လံာ်နီၢ်ရူၤသး 2:1 - Sgaw Karen Common Bible

¹ နီၢ်နၤဧမံအိၣ်ဒီးအဘူးအတံၢ်လၢအမံၤမ့ၢ်စီၤဘိၤဧး, ပှၤဘၣ်ထွဲဒီးအဝၤစီၤအလံၤမ့လ့းအဒူၣ်ဖိထၢဖိတဂၤန့ၣ်လီၤ. အဝဲမ့ၢ်ပှၤထူးပှၤတီၤလၢအအိၣ်ဒီးအစိအကမီၤန့ၣ်လီၤ.

လံာ်နီၢ်ရူၤသး 2:1 Iomraidhean Croise

လံာ်စီၤပၤခံဘ့ၣ်တဘ့ၣ် 15:20

စီၤမနၤဃ့ၣ်မၤန့ၢ်စ့န့ၣ်လၢကီၢ်အံၣ်စရ့လးအပှၤထူးပှၤတီၤ တဖၣ်အအိၣ်ခီဖျိတၢ်ဃ့ဆူၣ်ပှၤတဂၤစုာ်စုာ်လၢကမၤဘူၣ်လီၤစ့, တဂၤအဘ့ၣ်ယဲၢ်ဆံန့ၣ်လီၤ. လၢတၢ်န့ၣ်အဃိစီၤတံးကလးပလ့စ့ၢ် က့ၤကဒါက့ၤဆူအထံအကီၢ်ဒၣ်ဝဲန့ၣ်လီၤ.

လံာ်စီၤယိၤဘး 1:3

ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.

လံာ်စီၤယိၤဘး 31:25

ဒီးယတပာ်ကဖၢလၢယသးလၢယတၢ်စုလီၢ်ခီၣ်ခိၣ်အဃိ မ့ၢ်ဂ့ၤနီတဘျီဘၣ်.

လံာ်မးသဲ 1:5

(ဘၣ်တၢ်ကိးစ့ၢ်ကီးလၢစီၤရၣ် - ရူၤသး ၄:၁၉), စီၤဧးမံၤနဒး, စီၤနးၡိၣ်, စီၤစၤလမိၣ်,

လံာ်လူၤကၣ် 3:32

စီၤဒၤဝံးအပၢ်မ့ၢ်ဝဲစီၤယံးၡဲ, စီၤယံးၡဲအပၢ်မ့ၢ်ဝဲစီၤဧိၤဘ့း, စီၤဧိၤဘ့းအပၢ်မ့ၢ်ဝဲစီၤဘိၤဧး, စီၤဘိၤဧးအပၢ်မ့ၢ်ဝဲစီၤစၤလမိၣ်, စီၤစၤလမိၣ်အပၢ်မ့ၢ်ဝဲစီၤနးၡိၣ်,

လံာ်နီၢ်ရူၤသး 1:2

လၢတၢ်အံၤအဃိပှၤအိၣ်ဝဲတဂၤလၢဝ့ၢ်ဘ့ၤသလ့ဃ့ၣ်လၢကီၢ်ယူဒၤ အပူၤန့ၣ်, လဲၤဆူကီၢ်မိၤအးဃုာ်ဒီးအမါဒီးအဖိခွါခံဂၤဒ်သိးအကလဲၤ အိၣ်ဝဲတစိၢ်တလီၢ်အဂီၢ်န့ၣ်လီၤ. ပှၤတဂၤအံၤအမံၤမ့ၢ်ဝဲစီၤအလံၤမ့လ့း, အမါအမံၤမ့ၢ်နီၢ်နၤဧမံ, ဒီးအဖိခွါခံဂၤန့ၣ်, မ့ၢ်စီၤမၤဃလိၣ်ဒီးစီၤကံးလယိၣ်န့ၣ်လီၤ. အဝဲသ့ၣ်တဖၣ်န့ၣ်ဘၣ်ဃးဒီးပှၤအ့ဖရးသးဖိအဒူၣ်အထၢလီၤ.

လံာ်နီၢ်ရူၤသး 2:2

ပှၤမိၤအးမုၣ်ဖိနီၢ်ရူၤသးစံးဘၣ်နီၢ်နၤဧမံ, “ပျဲယလဲၤဆူစံာ်ပျီတဖၣ်အပူၤဒ်သိးယကထၢဖှိၣ်ဘုအစဲၤတဖၣ် လၢပှၤကူးဘုတဖၣ်ပာ်လီၤတဲာ်န့ၣ်တက့ၢ်. ယနာ်လၢယကထံၣ်န့ၢ်ပှၤတဂၤဂၤလၢအကပျဲ ယမၤတၢ်အံၤန့ၣ်လီၤ.” ဒီးနီၢ်နၤဧမံစံးဆၢဝဲ, “ယဖိမုၣ်ဧၢ, လဲၤတက့ၢ်.”

လံာ်နီၢ်ရူၤသး 3:12

ယမ့ၢ်ပှၤလၢအဘူးအတံၢ်တဂၤနီၢ်နီၢ်လၢမူဒါအိၣ်ဝဲလၢနဂီၢ် လီၤ. ဘၣ်ဆၣ်ပှၤလၢအဘူးဒိၣ်န့ၢ်ယၤတက့ၢ်န့ၣ်, အိၣ်ဝဲတဂၤလီၤ.

လံာ်နီၢ်ရူၤသး 3:2

သ့ၣ်နီၣ်ထီၣ်က့ၤစီၤဘိၤဧးလၢနလဲၤမၤတၢ်ဃုာ်ဒီးအပှၤမၤတၢ် ဖိပိာ်မုၣ်တဖၣ်န့ၣ်, မ့ၢ်ပဘူးပတံၢ်တဂၤန့ၣ်တက့ၢ်. ခဲကနံၣ်အံၤ, ဒိကနၣ်တၢ်တက့ၢ်. မုၢ်တဟါအံၤအဝဲကပ ညၢဘုမုယီၤလၢကြဲၢ်ပူၤန့ၣ်လီၤ.

လံာ်နီၢ်ရူၤသး 4:21

စီၤစၤလမိၣ်ထီၣ်ဖိစီၤဘိၤဧး, ဒီးစီၤဘိၤဧးထီၣ်ဖိစီၤဧိၤဘ့း,