ရိမ့ၤ 8:32 - Sgaw Karen Common Bible

³² အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

ရိမ့ၤ 8:32 Iomraidhean Croise

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်မးသဲ 7:11

သုအၢသုသီဘၣ်ဆၣ်ဒီး, သုသ့ၣ်ညါဟ့ၣ်သုဖိတဖၣ်တၢ်လၢ အဂ့ၤတဖၣ်လီၤ. မ့မ့ၢ်ဒ်န့ၣ်ဒီး, သုပၢ်အိၣ်လၢမူခိၣ်တဂၤကဟ့ၣ်ပှၤတဖၣ်လၢအဃ့တၢ်လၢအီၤ တၢ်အဂ့ၤတဖၣ်အါန့ၢ်အန့ၣ်တက့ၢ်ဆံးဒိၣ်လဲၣ်.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

ရိမ့ၤ 11:21

ကစၢ်ယွၤမ့ၢ်တပျၢ်ဖျဲးပှၤယူဒၤဖိတဖၣ်လၢအလီၤဂာ်ဒီးဒ့နီၢ်နီၢ် တဖၣ်ဘၣ်ဒီး, မ့ၢ်နဆိကမိၣ်လၢကပျၢ်ဖျဲးနၤစ့ၢ်ကီးဧါ.

ရိမ့ၤ 4:25

အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး အကပာ်တီပာ်လိၤပှၤအဂီၢ်န့ၣ်လီၤ.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

1 ကရံၣ်သူး 2:12

ပတဒိးန့ၢ်ပဝဲသးဘၣ်ဃးဒီးဟီၣ်ခိၣ်တဘ့ၣ်အံၤဘၣ်. မ့မ့ၢ်, ပဒိးန့ၢ်တ့ၢ်ပဝဲသးလၢအဘၣ်တၢ်ဆှၢလီၤအီၤလၢကစၢ်ယွၤဒ်သိး ပကသ့ၣ်ညါတၢ်ခဲလၢာ်လၢကစၢ်ယွၤဟ့ၣ်တ့ၢ်ပှၤန့ၣ်လီၤ.

၂ ကရံၣ်သူး 4:15

တၢ်ခဲလၢာ်အံၤမ့ၢ်လၢသုဂီၢ်ဒီးဖဲကစၢ်ယွၤအဘျုးလဲၤ တုၤဃီၤဆူပှၤအအိၣ်အါထီၣ်အါထီၣ်န့ၣ်, အဝဲသ့ၣ်ကဟ့ၣ်အါထီၣ်တၢ်စံးဘျုးစံးဖှိၣ်အတၢ်ထု ကဖၣ်လၢကစၢ်ယွၤအလၤကပီၤအဂီၢ်န့ၣ်လီၤ.

၂ ကရံၣ်သူး 5:21

ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

၁ ယိၤဟၣ် 4:10

တၢ်အဲၣ်တၢ်ကွံမ့ၢ်တၢ်အံၤလီၤ. တမ့ၢ်တၢ်အဲၣ်လၢပအဲၣ်တ့ၢ် ကစၢ်ယွၤဘၣ်. မ့မ့ၢ်တခီ, မ့ၢ်ကစၢ်ယွၤအတၢ်အဲၣ်ပှၤလၢ အမၢလီၤအဖိခွါဒ်သိးကကဲထီၣ်ကျဲလၢပတၢ်ဒဲးဘးတဖၣ် ကဘၣ်တၢ်ပျၢ်ကွံာ်အီၤအဂီၢ်န့ၣ်လီၤ.

လံာ်လီၣ်ဖျါ 21:7

ပှၤတဂၤလၢ်လၢ်လၢအဒိးန့ၢ်တၢ်မၤနၢၤန့ၣ်ကဒိးန့ၢ် ဘၣ်တၢ်တမံၤအံၤလၢယအိၣ်လီၤ. ယကမ့ၢ်အဝဲဒၣ် အကစၢ်ယွၤ, ဒီးအဝဲဒၣ်ကမ့ၢ်ယဖိခွါလီၤ.