လံာ်နီၢ်ရူၤသး 1:6 - Sgaw Karen Common Bible

⁶ ဖဲအအိၣ်ဒံးဝဲဖဲကီၢ်မိၤအးအပူၤန့ၣ်, နီၢ်နၤဧမံနၢ်ဟူဝဲ လၢယွၤဆိၣ်ဂ့ၤအပှၤဂီၢ်မုၢ်ဒီးဟ့ၣ်အဝဲသ့ၣ်လၢတၢ်အီၣ်တၢ်အီအ ဃိ, ကတဲာ်ကတီၤအသးဒ်သိးကဟးထီၣ်ကွံာ်လၢကီၢ်မိၤအး အပူၤဃုာ်ဒီးအဒဲၣ်တဖၣ်န့ၣ်လီၤ.

လံာ်နီၢ်ရူၤသး 1:6 Iomraidhean Croise

လံာ်တၢ်ကဲထီၣ်အခီၣ်ထံး 21:1

ဒီးယွၤဆိၣ်ဂ့ၤနီၢ်စၤရါဒ်အဝဲအၢၣ်လီၤတ့ၢ်လံဝဲအသိး, ဒီးနီၢ်စၤရါဒၢထီၣ်ဝဲ, ဒီးဆံးစၢ်န့ၢ်ဖိခွါတဂၤလၢစီၤအၤ ဘြၤဟၣ်အဂီၢ်ဖဲအသးပှၢ်တ့ၢ်လံဝဲအကတီၢ်န့ၣ်လီၤ.

လံာ်တၢ်ကဲထီၣ်အခီၣ်ထံး 28:20

ဒီးစီၤယၤကိာ်မၤတၢ်ဆိၣ်တမံၤဒီးယွၤစံးဝဲ, “နမ့ၢ်အိၣ်ဒီးယၤဒီးဒီဒၣ်အိၣ်ပှိၤယၤလၢယတၢ်လဲၤတၢ်က့ၤ အပူၤဒီးဟ့ၣ်ယၤတၢ်အီၣ်တၢ်အီဒီးတၢ်ကူတၢ်သိး,

လံာ်တၢ်ကဲထီၣ်အခီၣ်ထံး 48:15

ဝံၤဒီး, အဝဲဆိၣ်ဂ့ၤစီၤယိၤသးဒီးစံးဝဲ, “မ်ကစၢ်ယွၤလၢယပၢ် စီၤအၤဘြၤဟၣ်ဒီးစီၤအံၤစဲးမၤအတၢ်, ဆိၣ်ဂ့ၤပိာ်ခွါဖိသၣ် တဖၣ်အံၤတက့ၢ်. မ်ကစၢ်ယွၤလၢအဆှၢတ့ၢ်ယၤတုၤမုၢ်တနံၤအံၤန့ၣ်, ဆိၣ်ဂ့ၤအဝဲသ့ၣ်တက့ၢ်.

လံာ်တၢ်ကဲထီၣ်အခီၣ်ထံး 50:25

အန့ၣ်ဒီး, စီၤယိၤသးမၢအပှၤဂီၢ်မုၢ်မၤတၢ်ဆိၣ်တမံၤန့ၣ်လီၤ. အဝဲစံးဝဲ, “အၢၣ်လီၤတၢ်ဒီးယၤလၢဖဲကစၢ်ယွၤဆှၢသုဆူ ကီၢ်အဝဲအံၤဒီး, သုကစိာ်ထီၣ်ကွံာ်ယစိၣ်ဃုာ်ဒီးသုန့ၣ်တ က့ၢ်.”

စံးထီၣ်ပတြၢၤ 102:14

မ့ၢ်ဘၣ်တၢ်မၤဟးဂီၤကွံာ်အီၤဒၣ်လဲာ် နခ့နပှၤတဖၣ်အဲၣ်အီၤ, မ့ၢ်အိၣ်လၢတၢ်ဟးဂီၤအပူၤဒၣ်လဲာ် အဝဲသ့ၣ်သးကညီၤဘၣ်အီၤလီၤ.

စံးထီၣ်ပတြၢၤ 111:5

အဝဲဒၣ်ဟ့ၣ်လီၤဝဲတၢ်အီၣ်တၢ်အီလၢ ပှၤလၢအမၤလၤကပီၤအီၤအဂီၢ်န့ၣ်လီၤ. တသးပ့ၤနီၣ်အတၢ်အၢၣ်လီၤအီလီၤနီတဘျီဘၣ်.

စံးထီၣ်ပတြၢၤ 132:15

ယကဆိၣ်ဂ့ၤစံယိၣ်ထူးထူးတီၤတီၤလၢ အတၢ်လိၣ်ခဲလၢာ်တဖၣ်, ဒီးယကဒုးမံသူၣ်မံသးအပှၤဖှီၣ်ဖိယာ်ဖိ ဒီးတၢ်အီၣ်န့ၣ်လီၤ.

စံးထီၣ်ပတြၢၤ 145:15

ကယဲၢ်တၢ်အိၣ်ဒီးအသးသမူခဲလၢာ် ကွၢ်ထီၣ်နၤလၢတၢ်မုၢ်လၢ်အပူၤ, ဒီးနဟ့ၣ်အဝဲသ့ၣ်လၢတၢ်အီၣ်ဖဲ အဝဲသ့ၣ်လိၣ်ဘၣ်ဝဲဒၣ်န့ၣ်လီၤ.

စံးထီၣ်ပတြၢၤ 146:7

လၢအစံၣ်ညီၣ်တၢ်လၢပှၤဘၣ်တၢ်မၤအၢအီၤအဂီၢ်, လၢအဟ့ၣ်လီၤတၢ်အီၣ်တၢ်အီလၢ ပှၤသၣ်ဝံၤအဂီၢ်န့ၣ်, မၤထူၣ်ဖျဲးပှၤလၢအဘၣ်တၢ်စၢဃာ်တဖၣ်န့ၣ်လီၤ.

စံးထီၣ်ပတြၢၤ 147:14

အဝဲပာ်လီၤတၢ်ဃူတၢ်ဖိးလၢနကီၢ်အဃၢၤ, အဝဲဒုးဘျဲးအီၣ်ဘျဲးအီနၤလၢ ဘုဧိၤဟုဧိၤလၢအဂ့ၤကတၢၢ်လီၤ.

လံာ်တၢ်ဟးထီၣ်ကွံာ် 3:16

လဲၤ, ဒီးဒုးအိၣ်ဖှိၣ်ရိဖှိၣ်ပှၤအံၣ်စရ့လးဖိအသူၣ်က့သးပှၢ် သ့ၣ်တဖၣ်ဒီးတဲဘၣ်အဝဲသ့ၣ်လၢယၤ, ယွၤ, သုပၢ်ဖးဒိၣ်လၢပျၢၤတဖၣ်အကစၢ်ယွၤ, စီၤအၤဘြၤဟၣ်, စီၤအံၤစဲးဒီးစီၤယၤကိာ်အကစၢ်ယွၤလီၣ်ဖျါထီၣ်အသး လၢနၤတက့ၢ်. တဲဘၣ်အဝဲသ့ၣ်လၢယဟဲလီၤဆူ အဝဲသ့ၣ်အအိၣ်ဒီးထံၣ်ဘၣ်တ့ၢ်တၢ်လၢပှၤအဲၤကူပတူး ဖိတဖၣ်မၤဘၣ်အီၤန့ၣ်လီၤ.

လံာ်တၢ်ဟးထီၣ်ကွံာ် 4:31

ဒီးပှၤဂီၢ်မုၢ်နာ်ဝဲဒီးဖဲအဝဲသ့ၣ်နၢ်ဟူဝဲဒၣ်လၢကစၢ်ယွၤဟဲဆူ အဝဲသ့ၣ်အအိၣ်ဒီးထံၣ်အတၢ်နးတၢ်ဖှီၣ်န့ၣ်အဝဲသ့ၣ်ဆုးလီၤအခိၣ် ဒီးဘူၣ်ထီၣ်ဘါထီၣ်ယွၤလီၤ.

တၢ်ကတိၤဒိ. 30:8

တြီယၤလၢတၢ်လီတၢ်ဝ့ၤတက့ၢ်. ဒီးပျဲလၢယကထူးတီၤမ့ၢ်ဂ့ၤ, ယကဖှီၣ်ယာ်မ့ၢ်ဂ့ၤန့ၣ်တဂ့ၤ. အဃိဒီး, ဟ့ၣ်လီၤယၤတၢ်အီၣ်ထဲဒၣ်လၢယလိၣ်ဘၣ်အီၤအဂီၢ်န့ၣ်တက့ၢ်.

လံာ်ယၡါယၤ 55:10

ယကလုၢ်ကထါအံၤလီၤဂာ်ဒ်မူခိၣ်ဖီဒီးတၢ်စူၤထံလၢ အဟဲလီၤလၢမူခိၣ်အသိး, လၢကမၤဘၣ်စီၣ်ဟီၣ်ခိၣ်အဂီၢ်န့ၣ်လီၤ. အဝဲသ့ၣ်ဒုးမဲထီၣ်ဒိၣ်ထီၣ်တၢ်မုၢ်တၢ်ဘိတဖၣ် ဒီးဟ့ၣ်ထီၣ်တၢ်ချံလၢဖှံတၢ်အဂီၢ် ဒီးတၢ်အီၣ်လၢပှၤကအီၣ်ဘၣ်အီဘၣ်အဂီၢ်လီၤ.

လံာ်ယံးရမံယၤ 29:10

ယွၤစံးဝဲဒၣ်, ‘ဖဲအနံၣ်နွံဆံလၢ ကီၢ်ဘၤဘူၤလိၣ်အပူၤ ပှဲၤထီၣ်ဝဲန့ၣ်, ယကဒုးနဲၣ် ယတၢ်သးအိၣ်ဘၣ်သုဒီး ဟံးဃာ်ဂၢၢ်ကျၢၤယတၢ်အၢၣ်လီၤလၢ ယကက့ၤစိာ်ကဒါက့ၤသုဆူ ဟံၣ်န့ၣ်လီၤ.

လံာ်ယိၤအ့လး 2:19

ဒီးယွၤစံးဆၢအပှၤဂီၢ်မုၢ်, ခဲကနံၣ်အံၤ, ယကဟ့ၣ်လီၤသု လၢဘုဧိၤဟုဧိၤ, စပံးထံဒီးသ့ၣ်စၤယံးအသိ, ဒီးသုကအိၣ်ဒီးတၢ်သူၣ်မံသးမံလီၤ. ဒီးပှၤကလုာ်ဂၤတဖၣ်တဒုၣ်ဒွဲၣ်စံးအၢလၢၤဘၣ်သုဘၣ်.

လံာ်စဖါနယၤ 2:7

ပှၤဂီၢ်မုၢ်လၢကီၢ်ယူဒၤလၢအအိၣ်မူတ့ၢ်တဖၣ်ကဟံးန့ၢ်သု တၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်ကဒုးကိာ်လီၤအသိ ဒီးအမဲာ်တဲးလဲးတဖၣ်ဖဲန့ၣ်ဒီးကမံဝဲလၢပှၤအၤၡကလိၣ်ဖိအ ဟံၣ်တဖၣ်အပူၤန့ၣ်လီၤ. ယွၤ, အဝဲသ့ၣ်အကစၢ်ယွၤကအိၣ်ဒီးအီၤဒီးဒုးဘီၣ်ထီၣ်ညီထီၣ် ကဒီးအီၤလီၤ.

လံာ်မးသဲ 6:11

တနံၤဘၣ်တနံၤအတၢ်အီၣ်လၢပဒိးန့ၢ်ဘၣ်အလီၢ်အိၣ်န့ၣ်, ဟ့ၣ်လီၤလၢ်ဘၣ်ပှၤတနံၤအံၤတက့ၢ်.

လံာ်လူၤကၣ် 1:68

“မ်ပကစံးထီၣ်ပတြၢၤသကိးကစၢ်, အံၣ်စရ့လးအကစၢ်ယွၤန့ၣ်တက့ၢ်. အဝဲဒၣ်ဟဲဒ်သိးအကမၤစၢၤအပှၤဂီၢ်မုၢ်ဒီးဒုးထူၣ်ဖျဲးထီၣ်ကွံာ်အဝဲသ့ၣ်လီၤ.

လံာ်လူၤကၣ် 19:44

အဝဲသ့ၣ်ကမၤဟးဂီၤကွံာ်နၤလၢာ်လၢာ်ဆ့ဆ့ဃုာ်ဒီးပှၤဂီၢ်မုၢ်အိၣ်ဝဲလၢ နခိၣ်ဒူအပူၤတဖၣ်လီၤ. အဝဲသ့ၣ်တပာ်လီၤတဲာ်တ့ၢ်လၢၢ်လၢအလီၢ်နီ တဖျၢၣ်ဘၣ်. အဂ့ၢ်မ့ၢ်လၢနတပာ်သူၣ်ပာ်သးတၢ်ဆၢကတီၢ်ဖဲ ယွၤဟဲတ့ၢ်ဝဲဒ်သိးအကအုၣ်က့ၤခီၣ်က့ၤနၤဘၣ်အဃိန့ၣ်လီၤ.

၁ တံၤမသ့း 6:8

မ့မ့ၢ်ဒ်န့ၣ်ဒီး, ပမ့ၢ်အိၣ်ဒီးတၢ်အီၣ်တၢ်အီဒီးတၢ်ကူတၢ်ကၤတဖၣ် ဒီးပကြၢးသူၣ်မံသးမံလံလီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

လံာ်နီၢ်ရူၤသး 1:5

စီၤမၤဃလိၣ်ဒီးစီၤကံးလယိၣ်သံဝဲ, ဒီးနီၢ်နၤဧမံဘၣ်အိၣ် လီၤတဲာ်ထဲတဂၤဧိၤ, လၢအဖိခွါခံဂၤဒီးအဝၤတအိၣ်လၢၤ ဘၣ်အလီၢ်ခံန့ၣ်လီၤ.

လံာ်နီၢ်ရူၤသး 1:7

ဒီးဟးထီၣ်သကိးဝဲဒီးက့ၤကဒါက့ၤဆူကီၢ်ယူဒၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:21

ယွၤဆိၣ်ဂ့ၤတ့ၢ်နီၢ်ဃးနၤဒီးအဝဲအိၣ်ဒီးအဖိခွါဆူညါသၢဂၤဒီးဖိမုၣ်ခံဂၤလီၤ. ဖိသၣ်ၡမူၤအ့လးဒိၣ်ထီၣ်လၢတၢ်မၤယွၤအတၢ်မၤအပူၤလီၤ.