ရိမ့ၤ 9:1 - Sgaw Karen Common Bible

¹ ယကတိၤတၢ်မ့ၢ်တၢ်တီလၢခရံာ်အပူၤဒီးယတကတိၤကဘျံး ကဘျၣ်တၢ်ဘၣ်. ယသးလၢအသ့ၣ်ညါဒၣ်တၢ်အုၣ်အသး လၢယဂီၢ်လၢသးစီဆှံအတၢ်ပၢအီၤအပူၤ, လၢယတကတိၤ ကဘျံးကဘျၣ်တၢ်ဘၣ်.

ရိမ့ၤ 9:1 Iomraidhean Croise

ရိမ့ၤ 1:9

အဂ့ၢ်ဒ်အံၤ, ကစၢ်ယွၤလၢယမၤအတၢ်လၢယသးဒီဖျၢၣ်ညါ ခီဖျိတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီးအဖိခွါန့ၣ်, မ့ၢ်ပှၤအုၣ်အသးလၢတၢ်လၢယစံးတဖၣ်မ့ၢ်ဝဲတီဝဲန့ၣ်လီၤ. ကစၢ်ယွၤသ့ၣ်ညါလၢယသ့ၣ်နီၣ်ထီၣ်သုထီဘိလၢယတၢ် ထုကဖၣ်အပူၤန့ၣ်လီၤ.

ရိမ့ၤ 2:15

အဝဲသ့ၣ်အတၢ်အိၣ်မူအိၣ်ဂဲၤဒုးနဲၣ်ဝဲလၢတၢ်လၢတၢ်သိၣ် တၢ်သီလိၣ်ဘၣ်ဝဲန့ၣ်, အိၣ်ကွဲးလီၤအသးလၢအဝဲသ့ၣ်အသး အလိၤန့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ်န့ၣ် ဒုးနဲၣ်စ့ၢ်ကီးဝဲလၢတၢ်အံၤမ့ၢ်တၢ်မ့ၢ်တၢ်တီ, မ့ၢ်လၢအတၢ်ဆိကမိၣ်တဖၣ်တဘျီဘျီသိၣ်ဃီၣ်အီၤဒီးတဘျီဘျီ တဒီဃာ်အီၤအဃိန့ၣ်လီၤ.

ရိမ့ၤ 8:16

ကစၢ်ယွၤအသးအုၣ်ဃုာ်အသးဒီးပသးလၢပမ့ၢ်ကစၢ်ယွၤ အဖိတဖၣ်န့ၣ်လီၤ.

ရိမ့ၤ 9:2

ဖဲယစံး ယတၢ်သးအုးအံၤမ့ၢ်တၢ်လၢအဒိၣ်နီၢ်မးဒီး ယသးဘၣ်ကိၢ်ဘၣ်ဂီၤတဘိယူၢ်ဃီလၢယပှၤဂီၢ်မုၢ် ယသွံၣ်ထံဖံးညၣ်ဒၣ်ယဲအဂီၢ်န့ၣ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 1:23

ယကိးထီၣ်ကစၢ်ယွၤဒ်သိးအကကဲထီၣ်ယပှၤအုၣ်အသး မ့ၢ်လၢ, အဝဲဒၣ်သ့ၣ်ညါယသူၣ်ယသးအဃိလီၤ. ယပာ်လီၤတ့ၢ်ယသးလၢယတလဲၤဆူဝ့ၢ်ကရံၣ်သူးန့ၣ် မ့ၢ်ဒ်သိးယသုတမၤဘၣ်ဒိဘၣ်ထံသုတဂ့ၤအဂီၢ်လီၤ.

၂ ကရံၣ်သူး 11:10

ဒ်ခရံာ်အတၢ်မ့ၢ်တၢ်တီလၢအအိၣ်လၢယပူၤအသိးန့ၣ်, ယအၢၣ်လီၤအီလီၤယဲလၢယတၢ်ကတိၤတၢ်ကဖၢလၢတမံၤ အံၤတဘၣ်တၢ်မၤဘှ့ၣ်မၤဘှီၣ်အီၤလၢကီၢ်အဃါယၤဒီဘ့ၣ် အပူၤလၢတၢ်လီၢ်နီတတီၤဘၣ်.

၂ ကရံၣ်သူး 11:31

ကစၢ်ယ့ၣ်ၡူးအယွၤဒီးအပၢ်လၢအဘၣ်တၢ်စံးပတြၢၤအီၤ လီၤထူလီၤယိာ်တဂၤသ့ၣ်ညါလၢယတလီတၢ်ဘၣ်လီၤ.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

ကလၤတံ 1:20

တၢ်လၢယကွဲးတဖၣ်အံၤမ့ၢ်ဝဲတီဝဲလီၤ. ယတလီတၢ်န့ၣ် ကစၢ်ယွၤသ့ၣ်ညါဝဲလီၤ.

ဖံလံးပံၤ 1:8

ကစၢ်ယွၤမ့ၢ်ပှၤအုၣ်အသးလၢယကတိၤတၢ်မ့ၢ်တၢ်တီ, ဖဲယစံးယဲလၢယတၢ်အဲၣ်ဘၣ်သုခဲလၢာ်န့ၣ်ဟဲထီၣ်ဝဲဒၣ်လၢ ယ့ၣ်ၡူးခရံာ်အကစၢ်ဒၣ်ဝဲအသးပူၤန့ၣ်လီၤ.

၁ သ့းစၤလနံ 2:5

သုသ့ၣ်ညါသုဝဲဂ့ၤဂ့ၤလၢပတဟဲဆူသုအိၣ်, အိၣ်ဒီးတၢ်စံးပတြၢၤထးခိၣ်ဖံးလာ်သုဘၣ်. တၢ်ကတိၤလၢပစံးကတိၤအီၤန့ၣ်, တမ့ၢ်စ့ၢ်ကီးလၢအကကးဘၢတၢ်သူၣ်လီသးကွံအဂီၢ်န့ၣ်ဘၣ်. ကစၢ်ယွၤမ့ၢ်ပှၤအုၣ်အသးလၢပဂီၢ်လီၤ.

၁ တံၤမသ့း 1:5

တၢ်ဟ့ၣ်လီၤကလုၢ်အံၤ, အတၢ်တိာ်မ့ၢ်ဒ်သိးအကထိၣ်ဟူးထိၣ် ဂဲၤတၢ်အဲၣ်တၢ်ကွံလၢအဟဲထီၣ်ဝဲလၢသးလၢအကဆှီတဖျၢၣ် အပူၤ, သးလၢအသ့ၣ်ညါဒၣ်တၢ်ဆှံဆှံ, ဒီးတၢ်စူၢ်တၢ်နာ်နီၢ်နီၢ် အပူၤန့ၣ်လီၤ.

၁ တံၤမသ့း 2:7

ဒီးလၢတၢ်အံၤအဂီၢ်, ယဘၣ်တၢ်မၢလီၤယၤဒ်တၢ်မၢဖိတဂၤ အသိး, ဒီးသရၣ်လၢအကသိၣ်လိပှၤကလုာ်ဂၤတဖၣ်ဒီးဒ်သိး ယကတဲဖျါထီၣ်တၢ်စူၢ်တၢ်နာ်ဒီးတၢ်မ့ၢ်တၢ်တီအကစီၣ် အဂီၢ်န့ၣ်လီၤ. ယတကတိၤတၢ်ကဘျံးကဘျၣ်ဘၣ်. ယကတိၤတၢ်မ့ၢ်တၢ်တီလီၤ.

၁ တံၤမသ့း 5:21

လၢကစၢ်ယွၤ, ဒီးယ့ၣ်ၡူးခရံာ်, ဒီးကလူးစီဆှံတဖၣ်အမဲာ်ညါ န့ၣ်, ယမၤလိာ်နၤလၢတၢ်သညူးသပှၢ်အပူၤလၢနကစူၢ်တၢ်သိၣ် တၢ်သီတဖၣ်အံၤ, တအိၣ်ဘၣ်ဒီးတၢ်အဲၣ်ဒိၣ်ဆံးအါစှၤတၢ်ဒီး တၢ်ကွၢ်မဲာ်တၢ်လၢနမၤတၢ်တမံၤဂ့ၤတမံၤဂ့ၤအပူၤန့ၣ် ဘၣ်လီၤ.