယာ်လၢသုကပာ်ဖျါသုတၢ်သူၣ်အိၣ်သးအိၣ်ယၤ န့ၣ်လီၤ. တမ့ၢ်ယစံးလၢသုတသူၣ်အိၣ်သးအိၣ်ယၤလၢၤ န့ၣ်ဘၣ်. မ့ၢ်ဒၣ်လၢအခွဲးအယာ်တအိၣ်လၢသုကပာ်ဖျါ ထီၣ်အီၤအဂီၢ်အဃိန့ၣ်လီၤ.

လံာ်နီၢ်ရူၤသး 2:21

ဒီးနီၢ်ရူၤသးစံးဝဲဒၣ်, “အဝဲစံးဘၣ်စ့ၢ်ကီးယၤလၢယကဘၣ် ထၢဖှိၣ်ဘုလီၤတဲာ်ဃုာ်ဒီးအခ့အပှၤတဖၣ်တုၤကူးဘုဝံၤအက တီၢ်န့ၣ်လီၤ.”

လံာ်နီၢ်ရူၤသး 3:12

ယမ့ၢ်ပှၤလၢအဘူးအတံၢ်တဂၤနီၢ်နီၢ်လၢမူဒါအိၣ်ဝဲလၢနဂီၢ် လီၤ. ဘၣ်ဆၣ်ပှၤလၢအဘူးဒိၣ်န့ၢ်ယၤတက့ၢ်န့ၣ်, အိၣ်ဝဲတဂၤလီၤ.

လံာ်နီၢ်ရူၤသး 4:14

ပှၤပိာ်မုၣ်တဖၣ်စံးဘၣ်နီၢ်နၤဧမံ, “စံးထီၣ်ပတြၢၤယွၤတ က့ၢ်. အဝဲဟ့ၣ်လံနၤလၢနလံၤပိာ်ခွါတဂၤလၢမုၢ်မဆါတနံၤအံၤဒ်သိး အကအံးထွဲကွၢ်ထွဲနၤအဂီၢ်န့ၣ်လီၤ. မ်ဖိသၣ်ပိာ်ခွါအံၤအမံၤဟူ ထီၣ်သါလီၤလၢပှၤအံၣ်စရ့လးဖိတဖၣ်အကျါန့ၣ်တက့ၢ်.

လံာ်နီၢ်ရူၤသး 4:4

ဒီးယဆိကမိၣ်လၢနကြၢးသ့ၣ်ညါတၢ်ဂ့ၢ်အံၤလီၤ. ခဲကနံၣ်အံၤနမ့ၢ်သးလီတၢ်လီၢ်အံၤန့ၣ်ဒီး, ပှ့ၤအီၤလၢပှၤလၢအဆ့ၣ်နီၤဖဲအံၤတဖၣ်အမဲာ်ညါန့ၣ်တက့ၢ်. နမ့ၢ်တသးလီဘၣ်န့ၣ်ဒီးစံးဘၣ်ယၤတက့ၢ်. အဂ့ၢ်ဒ်အံၤ, နမ့ၢ်ပှၤလၢအကြၢးဒိးန့ၢ်ဘၣ်တၢ်အဆိကတၢၢ်တဂၤ, ဒီးယဲယမ့ၢ်ဒၣ်ပှၤခံဂၤတဂၤန့ၣ်လီၤ.” ဒီးပှၤတဂၤန့ၣ်စံး, “ယကပှ့ၤက့ၤအီၤလီၤ.”

လံာ်နီၢ်ရူၤသး 4:6

ပှၤတဂၤန့ၣ်စံးဆၢဝဲ, “မ့မ့ၢ်ဒ်န့ၣ်ဒီး, ယတပှ့ၤက့ၤအီၤလၢယ ဂီၢ်ဒၣ်ယဲဘၣ်. ယဖိယလံၤဒၣ်ယဲတမ့ၢ်ကန့ၢ်သါဘၣ်အီၤဘၣ်. ဟံးန့ၢ်ယလီၢ်လၢနဂီၢ်ဒၣ်နဲဒီးပှ့ၤက့ၤအီၤတက့ၢ်. ယတပှ့ၤက့ၤအီၤလၢၤဘၣ်.”