ရိမ့ၤ 9:27 - Sgaw Karen Common Bible

²⁷ ဒီးဝံယၡါယၤကိးသတြီထီၣ်တၢ်ဘၣ်ဃးအံၣ်စရ့လးဒီး စံးဝဲ, “ပှၤအံၣ်စရ့လးဖိတဖၣ်မ့ၢ်အါဝဲဒ်မဲးလၢပီၣ်လဲၣ်နံၤ နာ်သက့, ကဘၣ်တၢ်အုၣ်က့ၤခီၣ်က့ၤအီၤထဲစှၤဂၤဧိၤန့ၣ်လီၤ.

ရိမ့ၤ 9:27 Iomraidhean Croise

လံာ်တၢ်ကဲထီၣ်အခီၣ်ထံး 22:17

ယအၢၣ်လီၤလၢယကဟ့ၣ်လီၤနၤလၢနစၢၤနသွဲၣ်တဖၣ်အါဝဲဂီၢ်ဝဲဒ်ဆၣ် ဧိၤဖီဧိၤလၢမူခိၣ်အသိးမ့ၢ်ဂ့ၤ, ဒ်မဲးဧိၤဟီၣ်ဧိၤလၢပီၣ်လဲၣ်နံၤအသိးမ့ၢ်ဂ့ၤန့ၣ်လီၤ. နစၢၤနသွဲၣ်တဖၣ်ကမၤနၢၤအဒုၣ်အဒါတဖၣ်န့ၣ်လီၤ.

လံာ်စီၤဧ့စြၤ 9:14

လၢတၢ်န့ၣ်အဃိ, ပတပာ်ကဲကဒီးနတၢ်မၤလိာ်တဖၣ်ဒီးဆီဟံၣ်ဆီဃီ ဒီးပှၤဂီၢ်မုၢ်အအၢအသီတဖၣ်အံၤကသ့ဝဲဒ်လဲၣ်. ပမ့ၢ်မၤဒ်န့ၣ်ဒီးနကသးဒိၣ်ထီၣ်ဒိၣ်မးတုၤဒၣ်လဲာ်နကမၤဟးဂီၤ ကွံာ်ပှၤလၢာ်လၢာ်ဆ့ဆ့ဒီးတပျဲအိၣ်မူလီၤတဲာ်ပှၤနီတဂၤဘၣ် န့ၣ်လီၤ.

လံာ်စီၤဧ့စြၤ 9:8

ခဲအံၤ, အိယွၤ, ပကစၢ်ယွၤဧၢ, လၢတၢ်ဆၢကတီၢ်ဖုၣ်ကိာ်အပူၤန့ၣ်, နဒုးဘၣ်ဘျုးဘၣ်ဖှိၣ်လံပှၤဒီးပျဲတ့ၢ်ပဝဲတနီၤဒ်သိးကထူၣ်ဖျဲးထီၣ် လၢတၢ်ကဲကုၢ်အလီၢ်ဒီးအိၣ်ဆိးပူၤပူၤဖျဲးဖျဲးလၢတၢ် လီၢ်စီဆှံအံၤအပူၤန့ၣ်လီၤ. နပျဲထူၣ်ဖျဲးထီၣ်ကွံာ်ပှၤလၢတၢ်ကဲကုၢ်အလီၢ်ဒီးဟ့ၣ်လီၤ ပှၤတၢ်အိၣ်မူအသီန့ၣ်လီၤ.

လံာ်ယၡါယၤ 1:1

လံာ်အံၤအိၣ်ဃုာ်ဒီးတၢ်ကစီၣ်ဘၣ်ဃးကီၢ်ယူဒၤ ဒီးဝ့ၢ်ယရူၤၡလ့ၣ်အဂ့ၢ်လၢကစၢ်ယွၤလီၣ်ဖျါထီၣ်တ့ၢ်ဆူစီၤအၤမိာ် အဖိခွါဝံယၡါယၤဖဲစီၤဧူးစံယါ, စီၤယိၤသၣ်, စီၤအၤဃး, ဒီးစီၤ ဃံးစကံယၤမ့ၢ်စီၤပၤတဖၣ်လၢကီၢ်ယူဒၤအဆၢကတီၢ်န့ၣ်လီၤ.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 24:13

တၢ်အံၤမ့ၢ်တၢ်လၢအကမၤအသးလၢပှၤကိးကလုာ်ဒဲးလၢ ဟီၣ်ခိၣ်ဒီဘ့ၣ်လီၤ. ကမၤအသးဒ်ကူးတၢ်အကတီၢ်ကတၢၢ် ဝဲအသိး, ဖဲသ့ၣ်စၤယံးအထူၣ်ခဲလၢာ်ဘၣ်တၢ်တီၢ်လီၤဆှုကွံာ် အီၤဒီးစပံးသၣ်လၢခံကတၢၢ်တဖၣ်ဘၣ်တၢ်ဒ့အီၤလၢစပံးမုၢ် တဖၣ်အလိၤအသိးန့ၣ်လီၤ.

လံာ်ယံးရမံယၤ 44:14

ကီၢ်ယူဒၤအပှၤဂီၢ်မုၢ်လၢ အအိၣ်လီၤတဲာ်ဒီးဟဲဆူကီၢ် အဲၤကူပတူးလၢ ကအိၣ်ကဆိးဝဲအဂီၢ်တဖၣ်, တထူၣ်ဖျဲး ဘၣ်မ့ၢ်ဂ့ၤ, တအိၣ်မူလီၤတဲာ်ဘၣ်မ့ၢ်ဂ့ၤ, နီတဂၤဘၣ်. အဝဲသ့ၣ်တက့ၤကဒါက့ၤဘၣ် ဆူကီၢ်ယူဒၤ, ဖဲအဝဲသ့ၣ်သးအိၣ် အိၣ်ဆိးကဒီၤဘၣ်ဝဲန့ၣ်, နီတဂၤဘၣ်. မ့တမ့ၢ်ဘၣ်လၢ ပှၤဃ့ၢ်ပူၤဖျဲးအသးစှၤဂၤဘၣ်ဒီး, ပှၤတက့ၤကဒါက့ၤဘၣ် နီတဂၤဘၣ်.”

လံာ်ယံးရမံယၤ 5:10

ယဆှၢလီၤဒုၣ်ဒါတဖၣ်လၢကကျီလီၤကွံာ် ယပှၤဂီၢ်မုၢ်အစပံးအလီၢ်တဖၣ်, ဘၣ်ဆၣ်ဒီးတမ့ၢ်လၢကဘၣ်မၤဟးဂီၤကွံာ်ဝဲ လၢာ်လၢာ်ဆ့ဆ့ဘၣ်. ယကတဲဘၣ်အဝဲသ့ၣ်လၢကပဲာ်တဲာ်ကွံာ်အဒ့တဖၣ်, မ့ၢ်လၢဒ့တဖၣ်အံၤတမ့ၢ်ယတၢ်ဘၣ်အဃိလီၤ.

လံာ်ယဃ့းစက့လး 6:8

ယကပျဲပှၤတနီၤပူၤဖျဲးကွံာ်လၢတၢ်မၤသံမၤဝီဒီးမၤလီၤပြံလီၤပြါအဝဲသ့ၣ်လၢပှၤကလုာ်တဖၣ်အကျါ,

လံာ်ဟိၤၡ့ 1:10

ကီၢ်အံၣ်စရ့လးအပှၤဂီၢ်မုၢ်ကကဲထီၣ်ဝဲဒ်မဲးလၢပီၣ်လဲၣ်အသိး, အါန့ၢ်ဒံးတၢ်ဂံၢ်အီၤသ့မ့ၢ်ဂ့ၤ, တၢ်ဃီၣ်နီၣ်အီၤသ့မ့ၢ်ဂ့ၤန့ၣ်လီၤ. ခဲကနံၣ်အံၤ, ကစၢ်ယွၤစံးဘၣ်အဝဲသ့ၣ်, သုတမ့ၢ်လၢၤယပှၤဂီၢ်မုၢ်ဘၣ်. ဘၣ်ဆၣ်မုၢ်တနံၤကဟဲတုၤဃီၤဝဲဒၣ်ဖဲအဝဲကစံးဘၣ်အဝဲသ့ၣ်, သုဝဲသ့ၣ်အံၤ, သုမ့ၢ်ကစၢ်ယွၤလၢအမူဝဲတဂၤအဖိသ့ၣ်တဖၣ်လီၤ.

လံာ်ယိၤအ့လး 2:32

ဘၣ်ဆၣ်ဒီးကယဲၢ်ပှၤလၢအဃ့တၢ်မၤစၢၤလၢ ယွၤခဲလၢာ်န့ၣ်ကဘၣ်တၢ်အုၣ်က့ၤခီၣ်က့ၤအီၤလီၤ. ဒ်ယွၤစံးတ့ၢ်ဝဲအသိး, “ပှၤလၢဝ့ၢ်ယရူၤၡလ့ၣ်အပူၤတနီၤကထူၣ်ဖျဲးဝဲ ဒီးပှၤလၢယဃုထၢအီၤန့ၣ်ကပူၤဖျဲးဝဲန့ၣ်လီၤ.”