လံာ်နီၢ်ရူၤသး 1:13 - Sgaw Karen Common Bible

¹³ မ့ၢ်သုကအိၣ်ခိးတုၤအဒိၣ်ထီၣ်စ့ၢ်ကီးဧါ. မ့ၢ်သုကပၢၤသုသး လၢအဂီၢ်ဒီးတန့ၢ်ဝၤဘၣ်န့ၣ်ဧါ. ယဖိမုၣ်သ့ၣ်ဧၢ, တမ့ၢ်ဒ်န့ၣ်ဘၣ်. ယသးအုးဒိၣ်နီၢ်မးလၢသုဂီၢ်မ့ၢ်လၢယွၤဃၣ်အသးထီဒါယၤလံအဃိလီၤ.”

လံာ်နီၢ်ရူၤသး 1:13 Iomraidhean Croise

လံာ်တၢ်ကဲထီၣ်အခီၣ်ထံး 38:11

ဒီးစီၤယူဒၤစံးဘၣ်အဒဲၣ်မုၣ်နီၢ်တၤမၢ်, “က့ၤကဒါက့ၤဆူ နပၢ်အဟံၣ်ဒီးအိၣ်ဒံးဒ်မုၣ်ကမဲတဂၤအသိးတုၤယဖိခွါစီၤၡ့ လၤဒိၣ်ထီၣ်တက့ၢ်.” အဝဲစံးတၢ်အံၤ, မ့ၢ်လၢအပျံၤဝဲဒၣ်လၢ အဖိခွါစီၤၡ့လၤကဘၣ်တၢ်မၤသံအီၤဒ်အဝဲၢ်သ့ၣ်တဖၣ်အသိးအဃိ န့ၣ်လီၤ. လၢတၢ်န့ၣ်အဃိနီၢ်တၤမၢ်က့ၤကဒါက့ၤဆူအဟံၣ်န့ၣ် လီၤ.

လံာ်စီၤယိၤဘး 19:21

အိယတံၤသကိးသုဝဲသ့ၣ်ဧၢ, သူၣ်ကညီၤသးကညီၤယၤ, သူၣ်ကညီၤသးကညီၤယၤတက့ၢ်. အဂ့ၢ်ဒ်အံၤကစၢ်ယွၤ အစုဆီၣ်လီၤယၤလံ.

စံးထီၣ်ပတြၢၤ 32:4

ယွၤဧၢ, နသိၣ်ဃီၣ်ယၤလၢမုၢ်ဆါဒီးလၢမုၢ်နၤလီၤ. ယဂံၢ်ယဘါလၢာ်ကွံာ်လံလၢာ်လၢာ်ဆ့ဆ့ ဒ်တၢ်ဘၣ်စီၣ်ဃ့ထီကွံာ်ခီဖျိ တၢ်ကိၢ်ခါအတၢ်ကိၢ်အသိးန့ၣ်လီၤ. စ့လၤ

စံးထီၣ်ပတြၢၤ 38:2

နပျၢ်တဖၣ်ဆဲးဘၣ်ယၤ ဒီးနစုဒူၣ်မၤလီၤဃံၤတ့ၢ်လံယၤလံ.

လံာ်သိၣ်လီၤသီလီၤတၢ် 2:15

ယွၤထီဒါအဝဲသ့ၣ်တဘိယူၢ်ဃီ, တုၤလၢအဝဲမၤဟးဂီၤကွံာ်အဝဲ သ့ၣ်ခဲလၢာ်တစုန့ၣ်လီၤ.

လံာ်ပှၤစံၣ်ညီၣ်ကွီၢ် 2:15

ဖဲအဝဲသ့ၣ်လဲၤဒုးတၢ်တဘျီဘျီလၢ်လၢ်န့ၣ်, ယွၤထီဒါအဝဲသ့ၣ်, ဒ်အစံးတ့ၢ်ဝဲအသိးန့ၣ်လီၤ. ဒီးအဝဲသ့ၣ်အိၣ်လၢတၢ်သးဟးဂီၤဖးဒိၣ်အပူၤန့ၣ်လီၤ.

လံာ်နီၢ်ရူၤသး 1:12

က့ၤကဒါက့ၤ, ယဖိမုၣ်သ့ၣ်ဧၢ, ယသးပှၢ်ကဲၣ်ဆိးလၢယက န့ၢ်ကဒီးယဝၤတဘျီအဂီၢ်လီၤ. ယမ့ၢ်စံးလၢယအိၣ်ဒံးဒီးတၢ်မုၢ်လၢ်, ဒီးထံၣ်န့ၢ်ဝၤတနၤအံၤဒီးဆံးစၢ်န့ၢ်ဖိခွါတဖၣ်ဒၣ်လဲာ်,

လံာ်နီၢ်ရူၤသး 1:14

အန့ၣ်ဒီးအဝဲသ့ၣ်ဟီၣ်ကဒီးဝဲလၢအကလုၢ်ဖးဒိၣ်လီၤ. ဒီးနီၢ်ဧိးရပၤနၢမူအမံၤပှၢ်ပိာ်မုၣ်ဝံၤဒီးက့ၤကဒါက့ၤဆူ အဟံၣ်န့ၣ်လီၤ. မ့မ့ၢ်နီၢ်ရူၤသးန့ၣ်အိၣ်စဲဘူးအသးဒီးအီၤလီၤ.

လံာ်နီၢ်ရူၤသး 1:21

ဖဲယဟးထီၣ်လၢတၢ်လီၢ်အံၤအခါတၢ်အိၣ်ပှဲၤဒီးယၤ, ဘၣ်ဆၣ်ယွၤဒုးဟဲက့ၤယၤလၢတၢ်အိၣ်ကလီန့ၣ်လီၤ. ဘၣ်မနုၤလၢသုကိးယၤလၢနီၢ်နၤဧမံ, ဖဲယွၤသ့တၢ်လၢာ်ကစၢ်မၤကိၢ်မၤဂီၤယၤ ဒီးဒုးတူၢ်ယၤတၢ်နးတၢ်ဖှီၣ်န့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 5:11

မၤကဒီးတစု, အဝဲသ့ၣ်ကိးန့ၢ်ပှၤဖလ့ၡသးဖိအစီၤပၤတဖၣ်ဒီးစံးဝဲ, “ဆှၢက့ၤကီၢ်အံၣ်စရ့လးအတၢ်အၢၣ်လီၤအီလီၤအတလါစီဆှံဆူ အလီၢ်ဒၣ်ဝဲဒ်သိးအသုတမၤသံပှၤဒီးပဟံၣ်ဖိဃီဖိတဖၣ်တဂ့ၤန့ၣ် တက့ၢ်.” တၢ်လီၤပျံၤလီၤဖုးဖးဒိၣ်အိၣ်ဝဲသကုၤလၢဝ့ၢ်ပူၤလၢ ကစၢ်ယွၤစံၣ်ညီၣ်အဝဲသ့ၣ်နးနးကလဲာ်အဃိလီၤ.