ရိမ့ၤ 9:9 - Sgaw Karen Common Bible

⁹ အဂ့ၢ်ဒ်အံၤ, ကစၢ်ယွၤမၤတၢ်အၢၣ်လီၤအီလီၤခီဖျိတၢ်ကတိၤ တဖၣ်အံၤ, “ဖဲတၢ်ဆၢကတီၢ်ဘၣ်န့ၣ် ယကဟဲက့ၤကဒါ က့ၤဒီးနီၢ်စၤရါကအိၣ်ဒီးအဖိခွါတဂၤလီၤ” (ကဲထီၣ် ၁၈:၁၀, ၁၄).

ရိမ့ၤ 9:9 Iomraidhean Croise

လံာ်တၢ်ကဲထီၣ်အခီၣ်ထံး 17:21

ဘၣ်ဆၣ်ဒီး, ယကဟံးဃာ်ယတၢ်အၢၣ်လီၤအီလီၤဒီးနဖိခွါစီၤအံၤ စဲးလၢနီၢ်စၤရါကဆံးစၢ်န့ၢ်နၤလၢခဲကိာ်တနံၣ်ဖဲအကတီၢ်အံၤ န့ၣ်လီၤ.

လံာ်တၢ်ကဲထီၣ်အခီၣ်ထံး 18:10

ဒီးလၢအဝဲသ့ၣ်အကျါတဂၤစံးဝဲ, “စးထီၣ်ခဲအံၤဒီးဆူညါ ခွံလါန့ၣ်ယကဟဲက့ၤဒီးနမါနီၢ်စၤရါကအိၣ်ဒီးအဖိခွါတဂၤလီၤ.” နီၢ်စၤရါအိၣ်လၢအဝဲအလီၢ်ခံဖဲဒဲအတြဲၤဒီးဒိကနၣ်တၢ်လီၤ.

လံာ်တၢ်ကဲထီၣ်အခီၣ်ထံး 18:14

မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ.

မၤတၢ် 5:38

လၢတၢ်န့ၣ်အဃိ, ဘၣ်ဃးဒီးတၢ်ဂ့ၢ်ကဲထီၣ်အသးခဲကနံၣ်အံၤန့ၣ်, ယအဲၣ်ဒိးစံးဘၣ်သုဒ်သိးအံၤလီၤ. တဘၣ်မၤအဝဲသ့ၣ်လၢတၢ်နီတမံၤ တဂ့ၤ. ပျဲအဝဲသ့ၣ်အိၣ်ဒၣ်အတၢ်တက့ၢ်. အဂ့ၢ်ဒ်လဲၣ်န့ၣ်, အဝဲသ့ၣ်အတၢ်ကူၣ်တၢ်ဖး, အတၢ်ဖံးတၢ်မၤမ့မ့ၢ်တၢ်ဟဲလၢပှၤကညီဒီး, ကဟးဂီၤကွံာ်ဝဲဒၣ်လီၤ.

ဧ့ၤဘြံၤ 11:17

လၢတၢ်စူၢ်တၢ်နာ်စီၤအၤဘြၤဟၣ်ဖဲအဘၣ်တၢ်မၤကွၢ်အီၤန့ၣ်, လုၢ်ထီၣ်အဖိခွါစီၤအံၤစဲးန့ၣ်လီၤ. စီၤအၤဘြၤဟၣ်ဒိးန့ၢ်ဘၣ်တၢ်စံးပာ်လၢကစၢ်ယွၤဘၣ်ဆၣ်ဒီး အဝဲအိၣ်ကတဲာ်ကတီၤအသးလၢအကလုၢ်ထီၣ်အဖိခွါအိၣ်ထဲ တဂၤဃီအံၤန့ၣ်လီၤ.