ရိမ့ၤ 8:11 - Sgaw Karen Common Bible

¹¹ ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

ရိမ့ၤ 8:11 Iomraidhean Croise

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ယဃ့းစက့လး 37:14

ယကဒၢနုာ်ယတၢ်သါဆူအဝဲသ့ၣ်အပူၤ, မၤမူထီၣ်ကဒါက့ၤအဝဲသ့ၣ် ဒီးပျဲအဝဲသ့ၣ်အိၣ်ဆိးလၢအကီၢ်ဒၣ်ဝဲအပူၤန့ၣ်လီၤ. အန့ၣ်ဒီးအဝဲသ့ၣ်က သ့ၣ်ညါဝဲလၢယမ့ၢ်ယွၤန့ၣ်လီၤ. ယအၢၣ်လီၤတ့ၢ်လၢယကမၤတၢ်အံၤဒီးယကမၤအီၤန့ၣ်လီၤ. ယၤ, ယွၤ, ကတိၤလံတၢ်လံ.”

လံာ်ယိၤဟၣ် 14:17

အဝဲဒၣ်န့ၣ်မ့ၢ်ယွၤအသးလၢအလီၣ်ဖျါထီၣ်တၢ် မ့ၢ်တၢ်တီဘၣ်ဃးဒီးကစၢ်ယွၤန့ၣ်လီၤ. ဟီၣ်ခိၣ်တူၢ်လိာ်အီၤ တသ့ဘၣ်. မ့ၢ်လၢအထံၣ်အီၤတသ့ဒီးသ့ၣ်ညါအီၤတသ့ဘၣ် အဃိလီၤ. ဘၣ်ဆၣ်ဒီးသုသ့ၣ်ညါအီၤမ့ၢ်လၢအဝဲအိၣ်ဝဲ ဆိးဝဲဒီးသုဒီးကအိၣ်ကဆိးလၢသုပူၤအဃိန့ၣ်လီၤ.

လံာ်ယိၤဟၣ် 5:21

ဒ်ပၢ်ဒုးဂဲၤဆၢထၢၣ်သမူထီၣ်က့ၤပှၤလၢအသံတဖၣ် ဒီးဟ့ၣ်အဝဲသ့ၣ်လၢတၢ်မူအသိးန့ၣ်, ဖိခွါစ့ၢ်ကီးဟ့ၣ်တၢ်မူလၢပှၤလၢအသးအိၣ်ဟ့ၣ်ဝဲ တဖၣ်န့ၣ်လီၤ.

မၤတၢ် 2:24

ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးမၤထူၣ်ဖျဲးထီၣ်အီၤလၢတၢ်သံအစိကမီၤအဖီလာ်, မ့ၢ်လၢတၢ်သံဟံးဃာ်အီၤတသ့လ့ၤတက့ၤဘၣ်အဃိလီၤ.

ရိမ့ၤ 16:10

ယဆၢဂ့ၤဆၢဝါဘၣ်စီၤအၤပ့းလ့ၣ်လၢအပာ်ဖျါထီၣ်တ့ၢ်လံ ဝဲအတၢ်သးတီဒီးခရံာ်န့ၣ်လီၤ. ယဆၢဂ့ၤဆၢဝါဘၣ်ပှၤတဖၣ်လၢအဘၣ်ဃးဒီးစီၤအရံးစတီးဘူလူး အဒူၣ်ဖိထၢဖိန့ၣ်လီၤ.

ရိမ့ၤ 16:3

ယဆှၢယတၢ်ဆၢဂ့ၤဆၢဝါတဖၣ်ဆူနီၢ်ပြံစကံးလၤဒီးစီၤအကူလၤ, လၢအမ့ၢ်ယပှၤမၤသကိးတၢ်တဖၣ်လၢယ့ၣ်ၡူးခရံာ်အတၢ်မၤအပူၤ အအိၣ်လီၤ.

ရိမ့ၤ 16:7

ယဆှၢတၢ်ဆၢဂ့ၤဆၢဝါတဖၣ်ဆူစီၤအၤဒြနံကူးဒီးစီၤယူၤနံ, လၢအမ့ၢ်ပှၤယူဒၤဖိသကိးသကိးဒီးယၤ, လၢအလီၤဃိာ်ပူၤဒီး ယၤအအိၣ်န့ၣ်လီၤ. အဝဲသ့ၣ်ဘၣ်တၢ်သ့ၣ်ညါအီၤအါမးလၢပှၤတၢ်မၢဖိတဖၣ် အကျါ, ဒီးအဝဲသ့ၣ်ကဲထီၣ်ခရံာ်ဖိလၢယမဲာ်ညါန့ၣ်လီၤ.

ရိမ့ၤ 16:9

ယဆၢဂ့ၤဆၢဝါဘၣ်စီၤအူၢ်ဘါနူး, ပပှၤမၤသကိးတၢ်လၢ ခရံာ်အတၢ်မၤအပူၤ, ဒီးပှၤလၢယအဲၣ်အီၤစီၤစတါဃူၣ်န့ၣ်လီၤ.

ရိမ့ၤ 6:12

သုတပျဲတၢ်ဒဲးဘးပၢသုနီၢ်ခိလၢအသံသ့အံၤ, ဒီးဒုးစူၢ်သုလၢသုနီၢ်ခိအတၢ်သူၣ်လီသးကွံတဖၣ်တဂ့ၤ.

ရိမ့ၤ 8:1

ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 8:12

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, တၢ်လီၤဘၣ်ပှၤလၢပသုတအိၣ်မူဒ်ပပှၤဟီၣ်ခိၣ်ဖိအန့ဆၢၣ်မၢပှၤ အသိးတဂ့ၤန့ၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

1 ကရံၣ်သူး 15:16

အဂ့ၢ်ဒ်အံၤ, ပှၤသံတဖၣ်မ့ၢ်တဘၣ်တၢ်ဒုးဂဲၤဆၢထၢၣ်သမူထီၣ် က့ၤအီၤဘၣ်ဒီး, ခရံာ်တဘၣ်တၢ်ဒုးဂဲၤဆၢထၢၣ်က့ၤအီၤစ့ၢ်ကီးဘၣ်.

1 ကရံၣ်သူး 6:14

ကစၢ်ယွၤဒုးဂဲၤဆၢထၢၣ်သမူထီၣ်က့ၤကစၢ်လၢတၢ်သံ, ဒီးအဝဲဒၣ်ကဒုးဂဲၤဆၢထၢၣ်သမူထီၣ်စ့ၢ်ကီးပှၤလၢအတၢ်စိ တၢ်ကမီၤလီၤ.

၂ ကရံၣ်သူး 4:11

လၢပတၢ်အိၣ်မူဒီဆၢဒီကတီၢ်န့ၣ်, ပဘၣ်တၢ်ဟ့ၣ်လီၤ ပှၤဆူတၢ်သံအပူၤလၢယ့ၣ်ၡူးအဂီၢ်, ဒ်သိးအဝဲအတၢ်အိၣ်မူကဘၣ်တၢ်ထံၣ်အီၤလၢ ပနီၢ်ခိလၢအသံသ့အဝဲအံၤအပူၤအဂီၢ်န့ၣ်လီၤ.

၂ ကရံၣ်သူး 4:14

ပသ့ၣ်ညါပဝဲလၢကစၢ်ယွၤလၢအဒုးဂဲၤဆၢထၢၣ်သမူထီၣ်က့ၤ ကစၢ်ယ့ၣ်ၡူးန့ၣ်, ကဒုးဂဲၤဆၢထၢၣ်သမူထီၣ်က့ၤပှၤစ့ၢ်ကီးဒီး စိာ်ဃုာ်ပှၤတပူၤဃီဒီးသုဆူအဝဲဒၣ်အမဲာ်ညါန့ၣ်လီၤ.

၂ ကရံၣ်သူး 5:4

ဖဲပအိၣ်ပဆိးလၢဟီၣ်ခိၣ်အဒဲတဖျၢၣ်အံၤအပူၤအဆၢ ကတီၢ်န့ၣ်, ပကအုကစွါပဝဲဒ်ပဘၣ်တၢ်နးတၢ်ဖှီၣ်အသိး လီၤ. တမ့ၢ်လၢပအဲၣ်ဒိးညိကွံာ်ပဟီၣ်ခိၣ်အနီၢ်ခိအံၤ အဃိဘၣ်. မ့မ့ၢ်တခီ, မ့ၢ်လၢပအဲၣ်ဒိးတၢ်ဒုးကူဒုးသိးထီၣ် ပှၤလၢနီၢ်ခိဘၣ်ဃးဒီးမူခိၣ်, ဒ်သိးတၢ်လၢအသံသ့ကဘၣ်တၢ်ပျိာ်လဲလိာ်ကွံာ်အီၤဆူ တၢ်မူအဂီၢ်န့ၣ်လီၤ.

ကလၤတံ 6:8

အဂ့ၢ်ဒ်အံၤ, အဝဲဒၣ်မ့ၢ်သူၣ်လီၤဖျးလီၤတၢ်လၢအတၢ်သူၣ်လီ သးကွံတဖၣ်အပူၤန့ၣ်, တၢ်လၢအကကူးဘၣ်က့ၤဝဲမ့ၢ်တၢ်သံ န့ၣ်လီၤ. မ့မ့ၢ်အဝဲဒၣ်မ့ၢ်သူၣ်လီၤဖျးလီၤတၢ်လၢယွၤအသး အပူၤဒီး, ယွၤအသးကမၤစၢၤအီၤဒ်သိးအကကူးဘၣ်က့ၤဝဲတၢ်မူ အထူအယိာ်န့ၣ်လီၤ.

အ့းဖ့းစူး 2:5

မၤမူထီၣ်ပှၤတပူၤဃီဒီးခရံာ်ဖဲပမ့ၢ်တ့ၢ်ပှၤသံလၢသူၣ်လၢ သးခီဖျိပတၢ်ဒဲးဘး, တၢ်တဒိကနၣ်ဘၣ်အခါဒၣ်လဲာ်န့ၣ်လီၤ. (သုဘၣ်တၢ်အုၣ်က့ၤခီၣ်က့ၤသုခီဖျိယွၤအဘျုးအဖှိၣ်န့ၣ် လီၤ.)

ဖံလံးပံၤ 3:21

အဝဲဒၣ်ကလဲလိာ်ကွံာ်ပနီၢ်ခိလၢအဂံၢ်စၢ်ဘါစၢ်လၢ အသံသ့အံၤတဖၣ်, ဒီးဒုးကဲထီၣ်အီၤဒ်အနီၢ်ကစၢ်ဒၣ်ဝဲအနီၢ်ခိလၢအအိၣ်ဒီးတၢ် လၤကပီၤအသိး, ဒီးကသူဝဲတၢ်စိကမီၤလၢအဝဲဒၣ်ဒုးအိၣ်တၢ်ခဲလၢာ်လၢ အတၢ်ပၢအဖီလာ်သ့, တမံၤန့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

၁ ပ့းတရူး 1:21

ခီဖျိအီၤန့ၣ်သုစူၢ်က့ၤနာ်က့ၤကစၢ်ယွၤ, လၢအဒုးဂဲၤဆၢထၢၣ်က့ၤအီၤလၢတၢ်သံအပူၤဒီးဟ့ၣ် အီၤတၢ်လၤကပီၤန့ၣ်လီၤ. သတးဒီးသုတၢ်စူၢ်တၢ်နာ် ဒီးတၢ်မုၢ်လၢ်န့ၣ်, အိၣ်စဲထီဃာ်အသးဒီးကစၢ်ယွၤန့ၣ်လီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 11:11

ဖဲသၢသီဒီးနံၤတဝာ်ပူၤကွံာ်န့ၣ်, တၢ်သါလၢအဟ့ၣ်တၢ်မူ, ဟဲလၢကစၢ်ယွၤအအိၣ်ဒီးနုာ်လီၤဆူအဝဲသ့ၣ်အပူၤ, ဒီးအဝဲသ့ၣ် ဂဲၤဆၢထၢၣ်, ဒီးပှၤကိးဂၤဒဲးလၢအထံၣ်ဘၣ်အဝဲသ့ၣ်တဖၣ်န့ၣ် အသူၣ်ပျံၤသးဖုးဝဲန့ၣ်လီၤ.