ရိမ့ၤ 8:1 - Sgaw Karen Common Bible

¹ ခဲကနံၣ်အံၤ, ပှၤလၢအအိၣ်မူလၢယ့ၣ်ၡူးခရံာ်အပူၤတဖၣ်န့ၣ်, တၢ်စံၣ်ညီၣ်ဃၣ်တအိၣ်လၢအဂီၢ်ဘၣ်.

ရိမ့ၤ 8:1 Iomraidhean Croise

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယဃ့းစက့လး 18:9

ပှၤဒ်သိးန့ၣ်တဂၤစူၢ်ယတၢ်မၤလိာ်တဖၣ်ဒီးတိၢ်န့ၢ်ဟံးဃာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်လီၤတံၢ်လီၤဆဲးန့ၣ်လီၤ. အဝဲမ့ၢ်ပှၤအတီအလိၤဒီးအဝဲကမူဝဲဒၣ်လီၤ. ယွၤပၢဘၣ်တၢ်ခဲလၢာ်အကစၢ်စံးတၢ်န့ၣ်လီၤ.

လံာ်ယိၤဟၣ် 14:20

တုၤမုၢ်နံၤအဝဲန့ၣ်ဟဲတုၤဃီၤဒီး, သုကသ့ၣ်ညါလၢယအိၣ် လၢယပၢ်အပူၤ, ဒီးသုအိၣ်လၢယပူၤ, ဒ်ယအိၣ်လၢသုပူၤ အသိးန့ၣ်လီၤ.

လံာ်ယိၤဟၣ် 15:4

အိၣ်ဆိးသုဝဲလၢယပူၤ, ဒီးယကအိၣ်ဆိးယဲလၢသုပူၤလီၤ. ဒ့တဒ့အိၣ်ဒၣ်အတၢ်န့ၣ်သၣ်ထီၣ်ဝဲတသ့ဘၣ်. သၣ်ထီၣ်ဝဲသ့ဖဲဒၣ်လၢ အအိၣ်စဲဘူးဒီးစပံးမုၢ်န့ၣ်လီၤ. ဒ်န့ၣ်အသိး, သုမ့ၢ်တအိၣ် တဆိးလၢယပူၤဘၣ်ဒီးသုသၣ်ထီၣ်တသ့ဘၣ်လီၤ.

လံာ်ယိၤဟၣ် 5:24

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအနၢ်ဟူယတၢ်စံးတၢ် ကတိၤတဖၣ်ဒီးစူၢ်က့ၤနာ်က့ၤပှၤလၢအမၢလီၤယၤန့ၣ်, အိၣ်ဒီးတၢ်မူအထူအယိာ်လံန့ၣ်လီၤ. အဝဲသ့ၣ်တဘၣ်တၢ်စံၣ်ညီၣ် အီၤဘၣ်. အဂ့ၢ်မ့ၢ်လၢအခီဂာ်တ့ၢ်လံတၢ်သံ ဒီးနုာ်လီၤဆူတၢ်မူအပူၤလံအဃိန့ၣ်လီၤ.

ရိမ့ၤ 16:3

ယဆှၢယတၢ်ဆၢဂ့ၤဆၢဝါတဖၣ်ဆူနီၢ်ပြံစကံးလၤဒီးစီၤအကူလၤ, လၢအမ့ၢ်ယပှၤမၤသကိးတၢ်တဖၣ်လၢယ့ၣ်ၡူးခရံာ်အတၢ်မၤအပူၤ အအိၣ်လီၤ.

ရိမ့ၤ 16:7

ယဆှၢတၢ်ဆၢဂ့ၤဆၢဝါတဖၣ်ဆူစီၤအၤဒြနံကူးဒီးစီၤယူၤနံ, လၢအမ့ၢ်ပှၤယူဒၤဖိသကိးသကိးဒီးယၤ, လၢအလီၤဃိာ်ပူၤဒီး ယၤအအိၣ်န့ၣ်လီၤ. အဝဲသ့ၣ်ဘၣ်တၢ်သ့ၣ်ညါအီၤအါမးလၢပှၤတၢ်မၢဖိတဖၣ် အကျါ, ဒီးအဝဲသ့ၣ်ကဲထီၣ်ခရံာ်ဖိလၢယမဲာ်ညါန့ၣ်လီၤ.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

ရိမ့ၤ 5:16

ဒီးတၢ်လီၤဆီအိၣ်ဝဲဒၣ်လၢကစၢ်ယွၤအတၢ်ဟ့ၣ်ဒီးပှၤ တဂၤအတၢ်ဒဲးဘးအဘၢၣ်စၢၤန့ၣ်လီၤ. လၢတၢ်ဒဲးဘးတမံၤအလီၢ်ခံန့ၣ်တၢ်စံၣ်ညီၣ်လၢအမ့ၢ် “တၢ်ကမၣ်အိၣ်လီၤ” န့ၣ်, ပိာ်ထွဲထီၣ်အခံလီၤ. ဘၣ်ဆၣ်ဒီးလၢတၢ်ဒဲးဘးအါမံၤအလီၢ်ခံန့ၣ်တၢ်ဟ့ၣ် ကလီလၢအမ့ၢ် “တၢ်ကမၣ်တအိၣ်ဘၣ်” န့ၣ်, ပိာ်ထွဲထီၣ်အခံလီၤ.

ရိမ့ၤ 7:17

နီၢ်နီၢ်တခီယကစၢ်ဒၣ်ယဲယတမ့ၢ်ပှၤတဂၤလၢအမၤတၢ် တမံၤအံၤဘၣ်. မ့မ့ၢ်တၢ်ဒဲးဘးလၢအအိၣ်မူလၢယပူၤမၤ တၢ်န့ၣ်လီၤ.

ရိမ့ၤ 7:20

ယမ့ၢ်မၤတၢ်လၢယတဆၢမၤဘၣ်န့ၣ်, တၢ်အံၤအခီပညီမ့ၢ်ဝဲ ပှၤလၢအမၤတၢ်ဝဲအံၤတမ့ၢ်လၢၤယၤဘၣ်, မ့မ့ၢ်တၢ်ဒဲးဘးလၢအအိၣ်မူလၢယပူၤမၤတၢ်တခီန့ၣ်လီၤ.

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

ရိမ့ၤ 8:14

ပှၤတဖၣ်လၢအဘၣ်တၢ်ပၢဆှၢအီၤလၢကစၢ်ယွၤအသး န့ၣ်မ့ၢ်ကစၢ်ယွၤအဖိတဖၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

ရိမ့ၤ 8:34

မ့မ့ၢ်ဒ်န့ၣ်ဒီး, မ့ၢ်မတၤကစံၣ်ညီၣ်ဃၣ်အဝဲသ့ၣ်တဂၤဂၤန့ၣ်လဲၣ်. တမ့ၢ်ယ့ၣ်ၡူးခရံာ်လၢအသံတ့ၢ်, ဘၣ်ဆၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဒီးခဲအံၤအိၣ်ဝဲဒၣ်လၢယွၤအစုထွဲတခီ တဂၤန့ၣ်ဘၣ်ဧါ. အဝဲဒၣ်ဃ့သကွံၢ်ကညးတၢ်ဒီးယွၤလၢ ပဂီၢ်န့ၣ်လီၤ.

ရိမ့ၤ 8:39

တၢ်လၢထးမ့ၢ်ဂ့ၤ, တၢ်လၢလာ်မ့ၢ်ဂ့ၤ, တၢ်ဘၣ်တ့အဂုၤ အဂၤခဲလၢာ်မ့ၢ်ဂ့ၤ, မၤလီၤဖးပှၤဒီးကစၢ်ယွၤအတၢ်အဲၣ် တၢ်ကွံလၢအအိၣ်လၢပကစၢ်ယ့ၣ်ၡူးခရံာ်အပူၤန့ၣ်တသ့ဘၣ်လီၤ.

ရိမ့ၤ 8:4

ကစၢ်ယွၤမၤတၢ်အံၤ မ့ၢ်ဒ်သိးဒီးတၢ်သိၣ်တၢ်သီအတၢ်မၤ လိာ်အတီအလိၤကလၢထီၣ်ပှဲၤထီၣ်ဝဲဒၣ်လၢပဝဲလၢအအိၣ် မူဒ်ယွၤအသးအသိး, ဒီးတမ့ၢ်ဘၣ်ဒ်ဟီၣ်ခိၣ်ဖိအန့ဆၢၣ် အသိးတဖၣ်အပူၤဘၣ်န့ၣ်လီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 15:22

အဂ့ၢ်ဒ်အံၤ, ဒ်ပှၤကိးဂၤဒဲးသံဝဲဒၣ်ခီဖျိအဝဲသ့ၣ်အတၢ် ပာ်ဖှိၣ်ဃုာ်အသးဒီးစီၤအၤဒၣ်အသိးန့ၣ်, လၢကျဲတဘိဃီ အဝဲန့ၣ်ပှၤကိးဂၤဒဲးကဘၣ်တၢ်မၤမူထီၣ်က့ၤအီၤခီဖျိ အဝဲသ့ၣ်အတၢ်ပာ်ဖှိၣ်ဃုာ်အသးဒီးခရံာ်န့ၣ်လီၤ.

၂ ကရံၣ်သူး 12:2

ယသ့ၣ်ညါပှၤခရံာ်ဖိတဂၤလၢအပူၤကွံာ်တဆံလွံၢ်နံၣ်န့ၣ်, ဘၣ်တၢ်စိာ်ထီၣ်အီၤဆူမူခိၣ်အထီကတၢၢ်လီၤ. (တၢ်တမံၤအံၤမၤစဲဃဲၤအသးနီၢ်နီၢ်ဧါ, မ့တမ့ၢ်, မ့ၢ်အဝဲထံၣ်တၢ်လၢညါခီလဲၣ်န့ၣ်ယတသ့ၣ်ညါဘၣ်. ထဲကစၢ်ယွၤတဂၤဧိၤသ့ၣ်ညါဝဲလီၤ.)

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

ကလၤတံ 3:26

ခီဖျိတၢ်စူၢ်တၢ်နာ်န့ၣ်, သုဝဲခဲလၢာ်သုမ့ၢ်ကစၢ်ယွၤအဖိခွါတဖၣ်လၢတၢ်တမံၤဃီဒီး ယ့ၣ်ၡူးခရံာ်အပူၤန့ၣ်လီၤ.

ကလၤတံ 3:28

အဃိ, တၢ်လီၤဆီလိာ်သးတအိၣ်ဘၣ်လၢပှၤယူဒၤဖိဒီးပှၤ ကလုာ်ဂၤတဖၣ်အဘၢၣ်စၢၤ, ပှၤကုၢ်ဖိဒီးပှၤသဘျ့ဖိတဖၣ် အဘၢၣ်စၢၤ, ပှၤပိာ်ခွါဒီးပှၤပိာ်မုၣ်တဖၣ်အဘၢၣ်စၢၤန့ၣ်ဘၣ်. သုဝဲခဲလၢာ်န့ၣ်သုမ့ၢ်တၢ်တမံၤဃီလၢယ့ၣ်ၡူးခရံာ်အပူၤ န့ၣ်လီၤ.

ကလၤတံ 5:16

တၢ်လၢယစံးမ့ၢ်တၢ်အံၤလီၤ. ပျဲယွၤအသးပၢဆှၢသုတၢ်အိၣ်မူ တဖၣ်တက့ၢ်. ဒီးသုတမၤလၢထီၣ်ပှဲၤထီၣ်သုဖံးသုညၣ်အတၢ်သူၣ် လီသးကွံတဖၣ်တဂ့ၤ.

ကလၤတံ 5:25

ယွၤအသးဟ့ၣ်ပှၤတၢ်မူဒီးပကဘၣ်ပျဲအဝဲဒၣ်ပၢပတၢ်အိၣ်မူ တဖၣ်စ့ၢ်ကီးလီၤ.

အ့းဖ့းစူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိဖဲကစၢ်ယွၤအတၢ်ဘၣ် အသးတဂၤ, ဆူပှၤစီဆှံလၢခရံာ်အပူၤလၢအကလုၢ်တီဒီးအီၤ တဖၣ်အအိၣ်,

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.