လံာ်နီၢ်ရူၤသး 1:2 - Sgaw Karen Common Bible

² လၢတၢ်အံၤအဃိပှၤအိၣ်ဝဲတဂၤလၢဝ့ၢ်ဘ့ၤသလ့ဃ့ၣ်လၢကီၢ်ယူဒၤ အပူၤန့ၣ်, လဲၤဆူကီၢ်မိၤအးဃုာ်ဒီးအမါဒီးအဖိခွါခံဂၤဒ်သိးအကလဲၤ အိၣ်ဝဲတစိၢ်တလီၢ်အဂီၢ်န့ၣ်လီၤ. ပှၤတဂၤအံၤအမံၤမ့ၢ်ဝဲစီၤအလံၤမ့လ့း, အမါအမံၤမ့ၢ်နီၢ်နၤဧမံ, ဒီးအဖိခွါခံဂၤန့ၣ်, မ့ၢ်စီၤမၤဃလိၣ်ဒီးစီၤကံးလယိၣ်န့ၣ်လီၤ. အဝဲသ့ၣ်တဖၣ်န့ၣ်ဘၣ်ဃးဒီးပှၤအ့ဖရးသးဖိအဒူၣ်အထၢလီၤ.

လံာ်နီၢ်ရူၤသး 1:2 Iomraidhean Croise

လံာ်တၢ်ကဲထီၣ်အခီၣ်ထံး 35:19

ဖဲနီၢ်ရၤဃ့လးသံဝဲန့ၣ်, ဘၣ်တၢ်ခူၣ်လီၤအီၤဖဲကျဲလဲၤဆူ ဝ့ၢ်အ့ဖရးသးအကပၤလၢခဲအံၤဘၣ်တၢ်သ့ၣ်ညါအီၤလၢဝ့ၢ်ဘ့ၤသလ့ ဃ့ၣ်န့ၣ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်ပှၤစံၣ်ညီၣ်ကွီၢ် 17:7

ဒီးလၢတကတီၢ်ဃီန့ၣ်ပှၤလ့ၤဝံသးစၢ်အိၣ်ဝဲတဂၤ လၢဝ့ၢ်ဘ့ၤသလ့ဃ့ၣ်ကီၢ်ယူဒၤအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 3:30

ဒီးလၢနံၤအဝဲန့ၣ်ပှၤအံၣ်စရ့လးဖိမၤနၢၤကွံာ်ပှၤမိၤအးဖိ ဒီးဖဲန့ၣ်တၢ်မုာ်တၢ်ခုၣ်အိၣ်လၢကီၢ်အပူၤအနံၣ်ဃိးဆံန့ၣ်လီၤ.

လံာ်နီၢ်ရူၤသး 1:3

ဖဲအဝဲသ့ၣ်အိၣ်ဝဲလၢကီၢ်မိၤအးအဖၢမုၢ်, စီၤအလံၤမ့လ့းသံ ဝဲ, ဒီးနီၢ်နၤဧမံဘၣ်အိၣ်လီၤတဲာ်ဒီးအဖိခွါခံဂၤန့ၣ်လီၤ.

လံာ်နီၢ်ရူၤသး 1:5

စီၤမၤဃလိၣ်ဒီးစီၤကံးလယိၣ်သံဝဲ, ဒီးနီၢ်နၤဧမံဘၣ်အိၣ် လီၤတဲာ်ထဲတဂၤဧိၤ, လၢအဖိခွါခံဂၤဒီးအဝၤတအိၣ်လၢၤ ဘၣ်အလီၢ်ခံန့ၣ်လီၤ.

လံာ်နီၢ်ရူၤသး 2:1

နီၢ်နၤဧမံအိၣ်ဒီးအဘူးအတံၢ်လၢအမံၤမ့ၢ်စီၤဘိၤဧး, ပှၤဘၣ်ထွဲဒီးအဝၤစီၤအလံၤမ့လ့းအဒူၣ်ဖိထၢဖိတဂၤန့ၣ်လီၤ. အဝဲမ့ၢ်ပှၤထူးပှၤတီၤလၢအအိၣ်ဒီးအစိအကမီၤန့ၣ်လီၤ.

လံာ်နီၢ်ရူၤသး 4:9

အန့ၣ်ဝံၤဒီးစီၤဘိၤဧးတဲဘၣ်ပှၤအခိၣ်အနၢ်တဖၣ်ဒီးပှၤအဂၤလၢ အအိၣ်ဖဲန့ၣ်ခဲလၢာ်ဒီးစံးဝဲ, “သုမ့ၢ်ပှၤအုၣ်အသးတဖၣ်လၢမုၢ်တနံၤအံၤလၢယမ့ၢ်တ့ၢ်လံပှၤ ပှ့ၤက့ၤကယဲၢ်တၢ်ဘၣ်ဃးဒီးစီၤအလံၤမ့လ့း, စီၤကံးလယိၣ်ဒီးစီၤမၤဃလိၣ်လၢနီၢ်နၤဧမံအစုပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:1

ပှၤအိၣ်ဝဲတဂၤအမံၤလၢစီၤအ့လကါနၤလီၤ. အဝဲမ့ၢ်ပှၤအ့ဖရဲၣ်အဒူၣ် ဒီးအိၣ်ဝဲလၢဝ့ၢ်ရၤမါလၢကစၢၢ်ကလိအဝ့ၢ်အ့ဖရဲၣ်န့ၣ်လီၤ. အဝဲမ့ၢ်စီၤအလံဟူၤအလံၤခွါဒီးစီၤယဟိရၣ်အဖိခွါဒီးဘၣ် ဃးလၢစီၤတိဟူၤအဟံၣ်ဖိဃီဖိဒီးမ့ၢ်ပှၤလၢစီၤစူာ်အဒူၣ်ထၢ တဒူၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:12

စီၤဒၤဝံးမ့ၢ်, ပှၤအ့ဖရၤသးဖိလၢဝ့ၢ်ဘ့ၤသလ့ဃ့ၣ်, ကီၢ်ယူဒၤအပူၤ, စီၤယံးၡဲအဖိခွါန့ၣ်လီၤ. စီၤယံးၡဲအဖိခွါအိၣ်ဃိးဂၤဒီးဖဲစီၤစီလူးကဲစီၤပၤ န့ၣ်, စီၤယံးၡဲမ့ၢ်ပှၤသးပှၢ်တဂၤလံန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:21

ပှၤဖလ့ၡသးဖိဒီးပှၤအံၣ်စရ့လးဖိအသုးမုၢ်တဖၣ်ဟံးန့ၢ်တၢ်လီၢ်တၢ်ကျဲလၢ ကဒုးတၢ်ယၤတၢ်အဂီၢ်ဒီးကွၢ်ဆၢၣ်မဲာ်လိာ်အသး လီၤ.