ရိမ့ၤ 9:7 - Sgaw Karen Common Bible

⁷ ဒ်န့ၣ်အသိး, ပှၤလၢအဟဲလီၤစၢၤလၢစီၤအၤဘြၤဟၣ် တဖၣ်စ့ၢ်ကီးတမ့ၢ်ကစၢ်ယွၤအဖိခဲလၢာ်န့ၣ်ဘၣ်. ကစၢ်ယွၤ စံးဘၣ်စီၤအၤဘြၤဟၣ်, “နစၢၤနသွဲၣ်လၢယအၢၣ်လီၤနၤ တဖၣ်န့ၣ်ကမ့ၢ်ပှၤလၢအဟဲလီၤစၢၤလၢစီၤအံၤစဲးန့ၣ်လီၤ” (ကဲထီၣ်၂၁:၁၂).

ရိမ့ၤ 9:7 Iomraidhean Croise

လံာ်တၢ်ကဲထီၣ်အခီၣ်ထံး 21:12

ဒီးကစၢ်ယွၤစံးဘၣ်စီၤအၤဘြၤဟၣ်, “တဘၣ်ဘၣ်ယိၣ်တၢ်လၢဖိသၣ်ပိာ် ခွါဒီးနကုၢ်ပိာ်မုၣ်နီၢ်ဟၤကၢ်အဂီၢ်တဂ့ၤ. မၤဒ်တၢ်လၢနီၢ်စၤရါတဲဘၣ်နၤန့ၣ်တက့ၢ်. အဂ့ၢ်ဒ်အံၤ, နကမၤန့ၢ်နစၢၤနသွဲၣ်ဒ်ယအၢၣ်လီၤတ့ၢ်နၤအသိးခီ ဖျိစီၤအံၤစဲးန့ၣ်လီၤ.

လံာ်မးသဲ 3:9

တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

လံာ်လူၤကၣ် 16:30

ပှၤထူးပှၤတီၤစံးဆၢဝဲ, ‘ပၢ်အၤဘြၤဟၣ်ဧၢ, တၢ်န့ၣ်တလၢတပှဲၤဒံးဘၣ်. မ့ၢ်ပှၤတဂၤဂၤမ့ၢ်ဂဲၤဆၢထၢၣ်က့ၤလၢတၢ်သံဒီး လဲၤဆူအဝဲသ့ၣ်အအိၣ်န့ၣ်, အဝဲသ့ၣ်ကဃၣ်ကွံာ်အသးလၢအတၢ်ဒဲးဘးတဖၣ်လီၤ.’

လံာ်လူၤကၣ် 3:8

မၤတၢ်သ့ၣ်တဖၣ်လၢအကဒုးနဲၣ်ဖျါထီၣ်လၢသုဃၣ်ကွံာ်လံ သုသးလၢတၢ်ဒဲးဘးတဖၣ်န့ၣ်တက့ၢ်. ဒီးတဘၣ်စံးလိာ်သုသး ကဒဲကဒဲလၢစီၤအၤဘြၤဟၣ်မ့ၢ်သုပၢ်ဖးဒိၣ်လၢသုဟဲလီၤစၢၤ လၢအီၤတဂၤန့ၣ်တဂ့ၤ. ယစံးဘၣ်သုလၢကစၢ်ယွၤဟံးန့ၢ်လၢၢ် တဖၣ်အံၤဒီးဒုးကဲထီၣ်ဝဲစၢၤသွဲၣ်တဖၣ်လၢစီၤအၤဘြၤဟၣ် အဂီၢ်န့ၣ်သ့ဝဲလီၤ.

လံာ်ယိၤဟၣ် 8:33

အဝဲသ့ၣ်စံးဆၢအီၤ, “ပမ့ၢ်စီၤအၤဘြၤဟၣ်အစၢၤအသွဲၣ်တဖၣ် ဒီးပတကဲပှၤဂၤအကုၢ်နီတဘျီဒံးဘၣ်ဒီးနစံးလၢ ‘တၢ်ကမၤထူၣ်ဖျဲးသု’ န့ၣ်, နပာ်နဲအခီပညီဒ်လဲၣ်.”

ကလၤတံ 4:23

အဝဲဒၣ်အဖိခွါလၢကုၢ်ပိာ်မုၣ်တဂၤန့ၣ်အိၣ်ဖျဲၣ်ထီၣ်ဒ်တၢ်ဖံး တၢ်ညၣ်အကျဲအသိးလီၤ. မ့မ့ၢ်အဖိခွါလၢသဘျ့မုၣ်တဂၤန့ၣ်အိၣ်ဖျဲၣ်ထီၣ်ဒ် ကစၢ်ယွၤအၢၣ်လီၤတ့ၢ်အသိးန့ၣ်လီၤ.

ကလၤတံ 4:28

ဒီးခဲကနံၣ်အံၤ, ပဒီပုၢ်ဝဲၢ်သ့ၣ်ဧၢ, သုမ့ၢ်ကစၢ်ယွၤအဖိတဖၣ်လၢ အအိၣ်ထီၣ်ဝဲခီဖျိအတၢ်အၢၣ်လီၤအီလီၤ, ဒ်စီၤအံၤစဲးမ့ၢ်ဝဲ အသိးန့ၣ်လီၤ.

ဖံလံးပံၤ 3:3

ပှၤလၢအဒိးတ့ၢ်တၢ်ကူးတရံးနီၢ်နီၢ်န့ၣ်မ့ၢ်ပဝဲသ့ၣ်တဖၣ်လီၤ. တမ့ၢ်အဝဲသ့ၣ်ဘၣ်. အဂ့ၢ်ဒ်အံၤ, ပဘူၣ်ထီၣ်ဘါထီၣ်ကစၢ်ယွၤခီဖျိယွၤအသးဒီးပသူၣ်ခုသးခုလၢ ပအိၣ်မူပဝဲလၢယ့ၣ်ၡူးခရံာ်အပူၤအဃိန့ၣ်လီၤ. ပတပာ်ပတၢ်နာ်လၢတၢ်အလုၢ်အလၢ်လၢအအိၣ်ဖျါလၢခိတဖၣ်န့ၣ် အလိၤနီတစဲးဘၣ်.

ဧ့ၤဘြံၤ 11:18

ကစၢ်ယွၤကတိၤတ့ၢ်တၢ်ဒီးအီၤဒီးစံး, “နဖိနလံၤနစၢၤနသွဲၣ်တဖၣ်ကဟဲလီၤစၢၤလၢစီၤအံၤစဲး န့ၣ်လီၤ.”