ရိမ့ၤ 7:7 - Sgaw Karen Common Bible

⁷ မ့မ့ၢ်ဒ်န့ၣ်ဒီး, ပကစံးဒ်လဲၣ်. တၢ်သိၣ်တၢ်သီအိၣ်ဒၣ်အတၢ် န့ၣ်မ့ၢ်တၢ်ဒဲးဘးဧါ. တမ့ၢ်ဒ်န့ၣ်ဘၣ်. ဘၣ်ဆၣ်တၢ်သိၣ်တၢ်သီမ့ၢ်တၢ်လၢအဒုးသ့ၣ်ညါ ယၤတၢ်ဒဲးဘးမ့ၢ်တၢ်မနုၤလဲၣ်န့ၣ်လီၤ. တၢ်သိၣ်တၢ်သီမ့ၢ် တစံး “သူၣ်လီသးကွံတၢ်တဂ့ၤ” ဒီးတၢ်သူၣ်လီ သးကွံမ့ၢ်တၢ်မနုၤလဲၣ်န့ၣ် တမ့ၢ်ယကသ့ၣ်ညါဘၣ်.

ရိမ့ၤ 7:7 Iomraidhean Croise

လံာ်တၢ်ကဲထီၣ်အခီၣ်ထံး 3:6

ဒီးပိာ်မုၣ်န့ၣ်ထံၣ်ဝဲလၢသ့ၣ်တထံးန့ၣ်ဃံလၤဝဲဒီးအသၣ်န့ၣ် တၢ်မ့ၢ်အီၣ်ဘၣ်ဒီးကဝံၣ်ဝဲဆံးဒိၣ်လဲၣ်ဒီးပိာ်မုၣ်န့ၣ်ဆိ ကမိၣ်ကွၢ်ဝဲလၢအဝဲမ့ၢ်ကူၣ်သ့ကူၣ်ဘၣ်ထီၣ်ဒီးကမုာ်သူၣ်မုာ်သး ဆံးဒိၣ်လဲၣ်န့ၣ်လီၤ. လၢတၢ်န့ၣ်အဃိအဝဲဟံးန့ၢ်သ့ၣ်သၣ်တနီၤဒီးအီၣ်ဝဲ ဒၣ်လီၤ. ဒီးဟ့ၣ်လီၤအဝၤတနီၤဒီးအဝဲဒၣ်စ့ၢ်ကီးအီၣ်ဝဲလီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:2

ဘၣ်မုၢ်တနံၤ, ဖဲမုၢ်ဃ့ၢ်လီၤလၢဟါခီအကတီၢ်န့ၣ်, စီၤဒၤဝံးဂဲၤဆၢထၢၣ်ဝဲလၢအတၢ်မံတရ့ဝံၤဒီးလဲၤထီၣ်ဝဲဆူ အနူၢ်အစီၤအခိၣ်ဒုးလီၤ. ဖဲအဝဲဟးဝ့ၤဝီၤဖဲတၢ်ဖီခိၣ်အ ခါ, အဝဲထံၣ်ဘၣ်ပိာ်မုၣ်တဂၤလုၣ်ထံလၢအဟံၣ်ပူၤန့ၣ်လီၤ. ပိာ်မုၣ်န့ၣ်ဒိၣ်တၢ်ဃံလၤဒိၣ်မးလီၤ.

စံးထီၣ်ပတြၢၤ 119:96

ယထံၣ်န့ၢ်တ့ၢ်လံလၢ တၢ်ခဲလၢာ်အိၣ်ဒီးအကတၢၢ်န့ၣ်လီၤ. မ့မ့ၢ်နတၢ်မၤလိာ်န့ၣ် အကတၢၢ်တအိၣ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 20:17

သးကွံပှၤဂၤတဂၤအဟံၣ်တဂ့ၤ. သးကွံအမါ, အကုၢ်တဖၣ်, အဂီၤဘုၣ်ဂီၤဖံး, အကသ့ၣ်ယီၤတဖၣ်, ဒီးတၢ်တမံၤလၢ်လၢ်လၢအဘၣ် ဃးဒီးအီၤန့ၣ်တဂ့ၤ.”

လံာ်မံကၤ 2:2

ဖဲအသးလီစံာ်ဧိၤပှဲၤဧိၤတဖၣ်န့ၣ်, ဂုာ်န့ၢ်ဆူၣ်ဝဲလီၤ. ဖဲအသးလီဟံၣ်ဧိၤဃီဧိၤတဖၣ်န့ၣ်ဟံးန့ၢ်ကွံာ်ဝဲလီၤ. တပျဲပူၤဘၣ်ပှၤအဟံၣ်အဃီဒီးအစုလီၢ်ခီၣ်ခိၣ်နီတဂၤဘၣ်.

လံာ်မးသဲ 5:28

ဘၣ်ဆၣ်ဒီးအခဲအံၤယစံးဘၣ်သုလၢပှၤတဂၤဂၤလၢ အကွၢ်ပိာ်မုၣ်အိၣ်ဒီးတၢ်သးကတၢန့ၣ်, အဲၣ်ဘၢတ့ၢ်လံတၢ်လၢအသးကံၢ်ပူၤလံ.

လံာ်လူၤကၣ် 12:15

ဒီးအဝဲဒၣ်ကတိၤတၢ်ဒီးစံးဘၣ်အဝဲသ့ၣ်ကိးဂၤဒဲး, “ပလီၢ်သူၣ်ပလီၢ်သး, ဒီးဟးဆှဲးတၢ်သးကွံကိးကလုာ်ဒဲးတက့ၢ်. အဂ့ၢ်ဒ်အံၤ, ပှၤကညီတဂၤမ့ၢ်ထူးဝဲတီၤဝဲဆံးအါဆံးအါသနာ်က့ အဝဲအတၢ်အိၣ်မူနီၢ်နီၢ်န့ၣ်, တဘၣ်ဃးဘၣ်ဒီးတၢ်လၢအအိၣ်ဒီးအီၤသ့ၣ်တဖၣ်န့ၣ်ဘၣ်.”

လံာ်လူၤကၣ် 20:16

“အဝဲဒၣ်ကဟဲဒီးမၤသံပှၤသ့ၣ်တဖၣ်န့ၣ်, ဒီးဟ့ၣ်လီၤက့ၤစပံးလီၢ်ဆူ ပှၤမၤဟီၣ်ခိၣ်အဂၤတဖၣ်အစုပူၤလီၤ.” ဖဲပှၤဂီၢ်မုၢ်တဖၣ်နၢ်ဟူတၢ်အံၤန့ၣ်, အဝဲသ့ၣ်စံးဝဲ, “မ်တၢ်သုတမၤအသးဒ်န့ၣ်တဂ့ၤ.”

မၤတၢ် 20:33

ယတသးလီသးကွံပှၤနီတဂၤအစ့မ့ၢ်ဂ့ၤ, ထူမ့ၢ်ဂ့ၤ, တၢ်ကူတၢ်ကၤမ့ၢ်ဂ့ၤန့ၣ်ဘၣ်.

ရိမ့ၤ 13:9

တၢ်မၤလိာ်တဖၣ်လၢအမ့ၢ်, “အဲၣ်ဘၢမါအဲၣ်ဘၢဝၤတဂ့ၤ, မၤသံပှၤကညီတဂ့ၤ, ဟုၣ်တၢ်တဂ့ၤ, သးကွံတၢ်တဂ့ၤ” တၢ်သ့ၣ်တဖၣ်အံၤခဲလၢာ်, ဒီးတၢ်မၤလိာ်အဂၤတဖၣ်ပာ်ဖှိၣ်အသးလၢတၢ်မၤလိာ်တထံၣ် လၢအစံးဝဲ, “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိး တက့ၢ်” န့ၣ်အပူၤလီၤ.

ရိမ့ၤ 3:20

မ့ၢ်အဂ့ၢ်ဒ်လဲၣ်န့ၣ်, ပှၤကညီတဘၣ်တၢ်ပာ်တီပာ်လိၤအီၤလၢ ကစၢ်ယွၤအမဲာ်ညါလၢအမၤထွဲတၢ်သိၣ်တၢ်သီအခံအဃိနီ တဂၤဘၣ်. မ့မ့ၢ်တၢ်လၢတၢ်သိၣ်တၢ်သီမၤဝဲန့ၣ်, မ့ၢ်တၢ်ဒုးသ့ၣ်ညါပှၤဟီၣ်ခိၣ်ဖိလၢအဝဲမၤတၢ်ဒဲးဘးလံန့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

ရိမ့ၤ 4:1

မ့မ့ၢ်ဒ်န့ၣ်ဒီး, ပကစံးလၢပပှၤကလုာ်အပၢ်စီၤအၤဘြၤဟၣ် အဂ့ၢ်ဒ်လဲၣ်. အတၢ်လဲၤခီဖျိမ့ၢ်တၢ်မနုၤလဲၣ်.

ရိမ့ၤ 4:15

တၢ်သိၣ်တၢ်သီဒုးအိၣ်ထီၣ်ကစၢ်ယွၤအတၢ်သးထီၣ်ဒီးဖဲ တၢ်သိၣ်တၢ်သီတအိၣ်ဘၣ်န့ၣ်, တၢ်လုၣ်သ့ၣ်ခါပတာ် တၢ်သိၣ်တၢ်သီတအိၣ်ဘၣ်လီၤ.

ရိမ့ၤ 5:20

တၢ်သိၣ်တၢ်သီဘၣ်တၢ်ဒုးအိၣ်ထီၣ်အီၤဒ်သိးတၢ်မၤ ကမၣ်တၢ်ကအါထီၣ်အဂီၢ်လီၤ. ဘၣ်ဆၣ်ဒီး, ဖဲတၢ်ဒဲးဘး အါထီၣ်ဝဲန့ၣ်, ကစၢ်ယွၤအဘျုးအဖှိၣ်အါထီၣ်ဒိၣ်န့ၢ် အန့ၣ်တက့ၢ်လီၤ.

ရိမ့ၤ 6:15

မ့မ့ၢ်ဒ်န့ၣ်ဒီး, မ့ၢ်လၢပအိၣ်လၢတၢ်ဘျုးတၢ်ဖှိၣ်အဖီလာ်ဒီး တမ့ၢ်ဘၣ်လၢတၢ်သိၣ်တၢ်သီအဖီလာ်အဃိ, မ့ၢ်ပကမၤ တၢ်ဒဲးဘးဧါ. တမ့ၢ်ဒ်န့ၣ်လ့ၤတက့ၤဘၣ်.

ရိမ့ၤ 7:11

တၢ်ဒဲးဘးထံၣ်န့ၢ်ဆၢဂ့ၤကတီၢ်ဘၣ်ဒီးလီန့ၢ်ယၤခီဖျိ တၢ်မၤလိာ်န့ၣ်လီၤ. ခီဖျိတၢ်မၤလိာ်န့ၣ်, တၢ်ဒဲးဘးမၤ သံကွံာ်ယၤလီၤ.

ရိမ့ၤ 7:13

မ့မ့ၢ်ဒ်န့ၣ်ဒီး, တၢ်အဝဲအံၤမ့ၢ်ပကပာ်အခီပညီလၢတၢ် အဂ့ၤတမံၤမၤသံကွံာ်ယၤန့ၣ်ဧါ. တမ့ၢ်ဒ်န့ၣ်လ့ၤတက့ၤဘၣ်. မ့မ့ၢ်တၢ်ဒဲးဘးမၤသံယၤခီဖျိတၢ်သူတၢ်အဂ့ၤ, ဒ်သိးတၢ်ဒဲးဘးအက့ၢ်အဂီၤနီၢ်နီၢ်ကဘၣ်တၢ်လီၣ်ဖျါထီၣ် အီၤအဂီၢ်လီၤ. သတးဒီး, ခီဖျိတၢ်မၤလိာ်န့ၣ်, တၢ်ဒဲးဘးဘၣ်တၢ်ဒုးနဲၣ်အီၤဒ်အမ့ၢ်တၢ်လၢအအၢဒိၣ်န့ၣ် အလီၢ်တက့ၢ်န့ၣ်လီၤ.

ရိမ့ၤ 7:5

မ့ၢ်အဂ့ၢ်ဒ်လဲၣ်န့ၣ်, ဖဲပအိၣ်မူဒ်ပှၤဟီၣ်ခိၣ်ဖိအန့ဆၢၣ်အသိး န့ၣ်, တၢ်ဒဲးဘးအတၢ်သူၣ်လီသးကွံတဖၣ်လၢတၢ်သိၣ်တၢ် သီထိၣ်ဂဲၤအီၤန့ၣ်, မၤတၢ်လၢပနီၢ်ခိတဖၣ်အပူၤဒီးပကဲဘျုး လၢတၢ်သံအတၢ်မၤအဂီၢ်လီၤ.

ရိမ့ၤ 7:8

ခီဖျိတၢ်မၤလိာ်အံၤ, တၢ်ဒဲးဘးထံၣ်န့ၢ်ဆၢဂ့ၤကတီၢ် ဘၣ်လၢကထိၣ်ဂဲၤထီၣ်တၢ်သူၣ်လီသးကွံ အကလုာ် ကလုာ်လၢယပူၤန့ၣ်လီၤ. အဂ့ၢ်ဒ်အံၤ, မ့တမ့ၢ်ဘၣ်လၢတၢ်သိၣ်တၢ်သီဘၣ်ဒီးတၢ်ဒဲးဘး မ့ၢ်တၢ်လၢအသံတမံၤန့ၣ်လီၤ.

1 ကရံၣ်သူး 15:56

တၢ်သံဒိးန့ၢ်ဘၣ်တၢ်စိကမီၤလၢအကမၤဆူးမၤဆါတၢ်လၢတၢ်ဒဲး ဘးအအိၣ်, ဒီးတၢ်ဒဲးဘးဒိးန့ၢ်တၢ်စိတၢ်ကမီၤလၢတၢ်သိၣ်တၢ်သီ အအိၣ်လီၤ.

အ့းဖ့းစူး 5:3

ဒ်သုမ့ၢ်ကစၢ်ယွၤအပှၤတကလုာ်အသိးန့ၣ်, တၢ်မၤကမၣ်မုၣ် ကမၣ်ခွါမ့ၢ်ဂ့ၤ, တၢ်ကလုာ်ကလိၤမ့ၢ်ဂ့ၤ, တၢ်သူၣ်လီသးကွံမ့ၢ်ဂ့ၤ, တကြၢးဘၣ်တၢ်ယၢၤထီၣ်ဒၣ်လဲာ်အီၤလၢသုသိးသုကျါဘၣ်.

လံာ်သိၣ်လီၤသီလီၤတၢ် 5:21

သးကွံပှၤအဂၤတဂၤအမါတဂ့ၤ. သးကွံအဟံၣ်, အဝဲအဟီၣ်ခိၣ်, အဝဲအကုၢ်တဖၣ်, အဝဲအဂီၤဘုၣ်ဂီၤဖံး, အဝဲအကသ့ၣ်ယီၤတဖၣ်မ့ၢ်ဂ့ၤ, တၢ်အဂၤတမံၤဂ့ၤတမံၤဂ့ၤလၢအမ့ၢ် အဝဲအတၢ်န့ၣ်တဂ့ၤ.”

ကလီးစဲ 3:5

မ့မ့ၢ်ဒ်န့ၣ်ဒီး, တၢ်မိၣ်န့ၢ်သးလီလၢဟီၣ်ခိၣ်ချၢလၢအမၤတၢ် လၢသုပူၤဒ်တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢအဟ့ၣ်လီၤအသးဆူတၢ် တကဆှီဘၣ်, တၢ်သူၣ်ကတၢသးကတၢ, တၢ်မိၣ်န့ၢ်သးလီအအၢအသီဒီးတၢ်သူၣ်လီ သးကွံတၢ်စုလီၢ်ခီၣ်ခိၣ်လၢအမ့ၢ်တၢ်တမံၤဃီဒီးတၢ်ဘါ တၢ်ဂီၤတၢ်ဖီၣ်တဖၣ်န့ၣ်, မၤသံကွံာ်ခဲလၢာ်တက့ၢ်.

၁ သ့းစၤလနံ 4:5

ဒီးတမ့ၢ်ဘၣ်လၢတၢ်မုာ်ဖံးမုာ်ညၣ်အတၢ်သးကွံအပူၤ, ဒ်ပှၤလၢအတသ့ၣ်ညါထူသ့ၣ်ညါယွၤတဖၣ်မၤဝဲအသိးန့ၣ်ဘၣ်.

ဧ့ၤဘြံၤ 7:19

အဂ့ၢ်ဒ်အံၤ, စီၤမိၤၡ့အတၢ်သိၣ်တၢ်သီမၤလၢထီၣ်ပှဲၤထီၣ်တၢ် တသ့ဘၣ်နီတမံၤဘၣ်. ဒီးအခဲအံၤတၢ်ဟ့ၣ်လီၤပှၤတၢ်မုၢ်လၢ် လၢ အဂ့ၤဒိၣ်တက့ၢ်, လၢပသုးဘူးပသးဆူ ကစၢ်ယွၤအအိၣ် သ့ဝဲခီဖျိအီၤန့ၣ်လီၤ.

လံာ်စီၤယိၤၡူ 7:21

တၢ်လၢပဂုာ်န့ၢ်အကျါ, ယထံၣ်ဘၣ်ဆ့ကၤဘၤဘူၤလိၣ်လၢအဃံလၤတဘ့ၣ်, ဒီးစ့ညၣ်လီၤတယၢၢ်အဘးခံကယၤ, ဒီးထူတဘိလၢအ လီၤတယၢၢ်အဘးယဲၢ်ဆံဒီးယသးလီဘၣ်အီၤဒိၣ်မးတုၤဒၣ်လဲာ်ယဟံး န့ၢ်ဘၣ်အီၤန့ၣ်လီၤ. နကထံၣ်ဘၣ်တၢ်သ့ၣ်တဖၣ်အံၤလၢအဘၣ်တၢ်ခူၣ်လီၤဃာ်အီၤလၢဟီၣ်ခိၣ် လာ်လၢယဒဲပူၤဒီးစ့န့ၣ်အိၣ်ဝဲလၢအဖီလာ်ကတၢၢ်လီၤ.”