လံာ်နီၢ်ရူၤသး 1:9 - Sgaw Karen Common Bible

⁹ မ်ယွၤမၤစၢၤသုလၢသုကဆီဟံၣ်ဆီဃီကဒီးတဘျီဒီးထံၣ်န့ၢ် တၢ်မုာ်တၢ်ခုၣ်န့ၣ်တက့ၢ်.” ဒီးနၢမူအဝဲသ့ၣ်လၢတၢ်လီၤဖးအတၢ်နၢမူလီၤ. ဘၣ်ဆၣ်အဝဲသ့ၣ်ဟီၣ်ဝဲလၢအကလုၢ်ဖးဒိၣ်န့ၣ်လီၤ.

လံာ်နီၢ်ရူၤသး 1:9 Iomraidhean Croise

လံာ်တၢ်ကဲထီၣ်အခီၣ်ထံး 27:27

ဒီးဖဲအဟဲလၢကနၢမူအီၤန့ၣ်စီၤအံၤစဲးနၢကွၢ်တ့ၢ်ဝဲအကူ အသိးအစိဒီးဆိၣ်ဂ့ၤအီၤန့ၣ်လီၤ. ဒီးစီၤအံၤစဲးစံးဝဲ, “ယဖိခွါ, အစိလၢအနၢဘၣ်ယၤမုာ်အံၤမၤသးဒ်စံာ်ပျီတပျီ လၢယွၤဆိၣ်ဂ့ၤအီၤအစိအသိးန့ၣ်လီၤ.

လံာ်တၢ်ကဲထီၣ်အခီၣ်ထံး 29:11

ဒီးနၢမူဝဲနီၢ်ရၤဃ့လးဒီးကိးထီၣ်ဝဲလၢတၢ်သူၣ်ခုသးခု အဃိလီၤ.

လံာ်တၢ်ကဲထီၣ်အခီၣ်ထံး 31:28

နတပျဲယဆၢဂ့ၤဆၢဝါထွဲယလံၤတဖၣ်ဒီးယဖိမုၣ်တဖၣ်ဒၣ်လဲာ်ဘၣ်. တၢ်န့ၣ်မ့ၢ်ပှၤအမၢးအတၢ်မၤလီၤ.

လံာ်တၢ်ကဲထီၣ်အခီၣ်ထံး 45:15

ဝံၤဒီး, ဖဲအဟီၣ်ဒံးအဖၢမုၢ်န့ၣ်, အဝဲဖိးဟုအဒီပုၢ်ဝဲၢ်ခွါ တဖၣ်ဒီးနၢမူအီၤတဂၤဘၣ်တဂၤလီၤ. ဝံၤဒီးအဒီပုၢ်ဝဲၢ်ခွါတဖၣ်စးထီၣ်ကတိၤတၢ်ဒီးအီၤလီၤ.

မၤတၢ် 20:37

အဝဲသ့ၣ်ကိးဂၤဒဲးဟီၣ်ဝဲဖဲအဖိးဃာ်အီၤဒီးနၢမူအီၤ ဒီးဆၢဂ့ၤဆၢဝါအီၤအခါန့ၣ်လီၤ.

လံာ်နီၢ်ရူၤသး 1:10

ဒီးစံးဘၣ်အီၤ, “တမ့ၢ်ဘၣ်, ပကက့ၤဒီးနၤဆူနပှၤကလုာ်အ အိၣ်လီၤ.”

လံာ်နီၢ်ရူၤသး 1:8

ဘၣ်ဆၣ်ဖဲအလဲၤတၢ်အဖၢမုၢ်, နီၢ်နၤဧမံစံးဘၣ်အဒဲၣ်ခံဂၤ, “က့ၤကဒါက့ၤသုဝဲတဂၤဆူသုမိၢ်ဒၣ်ဝဲအဟံၣ်တက့ၢ်. မ်ယွၤမၤတၢ်ဂ့ၤလၢသုဖီခိၣ်, ဒ်သုမၤဂ့ၤတ့ၢ်, ပှၤလၢအသံတဖၣ်ဒီးယၤအသိးန့ၣ်တက့ၢ်.

လံာ်နီၢ်ရူၤသး 3:1

ဒီးနီၢ်နၤဧမံစံးဘၣ်နီၢ်ရူၤသး, “ယဖိမုၣ်ဧၢ, ယကဘၣ်ဃုန့ၢ်ဟံၣ်လၢနဂီၢ်ဒ်သိးတၢ်မုာ်ကအိၣ်ဒီးနၤအဂီၢ်လီၤ.