ရိမ့ၤ 8:18 - Sgaw Karen Common Bible

¹⁸ ယပာ်ယသးလၢတၢ်နးတၢ်ဖှီၣ်လၢပတူၢ်ဘၣ်အီၤလၢ ဆၢကတီၢ်ခဲအံၤန့ၣ်, ပထိၣ်သတြီၤအီၤဒီးတၢ်လၤကပီၤလၢ အကဘၣ်တၢ်လီၣ်ဖျါထီၣ်န့ၢ်ပှၤန့ၣ်တသ့လ့ၤတက့ၤဘၣ်န့ၣ်လီၤ.

ရိမ့ၤ 8:18 Iomraidhean Croise

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

ရိမ့ၤ 8:19

လၢတၢ်သူၣ်ဆူၣ်သးဂဲၤအပူၤ, တၢ်ဘၣ်တ့ခဲလၢာ်အိၣ်ခိးကွၢ်လၢ်ကစၢ်ယွၤကလီၣ်ဖျါထီၣ် အဖိခွါတဖၣ်န့ၣ်လီၤ.

ကလီးစဲ 3:4

သုတၢ်မူနီၢ်နီၢ်မ့ၢ်ခရံာ်ဒီးတုၤခရံာ်ဒုးနဲၣ်ဖျါကဒီးအသး အိၣ်ဒီးအစိကမီၤအလၤကပီၤန့ၣ်ဒီး, သုဝဲစ့ၢ်ကီးသုကအိၣ်ဖျါထီၣ်ဃုာ်ဒီးအီၤဒီးဒိးဃုာ်တၢ်လၤ ကပီၤဒီးအီၤန့ၣ်လီၤ.

၂ သ့းစၤလနံ 2:14

လၢတၢ်တမံၤအံၤအဂီၢ်ကစၢ်ယွၤကိးဃီၤသုခီဖျိတၢ်သးခု ကစီၣ်လၢပစံၣ်တဲၤတဲလီၤန့ၢ်သုန့ၣ်လီၤ. အဝဲဒၣ်ကိးဃီၤသုဒ်သိးသုကဒိးန့ၢ်ဃုာ်ပကစၢ်ယ့ၣ်ၡူးခရံာ် အလၤကပီၤအဂီၢ်န့ၣ်လီၤ.

တံတူး 2:13

ဖဲပအိၣ်ခိးမုၢ်နံၤဘၣ်ဆိၣ်ဂ့ၤလၢပမုၢ်လၢ်တ့ၢ်, ဖဲပကစၢ်ယွၤလၢအဒိၣ်ဝဲ ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အလၤကပီၤ ကအိၣ်ဖျါထီၣ်ဝဲန့ၣ်လီၤ.

ဧ့ၤဘြံၤ 11:35

လၢတၢ်စူၢ်တၢ်နာ်န့ၣ်ပိာ်မုၣ်တဖၣ်န့ၢ်ဘၣ်က့ၤအဘူး အတံၢ်လၢအသံတ့ၢ်ဝဲတဖၣ်ခီဖျိတၢ်ဂဲၤဆၢထၢၣ်သမူ ထီၣ်က့ၤန့ၣ်လီၤ. ပှၤအဂၤတဖၣ်လၢအတတူၢ်လိာ်ဘၣ်တၢ်ပျၢ်ထူၣ်ဖျဲးထီၣ်အီၤ ဘၣ်န့ၣ်သံဝဲလၢတၢ်မၤအၢမၤနးအဃိဒ်သိးအကဘၣ် တၢ်ဒုးဂဲၤဆၢထၢၣ်က့ၤအီၤဆူတၢ်မူလၢအဂ့ၤဒၣ်တၢ် တက့ၢ်န့ၣ်လီၤ.

၁ ပ့းတရူး 1:13

လၢတၢ်န့ၣ်အဃိ, ကတဲာ်ကတီၤသုသးလၢတၢ်မၤအဂီၢ် တက့ၢ်. ကီၤသုသးဒီးပာ်လီၤသုတၢ်မုၢ်လၢ်လၢာ်လၢာ်ဆ့ဆ့ လၢတၢ်ဘျုးတၢ်ဖှိၣ်အဖီခိၣ်, လၢတၢ်ကဟ့ၣ်လီၤသုဖဲယ့ၣ်ၡူးခရံာ်ဘၣ်တၢ်လီၣ်ဖျါထီၣ်အီၤ အဆၢကတီၢ်န့ၣ်တက့ၢ်.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.