ရိမ့ၤ 9:19 - Sgaw Karen Common Bible

¹⁹ မ့မ့ၢ်ဒ်န့ၣ်ဒီး, သုကစံးဘၣ်ယၤ, “တၢ်မ့ၢ်မၤအသးဒ်အံၤဒီး, ကစၢ်ယွၤပာ်တၢ်ကမၣ်လၢပှၤအလိၤကသ့ဒ်လဲၣ်. မ့ၢ်မတၤတြီဆၢကစၢ်ယွၤအတၢ်ဘၣ်အသးကသ့တဂၤလဲၣ်.”

ရိမ့ၤ 9:19 Iomraidhean Croise

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:6

ဒီးဘါထုကဖၣ်လၢအကလုၢ်ဖးဒိၣ်စံးဝဲ, “အိယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဧၢ, နပၢတၢ်လၢမူခိၣ်, လၢကယဲၢ်ပှၤကလုာ်တဖၣ်လၢဟီၣ်ခိၣ်အံၤအဖီခိၣ်န့ၣ်လီၤ. နအိၣ်ဒီးတၢ်စိတၢ်ကမီၤဒီးနဂံၢ်ဆူၣ်ဘါဆူၣ်, ဒီးပှၤထီဒါနၤတသ့ဘၣ်နီတဂၤဘၣ်.

လံာ်စီၤယိၤဘး 9:19

မ့ၢ်ယကြၢးသူ တၢ်စုဆူၣ်ခီၣ်တကးဧါ. တၢ်စုဆူၣ်ခီၣ်တကးလၢ ကစၢ်ယွၤအဖိခိၣ်န့ၣ်ဧါ. မ့ၢ်ယကြၢးလိာ်ဘၢလိာ်ကွီၢ်အီၤန့ၣ်ဧါ. မတၤမၢအဝဲလဲၤကသ့တဂၤလဲၣ်.

စံးထီၣ်ပတြၢၤ 76:10

ပှၤကညီအတၢ်သးထီၣ်န့ၣ် ကက တၢၢ်ဒၣ်လၢတၢ်စံးထီၣ်ပတြၢၤအါထီၣ်နၤဧိၤလီၤ. ဒီးပှၤလၢအအိၣ်မူတ့ၢ်ဒံး ဖဲတၢ်ဒုးတၢ်ယၤဝံၤတဖၣ်န့ၣ် ကတိၢ်န့ၢ်ဖံးဃာ်နဘူၣ်တဖၣ်လီၤ.

လံာ်ယၡါယၤ 29:16

အဝဲသ့ၣ်ဘိးကဒါကွံာ်တၢ်ခဲလၢာ်န့ၣ်လီၤ. ပှၤတ့သပၢၤဒီးကပံာ်န့ၣ်အ ကါဒိၣ်လၢလဲၣ်တမံၤလဲၣ်. တၢ်တမံၤလၢပှၤကညီတဂၤမၤတ့ၢ်ဝဲန့ၣ်စံးဘၣ်အီၤလၢ, “နတမၤတ့ၢ်ယၤဘၣ်” မ့တမ့ၢ် “နမၤတၢ်မနုၤလဲၣ်န့ၣ်နတသ့ၣ် ညါဘၣ်” မ့ၢ်ကသ့ဧါ.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်မၢ်ကူး 14:21

ပှၤကညီဖိခွါအံၤကဘၣ်လဲၤဝဲဆူတၢ်မၤသံအလီၢ်ဒ်တၢ်ကွဲး အသးစီဆှံစံးဝဲအသိးလီၤ. ဘၣ်ဆၣ်ဒီးပှၤလၢအဟ့ၣ်လီၤပှၤကညီဖိခွါအံၤဆူဒုၣ်ဒါ အစုပူၤတဂၤန့ၣ်ကဘၣ်အဖှီၣ်လီၤ. ပှၤတဂၤန့ၣ်မ့ၢ်တအိၣ် ဖျဲၣ်ထီၣ်ဘၣ်ဒီးကမ့ၢ်တၢ်ဂ့ၤဒၣ်တၢ်တက့ၢ်လၢအဂီၢ်လီၤ.”

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

ရိမ့ၤ 11:19

မ့မ့ၢ်နကစံး, “မ့ၢ်ယၢာ်, ဘၣ်ဆၣ်ဒီးသ့ၣ်အဒ့တဖၣ်ဘၣ်တၢ် မၤကၢ်ကွံာ်အီၤဒ်သိးတၢ်ကဒုးစဲဘူးယၤလၢအလီၢ်အဂီၢ် န့ၣ်လီၤ.”

1 ကရံၣ်သူး 15:12

ခဲကနံၣ်အံၤ, မ့ၢ်လၢပတၢ်ကစီၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢတၢ်သံအဃိဒီး, သုဝဲတနီၤသုစံးလၢပှၤသံတဖၣ်တဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤန့ၣ်သ့ဝဲလၢကျဲဒ်လဲၣ်.

1 ကရံၣ်သူး 15:35

ပှၤတဂၤကသံကွၢ်ဝဲ, “ပှၤသံကဘၣ်တၢ်ဒုးဂဲၤဆၢထၢၣ်သမူထီၣ် က့ၤအီၤလၢကျဲဒ်လဲၣ်. အဝဲသ့ၣ်ကအိၣ်ဒီးအနီၢ်ခိဒ်လဲၣ်တကလုာ် လဲၣ်.”

ယၤကိာ် 1:13

ပှၤတဂၤဂၤမ့ၢ်ဘၣ်တၢ်လ့ပစီအီၤလၢတၢ်မၤကွၢ်ဒ်သိးအံၤ တဖၣ်ဒီး, မ်အသုတစံးလၢ “တၢ်လ့ပစီအံၤဟဲလၢကစၢ်ယွၤ အအိၣ်” တဂ့ၤ. အဂ့ၢ်ဒ်လဲၣ်န့ၣ်, တၢ်အၢတၢ်သီလ့ပစီယွၤ တန့ၢ်ဘၣ်, ဒီးအဝဲအနီၢ်ကစၢ်ဒၣ်ဝဲစ့ၢ်ကီးတလ့ပစီပှၤနီတဂၤဘၣ်.

ယၤကိာ် 2:18

ဘၣ်ဆၣ်ဒီးပှၤတဂၤဂၤကစံးဝဲ, “ပှၤတဂၤအိၣ်ဒီးအတၢ်စူၢ် တၢ်နာ်, ဒီးအဂၤတဂၤအိၣ်ဒီးတၢ်မၤလီၤ.” ယတၢ်စံးဆၢမ့ၢ် အအံၤ, “ဒုးနဲၣ်ယၤပှၤတဂၤလၢအအိၣ်ဒီးတၢ်စူၢ်တၢ်နာ်လၢ အတအိၣ်ဘၣ်ဒီးတၢ်မၤန့ၣ်တက့ၢ်. ဒီးယကဒုးနဲၣ်သုယတၢ်စူၢ်တၢ်နာ်ခီဖျိယတၢ်မၤန့ၣ်လီၤ.”