ရိမ့ၤ 8:5 - Sgaw Karen Common Bible

⁵ ပှၤလၢအအိၣ်မူဝဲဒ်အပှၤဟီၣ်ခိၣ်ဖိအန့ဆၢၣ်အတၢ်မၢအီၤ အသိးတဖၣ်န့ၣ်, အတၢ်ဆိကမိၣ်ဘၣ်တၢ်ပၢအီၤလၢဟီၣ်ခိၣ်ဖိ အန့ဆၢၣ်အတၢ်မိၣ်န့ၢ်သးလီတဖၣ်န့ၣ်လီၤ. မ့မ့ၢ်, ပှၤလၢအအိၣ်မူဝဲဒ်ကစၢ်ယွၤအသးမၢအီၤအသိးတဖၣ်န့ၣ်, အတၢ်ဆိကမိၣ်ဘၣ်တၢ်ပၢအီၤလၢကစၢ်ယွၤအသးအတၢ် အဲၣ်ဒိးတဖၣ်န့ၣ်လီၤ.

ရိမ့ၤ 8:5 Iomraidhean Croise

လံာ်မၢ်ကူး 8:33

ဘၣ်ဆၣ်ယ့ၣ်ၡူးဃၣ်ကဒါအသး, ကွၢ်ဃီၤအပျဲၢ်အဘီၣ်တဖၣ်အမဲာ်ဝံၤ, ဒူစီၤပ့းတရူးအလိၤဒီးစံးဝဲ, “မုၣ်ကီၤလံၢ်ဧၢ, ဟးကွံာ်လၢယအိၣ်တက့ၢ်. နတၢ်ဆိကမိၣ်တဖၣ်တဟဲလၢကစၢ်ယွၤအအိၣ်ဘၣ်. မ့မ့ၢ်ဟဲလၢပှၤကညီအအိၣ်တခီန့ၣ်လီၤ.”

လံာ်ယိၤဟၣ် 3:6

ပှၤကညီတဂၤအိၣ်ဖျဲၣ်ထီၣ်ဝဲနီၢ်ခိနီၢ်ခီလၢမိၢ်ပၢ်လၢအအိၣ် ဒီးသွံၣ်ထံဖံးညၣ်လီၤ. ဘၣ်ဆၣ်ဒီး, အဝဲအိၣ်ဖျဲၣ်ထီၣ်လၢသူၣ် လၢသး, လၢယွၤအသးန့ၣ်လီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

1 ကရံၣ်သူး 15:48

ပှၤလၢအဘၣ်ထွဲဒီးဟီၣ်ခိၣ်တဖၣ်န့ၣ်, လီၤဂာ်ဒီးပှၤတဂၤလၢအဘၣ်တၢ်တ့အီၤလၢဟီၣ်ခိၣ်, မ့မ့ၢ်ပှၤလၢအဘၣ်ထွဲဒီးမူခိၣ်တဖၣ်န့ၣ်, လီၤဂာ်ဒီးပှၤတဂၤလၢအဟဲလၢမူခိၣ်လီၤ.

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

၂ ကရံၣ်သူး 10:3

ပအိၣ်မူလၢဟီၣ်ခိၣ်ချၢန့ၣ်မ့ၢ်ကစီဒီလီၤ. ဘၣ်ဆၣ်ဒီးပတဒုးတၢ်အိၣ်ဒီးဟီၣ်ခိၣ်အတၢ်ထိၣ်ဂဲၤပသး တဖၣ်န့ၣ်ဘၣ်.

ကလၤတံ 5:17

အဂ့ၢ်ဒ်အံၤ, ပဖံးပညၣ်အတၢ်သူၣ်လီသးကွံန့ၣ် ထီဒါလိာ်အသးဒီးယွၤအသးအတၢ်အဲၣ်ဒိး, ဒီးယွၤအသးအတၢ်အဲၣ်ဒိးန့ၣ်ထီဒါလိာ်အသးဒီးပဖံးပညၣ် အတၢ်သူၣ်လီသးကွံန့ၣ်လီၤ. တၢ်ခံမံၤအံၤထီဒုၣ်ထီဒါလိာ် အသးအဃိ, တၢ်လၢသုဆၢမၤန့ၣ်သုမၤသုဝဲတသ့ဘၣ်.

အ့းဖ့းစူး 5:9

အဂ့ၢ်ဒ်အံၤ, တၢ်ကပီၤမ့ၢ်တၢ်လၢအဟ့ၣ်ထီၣ်ကယဲၢ်မ့ၢ်တၢ် အဂ့ၤ, တၢ်တီတၢ်လိၤဒီးတၢ်အမ့ၢ်အတီခဲလၢာ်လီၤ.

၂ ပ့းတရူး 2:10

လီၤဆီဒၣ်တၢ်ပှၤတဖၣ်လၢအပိာ်ထွဲအနီၢ်ခိအတၢ်သူၣ် ကတၢသးကတၢလၢအလီၤသးဘၣ်အၢတဖၣ်အခံ, ဒီးမၤတရီတပါယွၤအစိကမီၤန့ၣ်လီၤ. သရၣ်အဘျၣ်တဖၣ်အံၤမ့ၢ်ပှၤအဒူဒီးပာ်ကဖၢလၢအသး, ဒီးတဒုးနဲၣ်တၢ်ယူးယီၣ်တၢ်အစိအကမီၤလၢထးတဖၣ်ဘၣ်, မ့မ့ၢ်ကတိၤဒုၣ်ဒွဲၣ်အဝဲသ့ၣ်တခီန့ၣ်လီၤ.