လံာ်နီၢ်ရူၤသး 1:20 - Sgaw Karen Common Bible

²⁰ အဝဲစံးဆၢဝဲ, “တဘၣ်ကိးယၤလၢနီၢ်နၤဧမံလၢအမ့ၢ်ပှၤလၢ အသူၣ်ဖှံသးညီတဂ့ၤ. ကိးယၤလၢနီၢ်မၤရၤလၢအမ့ၢ်ပှၤလၢအသူၣ်အုးသးအုး, မ့ၢ်လၢသ့တၢ်လၢာ်ကစၢ်ယွၤမၤဆါယၤနးနးကလဲာ်လံအဃိတက့ၢ်.

လံာ်နီၢ်ရူၤသး 1:20 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 43:14

မ်သ့တၢ်လၢာ်ကစၢ်ယွၤထိးဘၣ်ပှၤတဂၤန့ၣ်အသးဒ်သိးကသးကညီၤသု တုၤလၢကဟ့ၣ်ကဒါက့ၤစီၤဘံၣ်ယၤမံၣ်ဒီးသုဒီပုၢ်ဝဲၢ်ခွါအဂၤ တဂၤဆူသုအိၣ်န့ၣ်တက့ၢ်. မ့မ့ၢ်လၢယဂီၢ်တခီယမ့ၢ်ဘၣ်ခီၣ်ဆူကွံာ်ယဖိတဖၣ်ဒီးယကဘၣ်ခီၣ် ဆူကွံာ်လီၤ.”

လံာ်စီၤယိၤဘး 11:7

မ့ၢ်နဃုထံၣ်သ့ၣ်ညါသ့တၢ်လၢာ်ကစၢ်ယွၤအတၢ်ဒိၣ်ဝဲထီဝဲ ဒီးအစိအကမီၤဘၣ်ကသ့ဧါ.

လံာ်စီၤယိၤဘး 19:6

မ့ၢ်သုတထံၣ်လၢကစၢ်ယွၤမၤတ့ၢ်တၢ်အံၤန့ၣ်ဘၣ်ဧါ. အဝဲပာ်လီၤပျံၤသကွီၤလၢကဖီၣ်န့ၢ်ယၤလီၤ.

လံာ်စီၤယိၤဘး 5:17

ပှၤလၢကစၢ်ယွၤသိၣ်က့ၤသီက့ၤအီၤန့ၣ်ဘၣ်ဆိၣ်ဂ့ၤဝဲလီၤ. ဒီးတုၤသ့တၢ်လၢာ်ကစၢ်ယွၤသိၣ်ဃီၣ်နၤန့ၣ်သူၣ်ဒိၣ်သးဖျိးတ ဂ့ၤ.

လံာ်စီၤယိၤဘး 6:4

သ့တၢ်လၢာ်အကစၢ်ယွၤခးတ့ၢ်လံယၤလၢအပျၢ်တဖၣ်ဒီး အစုၣ်ထီၣ်ပှဲၤလၢယပူၤန့ၣ်လီၤ. ကစၢ်ယွၤအတၢ်မၤပျံၤမၤ ဖုးတဖၣ်ရဲၣ်လီၤအသးထီဒါယၤလီၤ.

လံာ်စီၤယိၤဘး 9:18

အဝဲတပျဲယချူးန့ၢ်ယတၢ်သါဒီးမၤပှဲၤတ့ၢ်လံယတၢ်အိၣ်မူ လၢတၢ်နးတၢ်ဖှီၣ်နးနးကလဲာ်လံန့ၣ်လီၤ.

စံးထီၣ်ပတြၢၤ 73:14

ကစၢ်ယွၤဧၢ, ကိးမုၢ်နံၤဒဲးန့ၣ် နဒုးတူၢ်ဘၣ်ယၤတၢ်, ကိးမုၢ်ဂီၤဒဲးနစံၣ်ညီၣ်ယၤလီၤ.

စံးထီၣ်ပတြၢၤ 88:15

လၢယဖိၣ်သၣ်ခွါထီၣ်လံၤလံၤဒၣ်လဲာ်, ယဘၣ်တ့ၢ်လံ တၢ်နးတၢ်ဖှီၣ်ဒီးဘူးလၢယကသံန့ၣ်လီၤ. ယလီၤဘှံးတ့ၢ်လံယဲလၢနတၢ်သိၣ်ဃီၣ်တဖၣ် အတၢ်ဝံတၢ်ယိးအဃိန့ၣ်လီၤ.

လံာ်တၢ်ဟးထီၣ်ကွံာ် 15:23

အန့ၣ်ဝံၤဒီးအဝဲသ့ၣ်တုၤမၤရၤန့ၣ်လီၤ. ဘၣ်ဆၣ်ထံအိၣ်ဖဲတၢ် အလီၢ်န့ၣ်ခၣ်ဝဲတုၤဒၣ်လဲာ်အဝဲသ့ၣ်အီဝဲတန့ၢ်ဘၣ်န့ၣ်လီၤ. လၢတၢ်န့ၣ်အဃိတၢ်လီၢ်န့ၣ်ဘၣ်တၢ်ကိးအီၤလၢမၤရၤန့ၣ်လီၤ.

လံာ်တၢ်ဟးထီၣ်ကွံာ် 6:3

ယလီၣ်ဖျါထီၣ်တ့ၢ်ယသးဆူစီၤအၤဘြၤဟၣ်, စီၤအံၤစဲးဒီး စီၤယၤကိာ်ဒ်သ့တၢ်လၢာ်ကစၢ်ယွၤအသိးန့ၣ်လီၤ. ဘၣ်ဆၣ်ဒီးယတဒုးသ့ၣ်ညါယသးလၢအဝဲသ့ၣ်ခီဖျိယမံၤစီဆှံ, ယွၤန့ၣ်ဘၣ်.

လံာ်ယၡါယၤ 38:13

ဒီနၤညါန့ၣ်, ယကိးထီၣ်လၢတၢ်ဆူးတၢ်ဆါအပူၤ, မၤသးဒ်သိးခ့ယုၢ်တဒုမၤကၢ်ယဃံယကွဲတဖၣ်န့ၣ်လီၤ. ယဆိကမိၣ်တ့ၢ်လၢကစၢ်ယွၤမၤကတၢၢ်ယတၢ်အိၣ်မူလံန့ၣ်လီၤ.

ဧ့ၤဘြံၤ 12:11

ဖဲပဘၣ်တၢ်သိၣ်ဃီၣ်ပှၤအဆၢကတီၢ်န့ၣ်တလီၤဂာ်ဘၣ် ပှၤလၢတၢ်သးခုဘၣ်, မ့မ့ၢ်တၢ်သးအုးလီၤ. ဘၣ်ဆၣ်ဒီး လၢခံက့ၤန့ၣ်, ပှၤလၢအဘၣ်တၢ်သိၣ်ဃီၣ်ညီနုၢ်အီၤတဖၣ် န့ၣ်, သၣ်ထီၣ်ဝဲလၢတၢ်တီတၢ်လိၤအတၤသၣ်လၢအဘၣ် ဃးဒီးတၢ်ဃူတၢ်ဖိးလီၤ.

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 21:22

လၢဝ့ၢ်ပူၤန့ၣ်ယတထံၣ်တၢ်လုၢ်ဟံၣ်နီတဖျၢၣ်ဘၣ်. အဂ့ၢ်ဒ်အံၤ, အတၢ်လုၢ်ဟံၣ်မ့ၢ်ဝဲသ့တၢ်လၢာ်ကစၢ်ယွၤ ဒီးသိဖိတဒုန့ၣ်လီၤ.