ရိမ့ၤ 7:9 - Sgaw Karen Common Bible

⁹ တဘျီဖဲတၢ်သိၣ်တၢ်သီတအိၣ်ဒံးဘၣ်န့ၣ်, ယမူယဲလီၤ. ဘၣ်ဆၣ်ဖဲတၢ်မၤလိာ်ဟဲအိၣ်ထီၣ်န့ၣ်, တၢ်ဒဲးဘးမူထီၣ်ဝဲဒီး ယသံယဲလီၤ.

ရိမ့ၤ 7:9 Iomraidhean Croise

စံးထီၣ်ပတြၢၤ 40:12

ယဘၣ်တၢ်ကဝီၤဃာ်ယၤလၢတၢ်ကိၢ်တၢ်ဂီၤတဖၣ် ဒီးအါဝဲဒိၣ်မးလၢယကဂံၢ်အီၤဒၣ်လဲာ်န့ၣ်လီၤ. ယတၢ်ဒဲးဘးသ့ၣ်တဖၣ်ချုးန့ၢ်ယၤ ဒီးယတထံၣ်တၢ်လၢၤဘၣ်. အဝဲသ့ၣ်အါန့ၢ်ဒံးယခိၣ်သူအဘိတဖၣ် ဒီးယတၢ်သူၣ်ဒူသးဒူလီၤမၢ်န့ၢ်ယၤလီၤ.

လံာ်မးသဲ 19:20

ဒီးပှၤဖိၣ်သၣ်ခွါန့ၣ်စံးဘၣ်ယ့ၣ်ၡူး, “တၢ်မၤလိာ်တဖၣ်အံၤ, ယတိၢ်န့ၢ်ဒီးမူထွဲအီၤခဲလၢာ်လံ. မ့ၢ်ယကဘၣ်မၤဒံးတၢ်အဂၤမနုၤလဲၣ်.”

လံာ်လူၤကၣ် 15:29

အဝဲဒၣ်စံးဆၢအပၢ်, ‘ကွၢ်လၢအံၤ, လၢအနံၣ်အလါတဖၣ်အံၤအပူၤ, ယမၤတ့ၢ်တၢ်လၢနဂီၢ်ဒ်ကုၢ်တဂၤအသိး ဒီးယတလုၣ်သ့ၣ်ခါပတာ်နကလုၢ်နီတစုဘၣ်. နဟ့ၣ်တ့ၢ်လံယၤတၢ်မနုၤ တမံၤလဲၣ်. လၢယကမၤတၢ်အီၣ်သကိးအီသကိးအမူး ဒီးယတံၤသကိးတဖၣ်အဂီၢ်မဲာ်တဲးလဲးတဒုဒၣ်လဲာ်နတဟ့ၣ်ယၤဘၣ်.

လံာ်လူၤကၣ် 18:21

ပှၤတဂၤန့ၣ်စံးဆၢဝဲ, “တၢ်သ့ၣ်တဖၣ်အံၤခဲလၢာ်န့ၣ်, ယတိၢ်န့ၢ်ဒီးစူၢ်ယဲလၢယသးစၢ်လံၤလံၤလီၤ.”

ရိမ့ၤ 10:5

စီၤမိၤၡ့ကွဲးတ့ၢ်တၢ်ဘၣ်ဃးတၢ်ပာ်တီပာ်လိၤပှၤခီဖျိ တၢ်တိၢ်န့ၢ်တၢ်သိၣ်တၢ်သီဒီးစံးဝဲ, “ပှၤတဂၤလၢ်လၢ်လၢအတိၢ်န့ၢ်တၢ်သိၣ်တၢ်သီအတၢ်မၤလိာ် တဖၣ်န့ၣ်, ကမူဝဲလၢတၢ်န့ၣ်အဃိလီၤ” (ဘူၣ်ဘါ ၁၈:၅).

ရိမ့ၤ 7:10

ဒီးတၢ်မၤလိာ်လၢတၢ်တိာ်ပာ်အီၤလၢကဟဲစိာ်တၢ်မူန့ၣ်, လၢယဂီၢ်ဟဲစိာ်တၢ်သံန့ၣ်လီၤ.

ရိမ့ၤ 7:11

တၢ်ဒဲးဘးထံၣ်န့ၢ်ဆၢဂ့ၤကတီၢ်ဘၣ်ဒီးလီန့ၢ်ယၤခီဖျိ တၢ်မၤလိာ်န့ၣ်လီၤ. ခီဖျိတၢ်မၤလိာ်န့ၣ်, တၢ်ဒဲးဘးမၤ သံကွံာ်ယၤလီၤ.

ရိမ့ၤ 7:4

ဒီပုၢ်ဝဲၢ်သးဘိသ့ၣ်ဧၢ, တၢ်အဝဲန့ၣ်မ့ၢ်တၢ်တမံၤဃီလၢအမၤ အသးဒီးသုန့ၣ်လီၤ. သုသံသဒၣ်ကွံာ်စ့ၢ်ကီးတၢ်သိၣ်တၢ် သီမ့ၢ်လၢသုဘၣ်ဃးဒီးခရံာ်အနီၢ်ခိအဃိ, ဒီးခဲအံၤသုဘၣ်ဃးဒီးယ့ၣ်ၡူးလၢအဘၣ်တၢ်ဒုးဂဲၤဆၢ ထၢၣ်က့ၤအီၤလၢတၢ်သံတဂၤ, ဒ်သိးပကကဲဘျုးလၢကစၢ်ယွၤအတၢ်မၤအဂီၢ်လီၤ.

ရိမ့ၤ 7:6

မ့မ့ၢ်ခဲအံၤ, ပထူၣ်ဖျဲးထီၣ်လၢတၢ်သိၣ်တၢ်သီမ့ၢ်လၢပသံ သဒၣ်ကွံာ်တၢ်တမံၤလၢတဘျီဟံးဃာ်ဖီၣ်ဃာ်ပှၤအဃိ န့ၣ်လီၤ. ပတမၤတၢ်လၢကျဲလီၢ်လံၤ ဒ်တၢ်သိၣ်တၢ်သီကွဲးအသး အသိးလၢၤဘၣ်, မ့မ့ၢ်လၢကျဲအသီဒ်ကစၢ်ယွၤအသးဒုးမၤပှၤ အသိးန့ၣ်လီၤ.

ရိမ့ၤ 7:8

ခီဖျိတၢ်မၤလိာ်အံၤ, တၢ်ဒဲးဘးထံၣ်န့ၢ်ဆၢဂ့ၤကတီၢ် ဘၣ်လၢကထိၣ်ဂဲၤထီၣ်တၢ်သူၣ်လီသးကွံ အကလုာ် ကလုာ်လၢယပူၤန့ၣ်လီၤ. အဂ့ၢ်ဒ်အံၤ, မ့တမ့ၢ်ဘၣ်လၢတၢ်သိၣ်တၢ်သီဘၣ်ဒီးတၢ်ဒဲးဘး မ့ၢ်တၢ်လၢအသံတမံၤန့ၣ်လီၤ.

ရိမ့ၤ 8:7

လၢတၢ်န့ၣ်အဃိ, ပှၤဟီၣ်ခိၣ်ဖိတဂၤကဲထီၣ်ကစၢ်ယွၤ အဒုၣ်အဒါဖဲအဝဲအတၢ်ဆိကမိၣ်ဆိကမးဘၣ်တၢ်ပၢ ဆှၢအီၤလၢပှၤဟီၣ်ခိၣ်ဖိအန့ဆၢၣ်န့ၣ်လီၤ. အဂ့ၢ်ဒ်လဲၣ်န့ၣ် အဝဲတကစၢ်ယွၤအတၢ်သိၣ်တၢ်သီဘၣ်. နီၢ်နီၢ်န့ၣ်စူၢ်ဝဲ တကဲဘၣ်န့ၣ်လီၤ.

ကလၤတံ 2:19

ဖဲလၢအဘၣ်ဃးဒီးတၢ်သိၣ်တၢ်သီန့ၣ်ယသံယဲလံ. ယဘၣ်တၢ်မၤသံယၤလၢတၢ်သိၣ်တၢ်သီအကစၢ်ဒၣ်ဝဲ, ဒ်သိးယကမူလၢကစၢ်ယွၤအဂီၢ်န့ၣ်လီၤ. ယဒိးသံဃုာ်ယသးဒီးခရံာ်လၢအထူၣ်စုညါအလိၤ န့ၣ်လံ.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).