လံာ်နီၢ်ရူၤသး 2:2 - Sgaw Karen Common Bible

² ပှၤမိၤအးမုၣ်ဖိနီၢ်ရူၤသးစံးဘၣ်နီၢ်နၤဧမံ, “ပျဲယလဲၤဆူစံာ်ပျီတဖၣ်အပူၤဒ်သိးယကထၢဖှိၣ်ဘုအစဲၤတဖၣ် လၢပှၤကူးဘုတဖၣ်ပာ်လီၤတဲာ်န့ၣ်တက့ၢ်. ယနာ်လၢယကထံၣ်န့ၢ်ပှၤတဂၤဂၤလၢအကပျဲ ယမၤတၢ်အံၤန့ၣ်လီၤ.” ဒီးနီၢ်နၤဧမံစံးဆၢဝဲ, “ယဖိမုၣ်ဧၢ, လဲၤတက့ၢ်.”

လံာ်နီၢ်ရူၤသး 2:2 Iomraidhean Croise

လံာ်တၢ်ကဲထီၣ်အခီၣ်ထံး 32:6

ဖဲပှၤစိာ်တၢ်ကစီၣ်တဖၣ်ဟဲက့ၤတုၤဆူစီၤယၤကိာ်အအိၣ်န့ၣ်, အဝဲသ့ၣ်စံး, “ပလဲၤဆူနဝဲၢ်စီၤဧ့ၡီၤအအိၣ်, ဒီးအဝဲဟဲ ထီၣ်လံဝဲဒ်သိးအကဟဲသဂၢၢ်နၤလီၤ. အဝဲအိၣ်ဒီးအပှၤအဂၤလွံၢ်ကယၤလီၤ.”

လံာ်တၢ်ဘူၣ်ထီၣ်ဘါထီၣ် 19:10

ဒဲးစပံးသၣ်လၢသုစပံးလီၢ်တုၤအလၢာ်တဂ့ၤ. ထၢထီၣ်စပံးသၣ်လၢအလီၤဆှုတဖၣ်လၢသုစပံးလီၢ်ပူၤတုၤ အလၢာ်တဂ့ၤ. သုကဘၣ်ပာ်တီၢ်အီၤလၢပှၤဖှီၣ်ဖိယာ်ဖိဒီးပှၤတ ခီဘီမုၢ်ဖိတဖၣ်အဂီၢ်န့ၣ်လီၤ. ယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:16

သုတရၤလီၤတၢ်ကတိၤကဘျံးကဘျၣ်ဘၣ်ဃးပှၤတဂၤလၢ်လၢ်အဂ့ၢ်တဂ့ၤ. ဖဲပှၤတဂၤဂၤဘၣ်ကွၢ်ဆၢၣ်မဲာ်ဒီးကွီၢ်လၢအ သးသမူကပူၤဖျဲးအဂီၢ်န့ၣ်သုတၢ်အုၣ်သးကဘၣ်မ့ၢ်တၢ်မၤစၢၤလၢအဂီၢ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

လံာ်တၢ်ဘူၣ်ထီၣ်ဘါထီၣ် 19:9

ဖဲသုကူးက့ၤသုဘုလၢစံာ် ပျီပူၤန့ၣ်သုတဘၣ်ကူးတုၤလၢအသနၢၣ်န့ၣ်ဘၣ်. ဒီးသုတဘၣ်က့ၤကဒါက့ၤဆူသုလီၢ်ခံဒီးကူးက့ၤဘုစဲၤလၢ အအိၣ်လီၤတဲာ်တဖၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 23:22

ဖဲသုကူးဘုအကတီၢ်န့ၣ်ကူးအီၤတုၤလၢသုစံၣ်အသနၢၣ်တဖၣ် န့ၣ်တဂ့ၤ. ဒီးက့ၤကဒါက့ၤလၢတၢ်ကူးက့ၤဘုစဲၤအိၣ်လီၤတဲာ်တဖၣ်အဂီၢ်န့ၣ်တဂ့ၤ. ပာ်လီၤတဲာ်အီၤလၢပှၤဖှီၣ်ဖိယာ်ဖိဒီးပှၤတခီဘီမုၢ်ဖိတဖၣ်အဂီၢ်တက့ၢ်. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်နီၢ်ရူၤသး 2:3

တုၤနုၤတစု, နီၢ်ရူၤသးလဲၤဆူစံာ်ပျီတဖၣ်အပူၤဒီးဟးဝဲ လၢပှၤကူးဘုတဖၣ်အလီၢ်ခံ, ဒီးထၢထီၣ်ဝဲဘုအစဲၤတဖၣ်လၢအဝဲ သ့ၣ်ပာ်လီၤတဲာ်န့ၣ်လီၤ. ဒီးတၢ်မၤအသးလၢအဝဲလဲၤဘၣ်ဆူ စီၤဘိၤဧးအစံာ်ပျီပူၤန့ၣ်လီၤ.

လံာ်နီၢ်ရူၤသး 2:7

အဝဲဃ့တၢ်လၢယၤဒ်သိးယကပျဲအထၢဖှိၣ်ဘုစဲၤလၢအအိၣ်လီၤတဲာ် လၢပှၤကူးဘုဖိတဖၣ်အလီၢ်ခံန့ၣ်လီၤ. မ့တမ့ၢ်ဘၣ်လၢအအိၣ်ဘှံးဝဲတစိၢ်ဖိလၢဒဲပူၤဘၣ်န့ၣ်ဒီးအဝဲ မၤတၢ်စးထီၣ်လၢမုၢ်ဂီၤလံၤလံၤတုၤခဲကနံၣ်အံၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 1:18

ပိာ်မုၣ်န့ၣ်စံးဆၢအီၤ, “မ်နဆိကမိၣ်တၢ်လၢယဂ့ၢ်လၢတၢ်သူၣ် ကညီၤသးကညီၤအပူၤထီဘိတက့ၢ်.” အန့ၣ်ဝံၤဒီးပိာ်မုၣ်န့ၣ်ဟးထီၣ်ဝဲဒီးအီၣ်တၢ်ဒီးအသးတအုးလၢၤဘၣ်ဝဲဘၣ်.