ရိမ့ၤ 8:15 - Sgaw Karen Common Bible

¹⁵ အဂ့ၢ်ဒ်လဲၣ်န့ၣ်, ကစၢ်ယွၤအသးလၢအဘၣ်တၢ်ဟ့ၣ်လီၤ သုန့ၣ်တဒုးကဲထီၣ်သုလၢကုၢ်ဒီးဒုးအိၣ်ထီၣ်တၢ်ပျံၤတၢ်ဖုး လၢသုပူၤန့ၣ်ဘၣ်. မ့မ့ၢ်ကစၢ်ယွၤအသးဒုးကဲထီၣ်သုလၢ ကစၢ်ယွၤအဖိတဖၣ်ဒီးလၢအသးအစိကမီၤအပူၤပကိးထီၣ် ကစၢ်ယွၤ, “ပၢ်ဧၢ, ယပၢ်ဧၢ” န့ၣ်လီၤ.

ရိမ့ၤ 8:15 Iomraidhean Croise

လံာ်တၢ်ဟးထီၣ်ကွံာ် 20:19

ဒီးအဝဲသ့ၣ်စံးဘၣ်စီၤမိၤၡ့, “နမ့ၢ်ကတိၤတၢ်ဒီးပှၤဒီးပကဒိကနၣ်လီၤ. ဘၣ်ဆၣ်ဒီးပပျံၤတၢ်လၢကစၢ်ယွၤမ့ၢ်ကတိၤတၢ်ဆူပအိၣ်န့ၣ်ပကသံ ဘၣ်ဖုးန့ၣ်လီၤ.”

လံာ်ယၡါယၤ 56:5

နမံၤကဘၣ်တၢ်သ့ၣ်နီၣ်ထီၣ်အီၤလၢယတၢ်လုၢ်ဟံၣ်အပူၤဒီး လၢယပှၤဂီၢ်မုၢ်အကျါယံာ်န့ၢ်ဒံးနမ့ၢ်အိၣ်တ့ၢ်ဒီးနဖိခွါတဖၣ်ဒီး နဖိမုၣ်တဖၣ်တက့ၢ်န့ၣ်လီၤ. နတဘၣ်တၢ်သးပ့ၤနီၣ်နၤနီတစုဘၣ်.”

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်တၢ်ဂံၢ် 17:12

ကီၢ်အံၣ်စရ့လးအပှၤဂီၢ်မုၢ်စံးဘၣ်စီၤမိၤၡ့, “မ့မ့ၢ်ဒ်န့ၣ်ဒီးတၢ်န့ၣ်မ့ၢ်တၢ်လၢအမၤကတၢၢ်ပှၤန့ၣ်ဧါ.”

လံာ်မးသဲ 25:25

လၢတၢ်န့ၣ်အဃိယပျံၤတၢ်, ဒီးလဲၤပာ်ခူသူၣ်နစ့အံၤလၢဟီၣ်ခိၣ် လာ်လီၤ. ကွၢ်အအံၤမ့ၢ်တၢ်လၢအမ့ၢ်နတၢ်ဒၣ်နဲလီၤ.’

လံာ်မၢ်ကူး 14:36

ဒီးအဝဲဒၣ်စံးဝဲ, “အးဘၤ, ပၢ်ဧၢ, နမၤတၢ်သ့ခဲလၢာ်လီၤ. တၢ်နးတၢ်ဖှီၣ်အလီခီအံၤဒုးလဲၤပူၤကွံာ်လၢယၤတက့ၢ်. သနာ်က့ဒီး, အသုတမ့ၢ်ဒ်တၢ်ဘၣ်ယသးအသိးတဂ့ၤ. မ်အမ့ၢ်ဒ်တၢ်ဘၣ်နသးအသိးတက့ၢ်.”

လံာ်လူၤကၣ် 11:2

ယ့ၣ်ၡူးစံးဘၣ်အဝဲသ့ၣ်, “သုကဘၣ်ဃ့ဘါထုကဖၣ်တၢ်ဒ်အံၤအသိးလီၤ. ပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်. မ်နဘီနမုၢ်ဟဲတက့ၢ်.

လံာ်လူၤကၣ် 22:42

“ပၢ်ဧၢ,” အဝဲဒၣ်စံးဝဲ, “မ့ၢ်ဘၣ်နသးဒီးထုးကွံာ်လၢ်လီခီအံၤလၢယအိၣ်တက့ၢ်. ဘၣ်ဆၣ်ဒီး, တမ့ၢ်ဖဲဒၣ်ယသးဘၣ်. မ်နတၢ်ဘၣ်နသးဘၣ်တၢ်မၤလၢထီၣ်ပှဲၤထီၣ်အီၤတက့ၢ်.”

လံာ်လူၤကၣ် 8:28

ဖဲအဝဲဒၣ်ထံၣ်ယ့ၣ်ၡူးန့ၣ်ကိးထီၣ်ဝဲလၢအကလုၢ်ဖးဒိၣ်, ထိၣ်လီၤပှီၤအသးလၢအမဲာ်ညါ, ဒီးကတိၤတၢ်လၢအကလုၢ်ဖးဒိၣ်, “တၢ်ထီကတၢၢ်ကစၢ်ယွၤအဖိခွါယ့ၣ်ၡူးဧၢ, နဘၣ်ဃးဒီးယၤဒ်လဲၣ်. ယဃ့ကညးနၤ, တဘၣ်စံၣ်ညီၣ်ယၤတဂ့ၤ.”

လံာ်လူၤကၣ် 8:37

တုၤနုၤတစုပှၤဂီၢ်မုၢ်လၢအအိၣ်ဖဲကီၢ်ကဒါရၤအခိၣ်အဃၢၤ တဖၣ်ခဲလၢာ်မၢယ့ၣ်ၡူးဟးထီၣ်ကွံာ်, အဂ့ၢ်မ့ၢ်လၢအဝဲသ့ၣ်ပျံၤတၢ်ဖုးတၢ်နးနးကလဲာ်အဃိလီၤ. သတးဒီးယ့ၣ်ၡူးနုာ်လီၤဆူချံပူၤဒီးဟးထီၣ်ကွံာ်ဝဲဒၣ်လီၤ.

လံာ်ယိၤဟၣ် 16:8

ဒီးတုၤအဟဲဝဲဒီး, အဝဲကဒုးနဲၣ်ဖျါထီၣ်န့ၢ်ပှၤဟီၣ်ခိၣ်ဖိတဖၣ် လၢအဝဲသ့ၣ်အတၢ်ဆိကမိၣ်ကမၣ်တၢ်ဘၣ်ဃးတၢ်ဒဲးဘး အဂ့ၢ်, တၢ်လၢအမ့ၢ်အတီအဂ့ၢ်, ဒီးကစၢ်ယွၤအတၢ်စံၣ်ညီၣ် အဂ့ၢ်တဖၣ်န့ၣ်လီၤ.

လံာ်ယိၤဟၣ် 20:17

ယ့ၣ်ၡူးစံးဘၣ်အီၤ, “တဘၣ်ဖိးဃာ်ယၤတဂ့ၤ. အဂ့ၢ်ဒ်လဲၣ်န့ၣ်, ယတက့ၤထီၣ်ဘၣ်ဆူပၢ်အအိၣ်ဒံးဘၣ်. မ့မ့ၢ်လဲၤဆူယဒီပုၢ်ဝဲၢ် တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်လၢယက့ၤထီၣ်ကဒါ က့ၤဆူပှၤလၢအမ့ၢ်ယပၢ်ဒီးမ့ၢ်အဝဲသ့ၣ်အပၢ်, ယကစၢ်ယွၤဒီးအဝဲသ့ၣ်အကစၢ်ယွၤအအိၣ်န့ၣ်တက့ၢ်.”

မၤတၢ် 16:29

ပှၤဃိာ်ဒိၣ်ကိးထီၣ်ဒ်သိးပှၤကဟဲစိာ်တၢ်ကပီၤဝံၤ, ဃ့ၢ်နုာ်ဆူဒၢးပူၤ, ထိၣ်လီၤပှီၤအသးဒီးကနိးကစုာ်ဝဲလၢ စီၤပီလူးဒီးစီၤစံလၤအခီၣ်ထံးလီၤ.

မၤတၢ် 2:37

တုၤပှၤတဖၣ်နၢ်ဟူဘၣ်တၢ်လၢစီၤပ့းတရူးစံးတ့ၢ်ဝဲအံၤန့ၣ်, အဝဲသ့ၣ်အသးဘၣ်ဒိဘၣ်ထံးနးမးဒီးစံးဘၣ်စီၤပ့းတရူးဒီး ပှၤတၢ်မၢဖိအဂၤတဖၣ်, “ဒီပုၢ်ဝဲၢ်သ့ၣ်ဧၢ, ပကမၤဘၣ်ဒ်လဲၣ်.”

ရိမ့ၤ 8:16

ကစၢ်ယွၤအသးအုၣ်ဃုာ်အသးဒီးပသးလၢပမ့ၢ်ကစၢ်ယွၤ အဖိတဖၣ်န့ၣ်လီၤ.

ရိမ့ၤ 8:23

ဒီးတၢ်အံၤတမ့ၢ်ထဲတၢ်ဘၣ်တ့ဧိၤန့ၣ်ဘၣ်. ပဝဲလၢအအိၣ် ဒီးယွၤအသးလၢအမ့ၢ်ကစၢ်ယွၤအတၢ်ဟ့ၣ်အခီၣ်ထံးကတၢၢ် တမံၤစ့ၢ်ကီး, ပကအုကစွါလၢပသးကံၢ်ပူၤဖဲပအိၣ်ခိးကွၢ်လၢ် ယွၤအတၢ်ဒုးကဲထီၣ်ပှၤလၢအဖိတဖၣ်ဒီးအတၢ်မၤထူၣ်ဖျဲး ပနီၢ်ခိဒီဂၤညါအခါန့ၣ်လီၤ.

ရိမ့ၤ 8:26

ဒ်န့ၣ်အသိးယွၤအသးစ့ၢ်ကီးဟဲလၢကမၤစၢၤပှၤအဂီၢ်, ဒ်ပမ့ၢ်ပှၤဂံၢ်စၢ်ဘါစၢ်တဖၣ်အသိးလီၤ. အဂ့ၢ်ဒ်လဲၣ်န့ၣ်, ပကြၢးဃ့ထုကဖၣ်တၢ်ဒ်လဲၣ်န့ၣ်ပတသ့ၣ်ညါဘၣ်. ယွၤအသးဒၣ်ဝဲဃ့သကွံၢ်ကညးကစၢ်ယွၤလၢပဂီၢ်လၢတၢ် ကအုကစွါဖးဒိၣ်လၢပတဲဖျါလၢတၢ်ကတိၤတသ့ဒၣ်လဲာ်ဘၣ် အပူၤန့ၣ်လီၤ.

ရိမ့ၤ 9:4

အဝဲသ့ၣ်မ့ၢ်ကစၢ်ယွၤအပှၤဂီၢ်မုၢ်ဒီးအဝဲဒၣ်ဒုးကဲထီၣ် အီၤလၢအဖိတဖၣ်ဒီးလီၣ်ဖျါထီၣ်အလၤကပီၤလၢအီၤ န့ၣ်လီၤ. အဝဲဒၣ်မၤအတၢ်အၢၣ်လီၤအီလီၤဒီးအဝဲ သ့ၣ်, ဒီးဟ့ၣ်လီၤအီၤလၢတၢ်သိၣ်တၢ်သီလီၤ. အဝဲသ့ၣ်အိၣ်ဒီးတၢ်ဘူၣ်ထီၣ်ဘါထီၣ်အမ့ၢ်အတီဒီးဒိးန့ၢ် ကစၢ်ယွၤအတၢ်အၢၣ်လီၤအီလီၤတဖၣ်န့ၣ်လီၤ.

1 ကရံၣ်သူး 2:12

ပတဒိးန့ၢ်ပဝဲသးဘၣ်ဃးဒီးဟီၣ်ခိၣ်တဘ့ၣ်အံၤဘၣ်. မ့မ့ၢ်, ပဒိးန့ၢ်တ့ၢ်ပဝဲသးလၢအဘၣ်တၢ်ဆှၢလီၤအီၤလၢကစၢ်ယွၤဒ်သိး ပကသ့ၣ်ညါတၢ်ခဲလၢာ်လၢကစၢ်ယွၤဟ့ၣ်တ့ၢ်ပှၤန့ၣ်လီၤ.

၂ ကရံၣ်သူး 11:4

အဂ့ၢ်ဒ်အံၤ, သုတူၢ်လိာ်ပှၤတဂၤလၢ်လၢ်လၢအဟဲဆူသုအိၣ် ဒီးစံၣ်တဲၤတဲလီၤယ့ၣ်ၡူးအဂၤတဂၤ, တမ့ၢ်တဂၤဃီလၢပစံၣ်တဲၤတဲလီၤလၢအဂ့ၢ်ဘၣ်. ဒီးသုတူၢ်လိာ်သးလၢအလီၤဆီဝဲဒၣ်လၢာ်လၢာ်ဆ့ဆ့ ဒီးသးလၢသုဒိးန့ၢ်လၢပအိၣ်, ဒီးတၢ်သးခုကစီၣ်လၢအလီၤဆီဝဲလၢာ်လၢာ်ဆ့ဆ့ဒီးတၢ် သးခုကစီၣ်လၢသုဒိးန့ၢ်သုဝဲလၢပအိၣ်န့ၣ်လီၤ.

ကလၤတံ 2:4

သနာ်က့ပှၤတနီၤအဲၣ်ဒိးဝဲလၢအဝဲဒၣ်ကမၤဝဲန့ၣ်လီၤ. ပှၤသ့ၣ်တဖၣ်အံၤပာ်မၤအသးဒ်အမ့ၢ်ပှၤစူၢ်က့ၤနာ်က့ၤတၢ် သကိးသကိးဒီးပှၤဒီးနုာ်လီၤဆူပကျါဒ်ပှၤကွၢ်ဟုၣ်ကွၢ်စုာ် တၢ်တဖၣ်အသိး, ဒ်သိးအကဃုသ့ၣ်ညါတၢ်သဘျ့လၢ အအိၣ်ဒီးပှၤခီဖျိပတၢ်မ့ၢ်တၢ်တမံၤဃီဒီးယ့ၣ်ၡူးခရံာ် န့ၣ်လီၤ. အဝဲသ့ၣ်အသးအိၣ်လၢပကကဲထီၣ်တၢ်အကုၢ် အပှၤလီၤ.

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

အ့းဖ့းစူး 1:5

မ့ၢ်လၢကစၢ်ယွၤအတၢ်အဲၣ်ဘၣ်ပှၤအဃိ, အဝဲဒၣ်ပာ်လီၤတ့ၢ်လံအသးလၢခီဖျိယ့ၣ်ၡူးခရံာ်န့ၣ်, အဝဲကဒုးကဲထီၣ်ပှၤလၢအဖိဒၣ်ဝဲန့ၣ်လီၤ. အအံၤမ့ၢ်ယွၤအတၢ်ဘၣ်အသးဒီးအတၢ်တိာ်ပာ်န့ၣ်လီၤ.

၂ တံၤမသ့း 1:7

အဂ့ၢ်ဒ်လဲၣ်န့ၣ်, သးလၢကစၢ်ယွၤဟ့ၣ်လီၤတ့ၢ်ပှၤန့ၣ်တဒုး ကဲထီၣ်ပှၤလၢ, ပှၤလၢအပျံၤတၢ်ဘၣ်. မ့မ့ၢ်ယွၤအသးမၤပှဲၤ ပသးဒီးတၢ်စိတၢ်ကမီၤ, တၢ်အဲၣ်တၢ်ကွံ, ဒီးတၢ်ပၢၤသူၣ်ပၢၤသးန့ၣ်လီၤ.

ဧ့ၤဘြံၤ 2:15

ဒီးမၤထူၣ်ဖျဲးထီၣ်ကွံာ်ပှၤဘၣ်တၢ်စၢဃာ်အီၤတစိၤသးလၢ အပျံၤတၢ်သံအဃိတဖၣ်န့ၣ်ခဲလၢာ်လီၤ.

ယၤကိာ် 2:19

မ့ၢ်နနာ်လၢကစၢ်ယွၤအိၣ်ထဲတဂၤဧိၤန့ၣ်ဧါ. ဂ့ၤလီၤ. တၢ်နါတဖၣ်စ့ၢ်ကီးနာ်ဝဲဒ်န့ၣ်, ဒီးကနိးကစုာ်လၢတၢ်ပျံၤတၢ်ဖုး အပူၤလီၤ.

၁ ယိၤဟၣ် 4:18

လၢတၢ်အဲၣ်တၢ်ကွံအပူၤန့ၣ်, တၢ်ပျံၤတၢ်ဖုးတအိၣ် ဘၣ်. တၢ်အဲၣ်တၢ်ကွံအလၢအပှဲၤန့ၣ်, ဟီထီၣ်ကွံာ် တၢ်ပျံၤတၢ်ဖုးခဲလၢာ်လီၤ. မ့မ့ၢ်ဒ်န့ၣ်ဒီး, တၢ်အဲၣ်တၢ်ကွံတဘၣ်တၢ်မၤလၢထီၣ်ပှဲၤထီၣ်အီၤ လၢပှၤလၢအပျံၤတၢ်ဖုးတၢ်တဂၤအပူၤဘၣ်. အဂ့ၢ်ဒ်အံၤ, တၢ်ပျံၤတၢ်ဖုးဘၣ်ဃးဒီးတၢ်စံၣ်ညီၣ်ဃၣ်န့ၣ်လီၤ.