လံာ်နီၢ်ရူၤသး 1:19 - Sgaw Karen Common Bible

¹⁹ အဝဲသ့ၣ်ခံဂၤလဲၤသကိးတၢ်တုၤအလဲၤတုၤဝ့ၢ်ဘ့ၤသလ့ဃ့ၣ်န့ၣ် လီၤ. ဖဲအလဲၤတုၤဝဲန့ၣ်, ပှၤဝ့ၢ်ဖိခဲလၢာ်အိၣ်ဒီးတၢ်သူၣ်ပိၢ်သးဝးန့ၣ်လီၤ. ဒီးပှၤပိာ်မုၣ်တဖၣ်စံးဝဲ, “အဝဲအံၤမ့ၢ်နီၢ်နၤဧမံန့ၣ်ဧါ.”

လံာ်နီၢ်ရူၤသး 1:19 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 2:51

အဖိခွါခံဂၤတဂၤစီၤစၤလမၤသူၣ်ထီၣ်ဘ့ၤသလ့ဃ့ၣ်, ဒီးအဖိခွါသၢဂၤတဂၤစီၤဃၤရၣ်သူၣ်ထီၣ်ဘ့ၤသကၤဒ့ၢ်န့ၣ်လီၤ.

လံာ်ယၡါယၤ 23:7

တၢ်အံၤမ့ၢ်ဝ့ၢ်လၢပျၢၤ, ဝ့ၢ်ထါယၢၣ်လၢအပှဲၤဒီးတၢ်သးခုဘၣ်ကသ့ဧါ. အဝဲအံၤမ့ၢ်ဝ့ၢ်လၢအဆှၢလီၤပှၤလၢအခီ ဂာ်ပီၣ်လဲၣ်လၢကလဲၤနုာ်လီၤအိၣ်ဆိး ဒီးဒုးကဲထီၣ်ပှၤထံပှၤကီၢ်လၢအထံအကီၢ်န့ၣ်ဧါ.

လံာ်သးသယုၢ်တၢ် 2:15

ပှၤဂီၢ်မုၢ်လဲၤတြုာ်ဘၣ်ဖဲဝ့ၢ်အဃၢၤတဖၣ်ကွၢ်ဃီၤနၤလၢတၢ်ဒုၣ် ဒွဲၣ်အပူၤလီၤ. အဝဲသ့ၣ်ကျၢၢ်ကျာ်အခိၣ်တဖၣ်ဒီးနံၤဘၣ်ဖၣ်လဲဝ့ၢ်ယရူၤၡလ့ၣ်အတၢ် ဟးဂီၤတဖၣ်ဒီးစံး “တၢ်အံၤမ့ၢ်ဝ့ၢ်အဃံအလၤန့ၣ်ဧါ. တၢ်အံၤမ့ၢ်ဟီၣ်ခိၣ်ချၢ အတၢ်ပာ်ကဖၢလၢသးန့ၣ်ဧါ.”

လံာ်မးသဲ 21:10

တုၤယ့ၣ်ၡူးလဲၤနုာ်ဆူဝ့ၢ်ယရူၤၡလ့ၣ်အပူၤဒီး, တၢ်တၢထီၣ်တၢလီၤဒီဝ့ၢ်ညါဒီးပှၤဝ့ၢ်ဖိတဖၣ်သံကွၢ်တၢ်ဒီး စံး, “ပှၤအံၤမ့ၢ်မတၤလဲၣ်.”

လံာ်နီၢ်ရူၤသး 1:20

အဝဲစံးဆၢဝဲ, “တဘၣ်ကိးယၤလၢနီၢ်နၤဧမံလၢအမ့ၢ်ပှၤလၢ အသူၣ်ဖှံသးညီတဂ့ၤ. ကိးယၤလၢနီၢ်မၤရၤလၢအမ့ၢ်ပှၤလၢအသူၣ်အုးသးအုး, မ့ၢ်လၢသ့တၢ်လၢာ်ကစၢ်ယွၤမၤဆါယၤနးနးကလဲာ်လံအဃိတက့ၢ်.

လံာ်နီၢ်ရူၤသး 2:6

ပှၤတဂၤန့ၣ်စံးဆၢအီၤ, “အဝဲမ့ၢ်ပှၤမိၤအးမုၣ်ဖိတဂၤလၢအဟဲက့ၤဒီး နီၢ်နၤဧမံလၢကီၢ်မိၤအးန့ၣ်လီၤ.