လံာ်နီၢ်ရူၤသး 2:14 - Sgaw Karen Common Bible

¹⁴ ဒီးဖဲတၢ်အီၣ်အကတီၢ်န့ၣ်, စီၤဘိၤဧးစံးဘၣ်နီၢ်ရူၤသး, “ဟဲဒီးဟံးန့ၢ်ကိၣ်, ဒီးဘျၢလီၤလၢစပံးထံအဆံၣ်အပူၤန့ၣ် တက့ၢ်.” အန့ၣ်ဒီးနီၢ်ရူၤသးဆ့ၣ်နီၤဃုာ်ဒီးပှၤကူးဘုဖိတ ဖၣ်, ဒီးစီၤဘိၤဧးဟ့ၣ်ဃီၤဘုဝဲာ်ဆူအအိၣ်လီၤ. ဒီးအဝဲဒၣ်အီၣ်တၢ်, ဒီးဘျဲးအီၣ်, ဒီးအိၣ်ဘျဲၣ်ဒံးဝဲလီၤ.

လံာ်နီၢ်ရူၤသး 2:14 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:28

အဝဲသ့ၣ်ဟဲစိာ်လီခီဖးဒိၣ်တဖၣ်, သပၢၤဟီၣ်ခိၣ်တဖၣ်ဒီးလီၢ် မံတဖၣ်ဒီးဟဲစိာ်စ့ၢ်ကီးဝဲတၢ်အီၣ်တၢ်အီလၢစီၤဒၤဝံးဒီး အပှၤတဖၣ်အဂီၢ်န့ၣ်လီၤ.

စံးထီၣ်ပတြၢၤ 23:5

နကတဲာ်ကတီၤစီၢ်နီၤခိၣ်လၢယဂီၢ် လၢယဒုၣ်ယဒါတဖၣ်အမဲာ်ညါလီၤ. နဖှူယခိၣ်လၢသိ, ယလီခီတဖျၢၣ်ပှဲၤလုာ်ကွံာ်လီၤ.

လံာ်ယၡါယၤ 32:8

မ့မ့ၢ်, ပှၤလၢအအိၣ်ဒီးအလၤကပီၤတဂၤမၤတၢ်တီတီလိၤလိၤ ဒီးဆၢထၢၣ်ဂၢၢ်ကျၢၤလၢတၢ်အမ့ၢ်အတီအဂီၢ်န့ၣ်လီၤ.

လံာ်ယၡါယၤ 58:7

နီၤဟ့ၣ်သုတၢ်အီၣ်တၢ်အီဒီးပှၤလၢတၢ်သၣ်ဝံၤအသးဒီး အိးထီၣ်သုဟံၣ်သုဃီတဖၣ်လၢပှၤအဖှီၣ်လၢအဟံၣ် အဃီတအိၣ်တဖၣ်အဂီၢ်တက့ၢ်. ဟ့ၣ်တၢ်ကူတၢ်သိးတဖၣ်ဆူပှၤလၢ ကကူကၤတၢ်တအိၣ်နီတမံၤတဖၣ်အအိၣ်, ဒီးသးပ့ၤနီၣ် မၤစၢၤသုဘူးသုတံၢ်ဒၣ်ဝဲတဖၣ်စ့ၢ်ကီးတဂ့ၤ.

လံာ်မးသဲ 14:20

ပှၤခဲလၢာ်အီၣ်ဝဲဒီးဘျဲးအီၣ်ဝဲလီၤ. ဒီးအဝဲသ့ၣ်ထၢဖှိၣ်က့ၤတၢ်အီၣ်အဘျဲၣ်အစဲၢ်ပှဲၤကုတဆံခံဒုလီၤ.

လံာ်သိၣ်လီၤသီလီၤတၢ် 11:15

ဒီးတပံၢ်တမါလၢဆၣ်ဖိကီၢ်ဖိလၢသုဘုၣ်အီၤတဖၣ်အဂီၢ်န့ၣ်လီၤ. သုကအိၣ်ဒီးကယဲၢ်တၢ်အီၣ်တၢ်အီလၢသုအဲၣ်ဒိးအီၤန့ၣ်လီၤ.

လံာ်သိၣ်လီၤသီလီၤတၢ် 8:10

သုကအိၣ်ဒီးကယဲၢ်တၢ်လၢသုအဲၣ်ဒိးအီၣ်, ဒီးသုကစံးဘျုး ယွၤ, သုကစၢ်ယွၤလၢအဟ့ၣ်လီၤတ့ၢ်သုကီၢ်လၢအပှဲၤဒီးဟီၣ်ခိၣ်ညၣ်ထ့ၣ် အဂ့ၤအဃိန့ၣ်လီၤ.

လံာ်နီၢ်ရူၤသး 2:13

တုၤနုၤတစု, နီၢ်ရူၤသးစံးဆၢဝဲဒၣ်, “ယကစၢ်ဧၢ, နမ့ၢ်ပှၤလၢအမၤဘျုးမၤဖှိၣ်ယၤဒိၣ်မးလီၤ. အဂ့ၢ်ဒ်အံၤ, ယမ့တမ့ၢ်ဘၣ်ဒ်ပှၤဒ်သိးဒီးနကုၢ်ပိာ်မုၣ်အကျါတဂၤ ဘၣ်ဆၣ်နမၤသးမုာ်ယၤလၢနတၢ်ကတိၤတၢ်မုာ်မုာ်ခုၣ်ခုၣ် တဖၣ်န့ၣ်လီၤ.”

လံာ်နီၢ်ရူၤသး 2:15

တုၤအဝဲဂဲၤထၢၣ်ဒီးလဲၤဝဲဒ်သိးအကထၢဖှိၣ်ဘုစဲၤတဖၣ်န့ၣ်, စီၤဘိၤဧးမၤလိာ်အခ့အပှၤတဖၣ်ဒီးစံးဝဲ, “ပျဲအထၢဖှိၣ်ဘု အစဲၤတဖၣ်လၢဘုကဒိၣ်အကျါဒၣ်လဲာ်ဒီးဒုၣ်ဒွဲၣ်အီၤတဂ့ၤ.

လံာ်နီၢ်ရူၤသး 2:18

အဝဲဟံးထီၣ်အဘုဒီးက့ၤစိာ်ဝဲဆူဝ့ၢ်ပူၤ, ဒီးဒုးနဲၣ်အမံၤပှၢ်ပိာ်မုၣ်လၢတၢ်လၢအထၢဖှိၣ်ဝဲအိၣ်ဆံးအါ ဆံးအါလဲၣ်န့ၣ်လီၤ. အဝဲဟဲက့ၤစိာ်ဒီးဟ့ၣ်စ့ၢ်ကီးအမံၤပှၢ်ပိာ်မုၣ်, တၢ်အီၣ်လၢအဝဲအီၣ်ဘျဲးအီၣ်ဒီးအိၣ်ဘျဲၣ်ဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:17

တနံၤန့ၣ်စီၤယံးၡဲစံးဘၣ်စီၤဒၤဝံး, “ဟံးန့ၢ်ဘုဝဲာ်ဃးအသးတအ့ဖးဒီးကိၣ်အဖျၢၣ်တဆံအံၤဒီး လဲၤစိာ်အီၤချ့ချ့ဆူနဝဲၢ်တဖၣ်အအိၣ်လၢတၢ်သူၣ်ဒဲအလီၢ်ပူၤ န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:18

နီၢ်အဘံၤကါယံးလးမၤချ့ချ့ဒီးဟံးန့ၢ်ကိၣ်အဖျၢၣ်ခံကယၤ, ထၢၣ်တၢ်ဖံးခံဖျၢၣ်ပှဲၤဒီးစပံးထံ, သိယဲၢ်ဒုအညၣ်ဖီမံတ့ၢ် အသး, ဘုဧိၤဟုဧိၤဝဲာ်မံဃာ်အသးခံနာ်, ဒီးစပံးသၣ်ဆၢအဃ့အကူၤတကယၤဒီး ကိၣ်လၢတၢ်မၤအီၤလၢချၢၣ်ဒၢသၣ်အဃ့အဖျၢၣ်တကယၤ, ဒီးပာ်ထီၣ်အီၤလၢကသ့ၣ်ယီၤတဖၣ်အလိၤန့ၣ်လီၤ.