ရိမ့ၤ 8:22 - Sgaw Karen Common Bible

²² အဂ့ၢ်ဒ်လဲၣ်န့ၣ်, ပသ့ၣ်ညါလၢတုၤဆၢကတီၢ်ခဲအံၤန့ၣ်, တၢ်ဘၣ်တ့ခဲလၢာ်ကအုကစွါလၢတၢ်ဆူးတၢ်ဆါ အပူၤဒ်မိၢ်တဂၤအဟုးဆါဒီးကအုကစွါဝဲအသိးန့ၣ်လီၤ.

ရိမ့ၤ 8:22 Iomraidhean Croise

စံးထီၣ်ပတြၢၤ 48:6

ဖဲန့ၣ်တၢ်ပျံၤတၢ်ဖုးဒီးတၢ်သူၣ်ကိၢ်သးဂီၤ လီၤဘၣ်အဝဲသ့ၣ်ဒ်ပိာ်မုၣ်လၢ အကဆံးစၢ်ထီၣ်အဖိတဂၤအသိး,

လံာ်ယံးရမံယၤ 12:11

အဝဲသ့ၣ်ဒုးကဲထီၣ်အီၤလၢပှၢ်မုၢ်ကနၢတတီၤ ဒီးအိၣ်သယုၢ်သညိဝဲလၢယမဲာ်ညါန့ၣ်လီၤ. ထံကီၢ်ဒီဘ့ၣ်ညါကဲထီၣ်မဲးမုၢ်ခိၣ်တတီၤဒီး ပှၤတကနၣ်ဃုာ်ဘၣ်အီၤနီတဂၤဘၣ်.

လံာ်ယံးရမံယၤ 12:4

ပထံပကီၢ်အံၤကဃ့ထီဒံးဆံးယံာ် ဒီးနီၣ်ဧိၤမံၤဧိၤလၢစံာ်လီၢ်ကိးပူၤဒဲးကလီၤညွံးလီၤဘဲ ဒံးဆံးယံာ်လဲၣ်. ဆၣ်ဖိကီၢ်ဖိတဖၣ်ဒီးထိၣ်ဖိတဖၣ်သံဝဲ လၢပှၤဂီၢ်မုၢ်အတၢ်အၢတၢ်သီအဃိလီၤ. ပှၤဂီၢ်မုၢ်န့ၣ်စံးဝဲလၢ, “ကစၢ်ယွၤတထံၣ်တၢ်လၢပမၤအီၤန့ၣ်ဘၣ်.”

လံာ်တၢ်ဘူၣ်ထီၣ်ဘါထီၣ် 26:35

ကီၢ်န့ၣ်ကဘၣ်တၢ်ပာ်လီၤတဲာ်တ့ၢ်အီၤဒီးမၤန့ၢ်အတၢ်အိၣ်ဘှံးဖဲ သုအိၣ်လၢတၢ်စိာ်မၢကဲကုၢ်အပူၤလၢသုဒုၣ်သုဒါတဖၣ်အကီၢ်ပူၤ အခါန့ၣ်လီၤ.

လံာ်မၢ်ကူး 16:15

အဝဲဒၣ်စံးဘၣ်အဝဲသ့ၣ်, “လဲၤသုဝဲလၢဟီၣ်ခိၣ်ဒီဘ့ၣ်ညါဒီးစံၣ်တဲၤတဲလီၤတၢ်သးခု အကစီၣ်လၢပှၤကညီခဲလၢာ်န့ၣ်တက့ၢ်.

လံာ်ယိၤဟၣ် 16:21

ဖဲပိာ်မုၣ်တဂၤကဆံးစၢ်အဖိန့ၣ်, အဝဲသူၣ်အုးသးအုးဝဲမ့ၢ်လၢ အနၣ်ရံၣ်လၢကဘၣ်တူၢ်တၢ်ဆူးတၢ်ဆါတုၤဃီၤဝဲလံအဃိ လီၤ. ဘၣ်ဆၣ်ဒီးတုၤဖိသၣ်အိၣ်ဖျဲၣ်ထီၣ်ဝဲဒီး, အဝဲသးပ့ၤနီၣ်ကွံာ်အတၢ်ဆူးတၢ်ဆါခဲလၢာ်မ့ၢ်လၢအဝဲသးခုဝဲလၢ ဖိသၣ်တဂၤအိၣ်ဖျဲၣ်ထီၣ်လံဝဲလၢဟီၣ်ခိၣ်ချၢအံၤအဃိန့ၣ်လီၤ.

ရိမ့ၤ 8:20

အဂ့ၢ်ဒ်လဲၣ်န့ၣ်, တၢ်ဘၣ်တ့ဘၣ်တၢ်စံၣ်ညီၣ်ဃၣ်အီၤလၢ အတၢ်တိာ်ကကဲထီၣ်တၢ်ကလီကလီ, တမ့ၢ်ဖဲအသးဒၣ်ဝဲဘၣ်. မ့မ့ၢ်, မ့ၢ်လၢကစၢ်ယွၤဘၣ်အသးလၢအကမ့ၢ်တၢ်ဒ်န့ၣ်အသိး အဃိလီၤ. နာ်သက့တၢ်မုၢ်လၢ်အိၣ်ဒံးဝဲ,

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

လံာ်လီၣ်ဖျါ 12:2

အဝဲဒၣ်အိၣ်ဒီးအဟုးအသး, ဒီးကိးပသူထီၣ်ဝဲလၢတၢ်ဟုးဆါဒီးဘၣ်နးဘၣ်ဖှီၣ် လၢကဆံးစၢ်အဖိအဃိန့ၣ်လီၤ.