လံာ်နီၢ်ရူၤသး 1:22 - Sgaw Karen Common Bible

²² တၢ်အံၤမ့ၢ်နီၢ်နၤဧမံအတၢ်ဟဲက့ၤကဒါက့ၤလၢကီၢ်မိၤအး, ဃုာ်ဒီးအဒဲၣ်မုၣ်နီၢ်ရူၤသးလၢအမ့ၢ်ပှၤမိၤအးမုၣ်, ဒ်လဲၣ်န့ၣ်လီၤ. အဝဲသ့ၣ်ဟဲက့ၤတုၤလၢဝ့ၢ်ဘ့ၤသလ့ဃ့ၣ်ဖဲတၢ်ကူးသီဘုမုယီၤအကတီၢ်န့ၣ်လီၤ.

လံာ်နီၢ်ရူၤသး 1:22 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 21:9

စီၤဒၤဝံးဟ့ၣ်လီၤအဝဲသ့ၣ်ဆူကံးဘိၣ်အပှၤဂီၢ်မုၢ်အစုပူၤ, လၢအစၢသံကွံာ်အဝဲသ့ၣ်လၢကစၢၢ်ဒီခိၣ်လၢယွၤအမဲာ်ညါန့ၣ် လီၤ. ဒီးအဝဲသ့ၣ်နွံဂၤလိာ်သံဝဲတပူၤဃီန့ၣ်လီၤ. တၢ်န့ၣ်မ့ၢ်ဖဲတၢ်မဲထီၣ်သီအကတီၢ်ကလၢာ်အဆၢဒီးတၢ်စးထီၣ်ကူး ဘုမုယီၤအကတီၢ်, ဖဲအဝဲသ့ၣ်ဘၣ်တၢ်မၤသံအီၤအခါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:11

ဒီးအဝဲဒၣ်ဘၣ်ပာ်ထီၣ်ဘုတကဒိၣ်န့ၣ်ဒ်တၢ်လုၢ်မၤဘူၣ်လီၤဆီ ဆူယွၤအအိၣ်လၢသုကဘၣ်တၢ်တူၢ်လိာ်သုအဂီၢ်န့ၣ်လီၤ. ပှၤလုၢ်တၢ်အခိၣ်ကလုၢ်ထီၣ်အီၤလၢမုၢ်အိၣ်ဘှံးနံၤဝံၤအလီၢ်ခံတနံၤန့ၣ်လီၤ.

လံာ်နီၢ်ရူၤသး 2:23

လၢတၢ်န့ၣ်အဃိ, နီၢ်ရူၤသးလဲၤမၤတၢ်ဃုာ်ဒီးအဝဲသ့ၣ်, ဒီးထၢဖှိၣ်ဘုစဲၤအိၣ်လီၤတဲာ်တဖၣ်တုၤဘုမုယီၤဒီးဘုကၠူၣ် ဘၣ်တၢ်ကူးအီၤဝံၤဝဲခဲလၢာ်တစုန့ၣ်လီၤ. ဒီးအဝဲအိၣ်ဆိးဒံးဝဲဒီးအမံၤပှၢ်ပိာ်မုၣ်န့ၣ်လီၤ.

လံာ်နီၢ်ရူၤသး 2:6

ပှၤတဂၤန့ၣ်စံးဆၢအီၤ, “အဝဲမ့ၢ်ပှၤမိၤအးမုၣ်ဖိတဂၤလၢအဟဲက့ၤဒီး နီၢ်နၤဧမံလၢကီၢ်မိၤအးန့ၣ်လီၤ.