လံာ်နီၢ်ရူၤသး 2:19 - Sgaw Karen Common Bible

¹⁹ ဒီးနီၢ်နၤဧမံသံကွၢ်အီၤ, “တနံၤညါအံၤနလဲၤထၢဘုဖဲလဲၣ်. နလဲၤမၤတၢ်လၢမတၤအစံာ်ပျီပူၤလဲၣ်. မ်ယွၤဆိၣ်ဂ့ၤပှၤတဂၤလၢ အသူၣ်အိၣ်သးအိၣ်နၤန့ၣ်တက့ၢ်.” ဒီးနီၢ်ရူၤသးစံးဘၣ်အမံၤပှၢ်ပိာ်မုၣ်လၢတနံၤညါအံၤအဝဲလဲၤ မၤတၢ်လၢပှၤတဂၤအမံၤမ့ၢ်စီၤဘိၤဧးအစံာ်ပျီပူၤန့ၣ်လီၤ.

လံာ်နီၢ်ရူၤသး 2:19 Iomraidhean Croise

လံာ်စီၤပၤအခီၣ်ထံးတဘ့ၣ် 7:21

စီၤဃူရံၣ်အဘံပာ်လီၤထူၣ်တိၢ်ဘီခံထူၣ်အံၤလၢယွၤအတၢ်လုၢ်ဟံၣ် အကျဲစၢၤအမဲာ်ညါန့ၣ်လီၤ. ထူၣ်လၢအအိၣ်လၢကလံၤထံးတထူၣ်န့ၣ်ယုၢ်ဝဲအမံၤလၢယၤကံၣ်ဒီး ထူၣ်လၢအအိၣ်လၢကလံၤစိးတထူၣ်န့ၣ်ယုၢ်ဝဲအမံၤလၢဘိၤဧးလီၤ.

စံးထီၣ်ပတြၢၤ 41:1

ပှၤလၢအဆိကမိၣ်တၢ်လၢပှၤဖှီၣ်ဖိယာ်ဖိအဂီၢ်န့ၣ် ဘၣ်ဆိၣ်ဂ့ၤဝဲလီၤ. ယွၤကမၤပူၤမၤဖျဲးအီၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ.

စံးထီၣ်ပတြၢၤ 41:2

ယွၤကကဟုဘံၣ်ကယာ်ဘၢအီၤဒီးဒုးမူအီၤန့ၣ်လီၤ. အဝဲကဘၣ်တၢ်ကိးအီၤလၢပှၤဘၣ်ဆိၣ်ဂ့ၤလၢ ထံဧိၤကီၢ်ဧိၤအပူၤန့ၣ်လီၤ. ယွၤတဟ့ၣ်လီၤအီၤဒ်အဒုၣ်အဒါသ့ၣ်တဖၣ် အတၢ်ဘၣ်အသးအသိးန့ၣ်ဘၣ်.

စံးထီၣ်ပတြၢၤ 44:1

ကစၢ်ယွၤဧၢ, ပနၢ်ဟူတ့ၢ်လၢပနၢ်, ပပၢ်သ့ၣ်တဖၣ်တဲတ့ၢ်ပှၤ တၢ်ဖံးတၢ်မၤလၢနမၤတ့ၢ်လၢအမုၢ်နံၤတဖၣ်, မုၢ်နံၤလၢပျၢၤန့ၣ်လီၤ.

လံာ်နီၢ်ရူၤသး 2:10

တုၤနုၤတစု, နီၢ်ရူၤသးထိၣ်လီၤပှီၤအသးဒီးကျးလီၤအမဲာ် ပၢၢ်တုၤလၢဟီၣ်ခိၣ်ဒီးစံးဘၣ်စီၤဘိၤဧး, “ဘၣ်မနုၤအဃိန သူၣ်အိၣ်သးအိၣ်ယၤလၢအမ့ၢ်ဒၣ် ပှၤတခီဘီမုၢ်ဖိအံၤန့ၣ်လဲၣ်.”