လံာ်နီၢ်ရူၤသး 1:5 - Sgaw Karen Common Bible

⁵ စီၤမၤဃလိၣ်ဒီးစီၤကံးလယိၣ်သံဝဲ, ဒီးနီၢ်နၤဧမံဘၣ်အိၣ် လီၤတဲာ်ထဲတဂၤဧိၤ, လၢအဖိခွါခံဂၤဒီးအဝၤတအိၣ်လၢၤ ဘၣ်အလီၢ်ခံန့ၣ်လီၤ.

လံာ်နီၢ်ရူၤသး 1:5 Iomraidhean Croise

လံာ်ယၡါယၤ 49:21

ဒီးနကစံးလၢနသးကံၢ်ပူၤ, မတၤဆံးစၢ်ထီၣ်ဖိသၣ်တဖၣ်အံၤလၢယဂီၢ်န့ၣ်လဲၣ်. ယဖိတဖၣ်လီၤမၢ်ကွံာ်ဒီး ယမၤန့ၢ်ကဒီးယဖိတသ့လၢၤဘၣ်. ယဘၣ်တၢ်ပာ်တ့ၢ်ယၤထဲတဂၤဧိၤလီၤ. ယဘၣ်တၢ်စိာ်မၢကဲကုၢ်ယၤဒီးနီၣ်ဟးထီၣ်ကွံာ်ယၤလီၤ. မတၤဒုးဒိၣ်ထီၣ်ဖိသၣ်တဖၣ်အံၤန့ၣ်လဲၣ်. ဖိသၣ်တဖၣ်အံၤဟဲလၢလဲၣ်တခီလဲၣ်.”

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်လူၤကၣ် 7:12

ဖဲအဝဲဒၣ်လဲၤတုၤဝ့ၢ်အကျဲစၢၤန့ၣ်, ပှၤတဖုလၢအကလဲၤခူၣ်လီၤပှၤသံဟဲဟးထီၣ်ဝဲဒၣ်လီၤ. ပှၤလၢအသံတဂၤန့ၣ်မ့ၢ်ဝဲပိာ်မုၣ်လၢအမ့ၢ်မုၣ်ကမဲတဂၤ အဖိခွါထဲတဂၤဧိၤန့ၣ်လီၤ. ဒီးပှၤဂီၢ်မုၢ်ဖးဒိၣ်လၢဝ့ၢ်အဝဲန့ၣ်အပူၤ အိၣ်ဝဲဒီးမုၣ်ကမဲတဂၤန့ၣ်လီၤ.

လံာ်သိၣ်လီၤသီလီၤတၢ် 32:39

ယၤ, ဒီးထဲယၤတဂၤဧိၤ, မ့ၢ်ကစၢ်ယွၤန့ၣ်လီၤ. ကစၢ်အဂၤန့ၣ်တမ့ၢ်တတီနီတဂၤဘၣ်. ယမၤသံတၢ်ဒီးယဟ့ၣ်တၢ်မူ, ယမၤဘၣ်ဒိတၢ်ဒီးယမၤဘျါက့ၤတၢ်, ဒီးတၢ်လၢယမၤအီၤန့ၣ်ပှၤထီဒါတသ့နီတဂၤဘၣ်.

လံာ်နီၢ်ရူၤသး 1:2

လၢတၢ်အံၤအဃိပှၤအိၣ်ဝဲတဂၤလၢဝ့ၢ်ဘ့ၤသလ့ဃ့ၣ်လၢကီၢ်ယူဒၤ အပူၤန့ၣ်, လဲၤဆူကီၢ်မိၤအးဃုာ်ဒီးအမါဒီးအဖိခွါခံဂၤဒ်သိးအကလဲၤ အိၣ်ဝဲတစိၢ်တလီၢ်အဂီၢ်န့ၣ်လီၤ. ပှၤတဂၤအံၤအမံၤမ့ၢ်ဝဲစီၤအလံၤမ့လ့း, အမါအမံၤမ့ၢ်နီၢ်နၤဧမံ, ဒီးအဖိခွါခံဂၤန့ၣ်, မ့ၢ်စီၤမၤဃလိၣ်ဒီးစီၤကံးလယိၣ်န့ၣ်လီၤ. အဝဲသ့ၣ်တဖၣ်န့ၣ်ဘၣ်ဃးဒီးပှၤအ့ဖရးသးဖိအဒူၣ်အထၢလီၤ.

လံာ်နီၢ်ရူၤသး 1:4

အဝဲသ့ၣ်ဟံးန့ၢ်အမါလၢပှၤမိၤအးမုၣ်, တဂၤန့ၣ်အမံၤလၢနီၢ် ဧိးရပၤဒီးအဂၤတဂၤမ့ၢ်နီၢ်ရူၤသးလီၤ. ဖဲအဝဲသ့ၣ်အိၣ်ဝဲဖဲန့ၣ်အနံၣ်တဆံဝံၤအလီၢ်ခံန့ၣ်,

လံာ်နီၢ်ရူၤသး 1:6

ဖဲအအိၣ်ဒံးဝဲဖဲကီၢ်မိၤအးအပူၤန့ၣ်, နီၢ်နၤဧမံနၢ်ဟူဝဲ လၢယွၤဆိၣ်ဂ့ၤအပှၤဂီၢ်မုၢ်ဒီးဟ့ၣ်အဝဲသ့ၣ်လၢတၢ်အီၣ်တၢ်အီအ ဃိ, ကတဲာ်ကတီၤအသးဒ်သိးကဟးထီၣ်ကွံာ်လၢကီၢ်မိၤအး အပူၤဃုာ်ဒီးအဒဲၣ်တဖၣ်န့ၣ်လီၤ.