လံာ်နီၢ်ရူၤသး 1:17 - Sgaw Karen Common Bible

¹⁷ ဖဲနသံတပူၤလၢ်လၢ်ယကသံယဲ, ဒီးယကဘၣ်တၢ်ခူၣ်လီၤကွံာ်ယၤဖဲ န့ၣ်လီၤ. ယမ့ၢ်လဲၤသဒၣ်နၤ, မ့တမ့ၢ်ဘၣ်လၢတၢ်သံမၤလီၤဖးယၤဒီးနၤန့ၣ် မ်ယွၤအတၢ်စံၣ်ညီၣ်လီၤဘၣ်ယၤ, ဒီးအါန့ၢ်အန့ၣ်တက့ၢ်.”

လံာ်နီၢ်ရူၤသး 1:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:21

ဘၣ်ဆၣ်ဒီးစီၤအံတဲၤစံးဆၢဝဲဒၣ်, “နဲဒၣ်, တၢ်ဒိၣ်ကစၢ်စီၤပၤဧၢ, ယဆိၣ်တၢ်ဒီးနၤလၢယွၤအမံၤအပူၤလၢထီဘိယကလဲၤတၢ်ဒီးနၤဖဲ နလဲၤတၢ်တပူၤလၢ်လၢ်, လၢတၢ်မူအပူၤမ့ၢ်ဂ့ၤ, လၢတၢ်သံအပူၤမ့ၢ်ဂ့ၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 19:13

စီၤဒၤဝံးတဲဘၣ်စ့ၢ်ကီးအဝဲသ့ၣ်လၢကစံးဘၣ်စီၤဧမါစၤဒ် အံၤ, “နမ့ၢ်ယဘူးယတံၢ်လီၤ. စးထီၣ်ခဲအံၤဒီးဆူညါန့ၣ်ယပာ်ထီၣ် နၤဒ်သုးခိၣ်ကျၢၢ်လၢသုးမုၢ်အဖီခိၣ်လၢစီၤယိၤအာ်အလီၢ်လီၤ. ယမ့ၢ်တမၤဒ်န့ၣ်ဘၣ်ဒီး, မ်ကစၢ်ယွၤမၤသံတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:35

ဒီတနံၤညါန့ၣ်ပှၤဂီၢ်မုၢ်ကျဲးစၢးဝဲဒ်သိးစီၤဒၤဝံးကအီၣ် တၢ်တမံၤမံၤဘၣ်ဆၣ်အဝဲမၤတၢ်ဆိၣ်သညူးသပှၢ်တမံၤ, “ယမ့ၢ်အီၣ်တၢ်တမံၤမံၤတချုးမုၢ်လီၤနုာ်န့ၣ်မ်ကစၢ်ယွၤ မၤသံယၤတက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 3:9

ယွၤအၢၣ်လီၤတ့ၢ်စီၤဒၤဝံးလၢအဝဲကဟံးထီၣ်ကွံာ်ဘီမုၢ်လၢ စီၤစီလူးဒီးအစၢၤအသွဲၣ်တဖၣ်အစုပူၤဒီးကဒုးကဲထီၣ်စီၤဒၤ ဝံးလၢစီၤပၤလၢကီၢ်အံၣ်စရ့လးဒီးကီၢ်ယူဒၤခံဘ့ၣ်လိာ်အဖီ ခိၣ်စးထီၣ်လၢကီၢ်ဆၢအကတၢၢ်တခီတုၤဆူကီၢ်ဆၢအဂၤတခီ အကတၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 13:31

တုၤတၢ်ခူၣ်လီၤဘါလီၤဝံၤအလီၢ်ခံန့ၣ်, ဝံသးပှၢ်စံးဘၣ်အဖိ ခွါတဖၣ်, “တုၤယသံန့ၣ်, ခူၣ်လီၤကွံာ်ယၤလၢတၢ်သွၣ်ခိၣ်အံၤအပူၤဒီးပာ် လီၤယစိၣ်လၢအဝဲအကပၤန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 19:2

နီၢ်အံၤစ့ဘ့ၤလးဆှၢဃီၤတၢ်ကစီၣ်တမံၤဆူစီၤအ့ၤလံယၤအအိၣ် ဒီးစံးဝဲ, “ယမ့ၢ်တမၤဘၣ်တၢ်တမံၤဃီဆူနၤဒ်နမၤတ့ၢ်ဘဧၤလးအဝံတဖၣ်အသိး န့ၣ်ဘၣ်ဒီးခဲမုၢ်ဆ့ၣ်တုၤတၢ်ဆၢကတီၢ်ဒ်အံၤန့ၣ်မ်ကစၢ်တဖၣ်မၤ သံကွံာ်ယၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 2:23

အန့ၣ်ဒီး, စီၤၡလိၤမိၤမၤတၢ်အၢၣ်လီၤသမှံၤသပှၢ်တမံၤလၢယွၤ အမံၤအပူၤစံးဝဲ, “ယမ့ၢ်တမၢဘၣ်စီၤအဒိနံၤယၤလၢအက ဟ့ၣ်အသးသမူဒ်တၢ်အပှ့ၤလၢအဃ့ဝဲတမံၤအဃိဘၣ်ဒီး, မ်ကစၢ်ယွၤမၤသံယၤတက့ၢ်.

လံာ်စီၤပၤအခီၣ်ထံးတဘ့ၣ် 20:10

လၢစီၤပၤဘ့ၣ်ဟဒးအအိၣ်စံးဝဲ, “ယကဟဲကိးပှၤလၢလၢလီၣ်လီၣ် လၢကမၤဟးဂီၤသုဝ့ၢ်အံၤတုၤအစိာ်ထီၣ်ကွံာ်ဒၣ်လဲာ်လၢၢ်အက့ အခီတဖၣ်လၢအစုပူၤန့ၣ်လီၤ. ယမ့ၢ်တမၤဒ်န့ၣ်ဘၣ်ဒီးမ်ကစၢ်တဖၣ်တီၢ်ယၤလၢတၢ်သံတက့ၢ်.”

လံာ်စီၤပၤခံဘ့ၣ်တဘ့ၣ် 6:31

အဝဲကိးထီၣ်ဝဲဒၣ်, “စီၤအလံၤၡါအခိၣ်, မ့ၢ်တဘၣ်တၢ်ဒီၣ်တဲာ် အီၤတချုးမုၢ်တနံၤအံၤလၢာ်ဘၣ်န့ၣ်, မ်ယွၤမၤသံယၤန့ၣ်တ က့ၢ်.”

စံးထီၣ်ပတြၢၤ 45:10

ဖိမုၣ်ဧၢ, ဒိကနၣ်, ဆိကမိၣ်ဒီးဒိးနနၢ်, သးပ့ၤနီၣ်နပှၤဂီၢ်မုၢ်ဒီးနပၢ်အဟံၣ်တက့ၢ်.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

လံာ်နီၢ်ရူၤသး 1:16

ဘၣ်ဆၣ်နီၢ်ရူၤသးစံးဆၢဝဲ, “တဘၣ်ဃ့ကညးယၤလၢယက လဲၤသဒၣ်နၤအဂီၢ်မ့ၢ်ဂ့ၤ, ယသုတပိာ်နခံအဂီၢ်မ့ၢ်ဂ့ၤန့ၣ်တ ဂ့ၤ. ဖဲနလဲၤတပူၤလၢ်လၢ်ယကလဲၤယဲ, ဖဲနအိၣ်တပူၤလၢ်လၢ် ယကအိၣ်ယဲ, နပှၤကလုာ်ကမ့ၢ်ဝဲဒၣ်ယပှၤကလုာ်, ဒီးနကစၢ်ယွၤကမ့ၢ်ဝဲယကစၢ်ယွၤန့ၣ်လီၤ.

လံာ်နီၢ်ရူၤသး 4:15

နဒဲၣ်မုၣ်အဲၣ်နၤဒီးမၤတ့ၢ်လံတၢ်လၢနဂီၢ်အါန့ၢ်ဒံးဖိခွါ နွံဂၤန့ၣ်လီၤ. ဒီးခဲအံၤအဝဲဟ့ၣ်လံနၤနလံၤခွါတဂၤလၢ အကဟဲစိာ်န့ၢ်နၤတၢ်အိၣ်မူအသီဒီးဟ့ၣ်နၤတၢ်ဘံၣ်တၢ်ဘၢ နသးပှၢ်အကတီၢ်န့ၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 14:44

စီၤစီလူးစံးဘၣ်အီၤ, “နမ့ၢ်တဘၣ်တၢ်မၤသံနၤဒီးမ်ကစၢ် ယွၤတီၢ်ယၤတုၤယသံတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 20:13

အဝဲမ့ၢ်တိာ်သူၣ်ပာ်သးလၢကမၤဆါနၤဒီး, ယမ့ၢ်တဒုးသ့ၣ်ညါနၤလၢတၢ်ဂ့ၢ်အံၤဒီးမၤပူၤဖျဲးနၤန့ၣ်, မ်ယွၤတီၢ်သံကွံာ်ယၤတက့ၢ်. မ်ယွၤအိၣ်ဒီးနၤဒ်အအိၣ်တ့ၢ် လံဒီးယပၢ်အသိးန့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 25:22

တချုးမုၢ်ဆ့ၣ်ထီၣ်အံၤန့ၣ်ယမ့ၢ်တမၤသံဘၣ်ပှၤပိာ်ခွါတဖၣ်အံၤ တုၤလၢအလီၢ်ခံကတၢၢ်တဂၤဘၣ်ဒီး မ်ကစၢ်ယွၤတီၢ်ယၤတုၤယသံတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 3:17

ဒီးစီၤဧ့လံၤသံကွၢ်ဝဲ, “ယွၤတဲနၤတၢ်မနုၤလဲၣ်. ပာ်ခူသူၣ်တၢ်လၢယၤနီတမံၤတဂ့ၤ. တၢ်လၢအဝဲစံးတ့ၢ်ဝဲန့ၣ် နမ့ၢ်တတဲယၤကိးမံၤဒဲးဒီးကစၢ်ယွၤကစံၣ်ညီၣ်နၤဆါဆါလီၤ.”